Albistea entzun

Koronabirusa. PENTSALDIAN

Luze dirau

Ane Pescador - Donostia ospitaleko erizaina

2022ko urtarrilak 19

Luze dirau, luzeegi. Bi urteak betetzera goaz pandemia dena hankaz gora jartzera etorri zenetik, eta osasun sistemako langileengan sortu dituen neke fisikoak eta emozionalak oso handiak dira. Bokazioz hautatutako lanbidea zalantzan jartzen dugu gero eta gehiagotan. Frustrazioa ere gero eta handiagoa da, denbora igaro ahala egoerak eta baldintzek hobera egin bainoago okerrera egiten baitute.

Pandemia ez den beste gai batzuez idazten saiatu naiz azkenaldian, osasungintzak gauza eder asko dituelako. Baina azken bi hilabeteak astunak izaten ari dira, zer pentsatu handia ematen dute egungo osasungintzaren egoerarekin eta etorkizunera etorriko denarekin.

Koronabirusaz kutsatutako pertsonen kopurua handia dela esan beharrik ez dago. Zorionez, gehiengoak sintoma arinekin pasatzen du. Baina kutsatutako pertsonen kopuruak gora egiteak gaitza sintoma larriekin pasatzen duten pertsonen agerpena dakar eta, aldi berean, ospitaleratutako pertsonen areagotzea.

Urgentziak egunero gainezka daude. Gainezka laborategiak ere etengabe eskatzen diren proben ondorioz. Koronabirusaz kutsatuta ospitaleratutako gaixo bakoitzarekin erabiltzen diren giza baliabideak eta baliabide materialak handiak dira, isolatutako gaixo bakoitzarekin hartu beharreko babes neurriak direla eta. Lehen mailako osasun arretak bizi duen kolapsoa, bestetik. Eta ezin ahaztu azken bi urteetan atzeratu diren kontsultak eta kirurgiak, hauen erritmoa ere berriz hartu behar baita.

Lan karga handitzeak une honetan osasun langileen sufrimendua handitzea dakar. Ez dago langile nahikorik, erretiratutako erizainek gogor dihardute lanean. Kutsatutako langileen bajak ere kubritu behar dira. Langileetako asko burn out sindromeak jota ziren lehenagotik ere: isolamenduak, gaixo kritikoak, eztabaida etikoak, babes indibidualerako ekipoek dakarten neke fisikoa... Denboran iraunez edonor akitzen duten aldagaiak dira. Sarritan lan egonkortasun duinik gabe ematen diren egoerak, luzarora klaudikazioa dakartenak.

Eztanda egitear dira osasun langile asko. Osasun sistema kolokan jartzen ari da egoera dela eta.

Koronabirusa berandu baino lehen igaro egingo da. Baina zer gertatutako da oinarrizko eskubide dugun osasun sistemarekin? Nola sostengatuko da hau? Zer gertatuko da gurekin?

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Miravalles-Redin ikastetxe, Iruñean. ©IÑIGO URIZ / FOKU

Nafarroak batxilergoko ituna eten die ikasleak sexuaren arabera bereizten dituzten ikastetxeei

Ion Orzaiz

Hezkuntza Departamentuaren esanetan, Opus Deiren bi eskolek, Miravalles-Redinek eta Irabia-Izagak, «ez dituzte betetzen itunerako baldintzak»

Pilar Alegria PSOEko eledun eta Hezkuntza ministroa, gaurko agerraldian. ©FERNANDO ALVARADO / Efe

Sexu askatasunaren legea aldatzeko proposamen bat aurkeztuko du PSOEk Espainiako Kongresuan

Maite Asensio Lozano

'Soilik baietz da baietz' legearen aurreko zigorrak berreskuratu nahi ditu Espainiako Justizia Ministerioak, baina Berdintasun Ministerioko iturriek zehaztu dute erreforma batek ez dituela geldiaraziko kondena berrazterketak, eta legea ondo aplikatzean dagoela giltza; horretarako, «premiazko» neurri sorta bat proposatu du. 

Haurren futbol partida bat. ©Maialen Andres / FOKU

«Arrazakeria» salatu dute Arrigorriagan jubenilen futbol partida batean gertatutakoarengatik

Edu Lartzanguren

Haur sikh bati buruko zapia kenarazi nahi izan dio epaileak, eta Federazioak 300 euroko isuna jarri dio taldeari

Donostia ospitaleko zerbitzuburuen protesta, abenduan. ©Jon Urbe / FOKU

Donostia ospitaleko zerbitzuburuek protestan segituko dute negoziazioa «bideratuta» egon arte

Julen Aperribai

Elkarretaratzea egin dute gaur ere Donostia ospitaleko atarian. Azken bileraren aktarekin batera, «kronograma» bat bidali zioten Osakidetzako zuzendaritzari, eta erantzuna jasotzeko zain daude.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...