Albistea entzun

Qatarko Munduko Kopa. WAQIF ZOKOTIK

Mapan

Kristina Berasain Tristan - Kazetaria

2022ko azaroak 24

Euskal Herria baino dezente txikiagoa da Qatar. Golkoko penintsulako emirerri horrek 11.521 kilometro koadroko zabalera dauka. Iparraldetik hegoaldera 180 kilometro daude, eta ekialdetik mendebaldera 87. Al Ruwaisetik Abu Samrara Baigorritik Bilbora dagoen distantzia bera dago. Populazioari erreparatuta, qatartarrak euskal herritarrak baino dezente gutxiago dira. Estatu txiki horretan, 2,7 miloi lagun bizi dira, baina gehienak atzerritarrak dira. Qatartarrak, berez, 330.000 baino ez dira, arabarrak bezainbeste.

Dohan, bada, errazagoa da ingelesa, nepalera, sinhala, edo urdua edo hindia entzutea, arabiera baino. Hango zaharrek artean swahilizko hitzen bat ere erabiltzen dute, garai batean kontinente beltzetik joandako esklaboek utzitako arrasto linguistikoaren lekuko. Perlak eta koralak ateratzera joaten ziren penintsulara.

Dohako skyline ikusgarriaren parean oraindik ikusten dira itsasoan dhow izeneko txalupatxoak, perla urpekariek nabigatzeko erabiltzen zituzten zurezko artisau-ontziak, alegia. Blade Runner pelikulako irudi futurista elezahar batekoa izan zitekeen irudi bukolikoarekin nahasten da. Iragana eta etorkizuna aldi berean. Tradizioa eta modernitatea.

Perla zuriak izan dira herrialdeko aberastasun iturri nagusia, beltz koloreko perla bat topatu zuten arte; petrolioa. Nondik begiratzen diogun, herrialde ñimiño bat da Qatar. Nondik begiratzen diogun, erraldoia. Munduko herrialde aberatsenetakoa baita, aberatsena ez bada. Per capita errenta hemengoa halako bi edo hiru da. Askatasunetan eta eskubideetan, aldiz, hutsean dago.

Diruak munduko kopa lehenengo aldiz herrialde arabiar batean ospatzeko bidea ireki dio eta, bide batez, munduko mapan kokatzekoa. Futbolak geopolitikarako ere balio du. Bestela ea nork zekien orain arte non zegoen Qatar.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©NURIA CASTEJON

«Aurkariek egindako kanpainengatik du ospe txarra Qatarrek»

Ricard Gonzalez

'Qatar. La perla del Golfo' liburua idatzi du Alvarez-Ossoriok. Nabarmendu du Qatar potentzia txikia dela berez, baina potentzia ertaina arlo ekonomikoan eta energetikoan: «Eta hala jokatzen du».
AEBetako eta Irango jokalariak, 1998ko Frantziako Munduko Kopan jokatu zuten norgehiagokan. ©BERRIA

Baloia, geopolitikaren gainetik

Ainara Arraitbel Gascon

24 urteren ostean, AEBek eta Iranek elkarren aurka jokatuko dute gaur. Final-zortzirenetarako sailkatzea izango dute jokoan. Geopolitikoki ere esanahi handia du neurketak.

Brasilgo selekzioko jokalariak, Suitzari sartutako gola ospatzen. ©RUNGROJ YONGRIT / EFE

Brasil eta Portugal Qatarko Munduko Kopako final-zortzirenetarako sailkatu dira

Zuriñe Iglesias Sarasola

Brasil eta Portugal Qatarko Munduko Kopako final-zortzirenetarako sailkatu dira. Brasildarrek Suitza hartu dute mendean (1-0), eta portugaldarrek, Uruguai (2-0).

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.