Albistea entzun

MARIJAIAREN ESAMESAK

Zezenak euren bakardadean

Ibai Maruri Bilbao -

2019ko abuztuak 22

Zezenketa feriarik garrantzitsuenetakoa da Bilbokoa, ia Madrilekoaren eta Sevillakoaren pare. Zezenak berak ei du garrantzia hemengoan, bereziki sendoak eta indartsuak direnak ekartzen dituztelako. Eta horrek erakartzen ditu zaleak, toreroen sonak baino gehiago. Edo erakartzen zituen esan beharko, azken urteetan Vista Alegretik igarotzen direnen kopuruak nabarmen egin baitu behera. Aurten aparteko eran igarri da joera hori. 14.000 lagun pasatxorentzat lekua duen arren, datu ofizialen arabera, domeka, astelehen eta martitzeneko zezenketek 4.000 ikusle eskas erakarri dituzte. Eta horietako asko doan sartzen dira, gonbidapenarekin.

Gaur egun, animaliak erabiltzen dituen jaietako ekitaldi bakarra dira zezenketak. Hastapenetan, bigantxak eta sokamuturra ere izaten ziren. Baina aspaldi desagertu ziren. Ez animaliek jasotzen duten tratuagatik, ez arriskutsua zelako, eta ezta zaletuak galdu zituztelako ere; beti bezala, dirua izan zen arrazoi nagusia: udalarentzat garestiegia zen ekitaldi haiek antolatzeko ordaindu beharreko asegurua. Hau da, errentagarri izateari utzi zion.

Tamalez erabakigarriena den argudio ekonomiko horri eutsiz, zezen plaza ere gaur egun ez da errentagarria, gainontzeko asteetan ez duelako erabilerarik, baina bai mantentze kostuak. Udalaren arabera, zezenketek irabaziak ematen dituzte. Aurten ere bai? Jaiak pasatu arte itxaron beharko da jakiteko. Baina dagoeneko udalarentzat lasta itzela da, zorraren kargu egiten delako. Horrela, bada, zein da zabalik mantentzeak agintarien ikuspuntutik eragiten duen balizko onura hori? Hotel sonatuenetan sortzen duen mugimendua izan daiteke?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ARITZ LOIOLA / FOKU

«Juan Beistegi oso zintzoa zen bere buruarekin eta besteekin»

Jakes Goikoetxea

Altxor bat izan du esku artean: Juan Beistegi komandantearen memoriak, 1936ko gerran oinarrituak. Kontaketa soila, baina oso aberatsa.
Jose Otanoren bizi-heriotzen argitaratzaile Josu Aldai, Hernaniko hilerriko kriptan. ©ZALDI ERO

Oroitzapena eta Gorazarrea

Miel A. Elustondo

Elizgizon klaretarra zen Jose Otano Miqueliz nafarra. 1936ko urriaren 23an fusilatu zuten Hernanin, hainbat apaiz abertzalerekin bateratsu. Laurogeitaka urte geroago, kongregaziokidearen urratsak berregin ditu Josu Aldai Otxoa de Olanok (Agurain, 1944), Lergan hasi eta Hernaniko kripta izugarriraino.
<em>3 Ene kantak</em> saioko aurkezle eta pertsonaiak. ETB1en eta ETB3n ematen dute. ©ETB

Ene Kantak taldekoek marrazki berriak eskatu dituzte ETBrako

Urtzi Urkizu

Ene Kantak-ek bat egin du Pantailak Euskaraz egitasmoarekin. Babes handia jaso du egitasmoak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.