Albistea entzun

Kulturen elkargune

'Musikaren Eguna' izenpean, euskal kultura eta beste herrien kulturak elkarretaratzeari eskainiko diote asteburua Urdiñarben
Group Doueh & Cheveu.
Group Doueh & Cheveu. BORN BAD RECORDS Tamaina handiagoan ikusi

Garbine Ubeda -

2017ko ekainak 3

Bil Xokoa elkarteak antolaturik, Musikaren Eguna iraganen da Urdiñarben (Zuberoa), asteburu osoan. Euskal kultura eta munduko beste herrien kulturak elkarretaratzea xede duen festibalak egitarau oparoa dakar aurten ere, eta, ohikoa denez, beste hainbat kultur arlo hartu ditu kontuan, musikaz gainera. Adibidez, zinema eta artea.

Gaur, larunbata, Xiberoko dantza jauzien primaka edo lehiaketa iraganen da herriko plazan. Parte hartzaileak, aitzindari taldea denak, buruz buru arituko dira epaimahaiaren aurrean. Hamar talde izango dira guztira. 1980ko hamarkadaz geroztik ez da halako lehiaketarik egin. Ondoren, eta Ezpela taldeak alaiturik, zintzur bustitzea izango da: pintxoak eta aperitifak.

Aire berria tradizioari

Gaueko bederatzietan, Oihaneko zuhainetan sorkuntzari emango zaio bidea. Bertako kantariek kanpotik heldutako musikariekin bat eginik, kontzertu berezia eskainiko dute. Besteak beste, Arño Bidalun, Niko Etxart, Maddi Oihenart, Laura eta Lea Etxegoien, Maider, Maialen eta Beñat Larrori, Maika eta Mixel Etxekopar eta Luzien Larraus arituko dira kantuan.

Oihaneko zuhainetan Oihan Oliarj-Ines musikari zuberotarraren proiektua da, aurki disko bikoitz gisa plazaratuko dena. 2016an, bertako 11 kantari eta zortzi musikari batu, eta grabazioa ondu zuten Urdiñarbeko gainetan. Besteak beste, jazz, rock, pop eta musika progresiboa lotu zituen doinu tradizionalei.

Bestalde, Okzitaniako Tolosako IPN artista kolektiboko kideek irudiak egingo dituzte herriko paretetan, eta horietarik askok gai futuristak landuko dituzte.

Bihar, igandean, goizeko hamaiketan hasi eta gauera arte iraungo du egitarauak, herriko plazan: Ezpeletako trikiti eta pandero jotzaileak, Kauter Balet-en dantzaldia, txalaparta, Aimar Karrika eta Odei Barroso bertsolariak, Xiberoko jauziak, larrain dantza, herri bazkaria, Burunba elektrotxaranga, Kli-k eta La Marmailleren eskutik musika karriketan, eta beste. 15:00etan, kontzertua: Ruper Ordorika, Pixuae, Group Doueh & Cheveu, Kokoko Eta Piniol. Gauez, DJ Flp-k saioa eskainiko du, Coucou des Bois klubean.

Atzo, zinemaldi gaua zela eta, Leslie Woodhead dokumentalgileak eta Sandra Ott etnologoaren The Basques of Santazi filma (Santa Graziko euskaldunak) proiektatu zuten. Dokumentalak 1980ko hamarkadako baserritarren bizimodua erakusten du.

2017ko Musikaren Eguna

Gaur eta bihar, egun osoan, Urdiñarben (Zuberoa).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Berdea nola berdatu

Berdea nola berdatu

Enekoitz Telleria Sarriegi

Hosto berdeko barazki eta landareak ohikoak dira entsaladetan. Gero eta aniztasun handiagoa dago: tonu, forma, testura eta propietate ezberdinak dituzte.

Rafa Gorrotxategi, Tolosako Txokolatearen Museoan. ©JON URBE / FOKU

Bisita gozoa Tolosako museoan

Iraia Irazusta Mujika

Tolosako Txokolatearen Museoa 2020tik dago zabalik. Bisita gidatu zein birtualen bidez ezagutu daiteke, eta hainbat tailer egiteko aukera ematen du, txokolatearekin jolasteko

 ©ENDIKA PORTILLO / FOKU

«Jaiak gasteiztarron topagune dira»

Unai Etxenausia

Kazetari eta parrandazale moduan ezagutu ditu Fiestrasek Andre Maria Zuriaren festak urteetan. Bizitza osoan bi urtez baino ez du huts egin, eta datozen guztiez «gozatzeko asmoa» daukala iragarri du.
2 ©JAIZKI FONTANEDA / @FOKU

Jana eta edana azkenera arte

Eider Etxeberria Soria

Zeledonen igoerarekin amaitu dira Gasteizko Andre Maria Zuriaren jaiak. Gasteiztarrek azkenera arte zukutu dituzte festa egunak. Txorizoa eta patatak banatu dituzte kuadrillek, eta buruhandi eta erraldoien konpartsak kalejiran ibili dira. Tabernariak gustura daude jaiekin.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...