Italiako Giroa

Demarek irabazi du bigarrenez jarraian Giroan

2022ko maiatzak 13

Irabazi ezinik zebilen Arnaud Demare (Groupama) denboraldi honetan Italiako Girora iritsi arte. Baina txirrindulari frantziarra abiada hartuta dago Giroan. Jada bi garaipen lortu ditu. Jarraian izan dira: herenegun, bosgarren etapan gailendu zen, eta, atzo, seigarrengoan, Palmi eta Scalea artean jokatutakoa.
Milimetro eskas batzuengatik gailendu zitzaion Demare Caleb Ewani (Lotto Soudal). Frantziarrak eta australiarrak lehia ezin estuagoa izan zuten esprintean; horrenbeste, ezen helmuga pasatu ondoren ez zegoen argi nork irabazi zuen. Helmugako argazkiak eman zion garaipena Demareri.
Sailkapen nagusian, ez dago aldaketarik lehen postuetan, eta Juanpe Lopez espainiarrak (Trek) eusten dio lehen postuari. Gaur, etapa gogorra jokatuko dute Diamante eta Potenza artean (198 kilometro). Lau mendate igoko dituzte: Lehen Mailako bat, Bigarren Mailako bi eta Hirugarren Mailako bat.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut