Albistea entzun

Euskotren Liga

Oriok bigarren garaipena lortu du Euskotren ligan

Aurrea hartu dio Arraun Lagunak taldeari Coruñako Banderako lehen jardunaldian, eta ligako buruan da. Hondarribiak egin du hirugarren
Nadeth Agirre Orioko patroia, garaipena ospatzen, atzo.
Nadeth Agirre Orioko patroia, garaipena ospatzen, atzo. EUSKO LABEL LIGA Tamaina handiagoan ikusi

Aitor Manterola -

2019ko uztailak 7

Oriok hautsi egin du Arraun Lagunakekin zuen berdinketa Euskotren ligan. Bi taldeak zeuden sailkapen buruan berdinduta, bandera bana irabazita; orain, Oriok ditu bi garaipen eta puntu baten aldea, atzo Coruñako (Galizia) lehen jardunaldian aurrea hartu eta gero Donostiako traineruari. Bandera gaur erabakiko da (11:40, ETB1), eta alde handirik ez dago bien artean: 5,68 segundo.

Aurreko igandean Lekeition ez bezala, Oriok lan osoa egin zuen txukun. Joaterakoan ondo, eta etortzerakoan ere antzera moldatu ziren Nadeth Agirre patroi duten arraunlariak. Eman dezakeen maila onena eman gabe, ziurrenik, baina lana osatzea lortu zuen atzo taldeak, eta aurreko igandean hartutako kolpea sendatzeko botika hoberik ez da.

Arraun Lagunak taldeak beste behin ere argi utzi zuen hor dagoela, eta liga honetako beste traineru indartsua dela, oriotarrekin batera. Lekeition irabazi eta gero, bazen ikusmina berriz ere orduko neurri bera emango ote zuen ikusteko, eta horiek ere lana erabat biribildu ez bazuten ere, hautagai direla berretsi zuten hirugarrengoz. Izan ere, Orio aurretik izan duen bi aldietan, zazpi eta bost segundoren koska baino ez da egon.

Espero zen bezala, Oriok azkar erakutsi zien branka beste hiru aurkariei, eta beste egoera hau ere ez zen ezustea izan: Arrauni kosta egiten zaio bizi ateratzea. Atzetik aurrera joaten da, eta hori bera bada bereizgarri ona, lana ondo bukatzea, baina gehitxo galtzen du irteeretan. Hirugarren minuturako Orioren atzetik hiru segundora egotea oriotarrei gauzak gehiegi erraztea da. Ondorengo minutu guztietan bi segundo gehiago bakarrik galdu zituzten Oriorekin, eta horrek erakusten du trainerua badabilela abiadura hartzen duenean.

Orioren kasuan, aurkariak atzean utzita ere, berean jarraitu zuen, eta ziabogan hiru segundora zeukan Arraun, zortzira zuen Hondarribia, eta hamaikara Donostiarra. Bigarren luzean, ez zuen burua galdu, eta sei segundora ere zabaldu zuen Arraunekiko tartea. Garbi dago hobetu egin zuela Lekeition poparean egindako lana.

Hondarribiaren lan ona

Beste bi taldeei dagokienez, atzo liga honetan aurreneko aldiz Hondarribiak aurrea hartu zion Donostiarrari. Hasieratik erakutsi zuen Nerea Perez patroi duen taldeak irrikaz zirela aurreneko bi egunetako jarduna hobetzeko, eta aurreneko metroetan, Oriori eutsi zion bakarra izan zen.

Donostiarraren aurretik estropada guztian ibili zen, eta hamar segundo atera zizkion. Puntu batera jarri zaio ligan, eta azken lekua atzean uzteko lehiak ere hartu du bizitasuna. Azkenak jokatuko du jaitsierako kanporaketa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Joseba Ezkurdia eta Ladis Galarza. ©Jaizki Fontaneda / Foku

Finalerdietako ligaxkan sartu dira Ezkurdia eta Galarza

Berria

19-14 aurretik joan dira Olaizola II.a eta Rezusta, baina zortzi tanto jarraian egin dituzte garaileek.

Ander Gebara neurketako lehen gola ospatzen. ©Kai Försterling / EFE

Realari eskuetatik egin dio ihes garaipenak

Paulo Ostolaza

Atsedenaldian 0-2 aurretik ziren txuri-urdinak, baina Valentziak neurketa berdintzea lortu du epailearen hainbat erabaki eztabaidagarri tarteko.

Euskal Selekzioa ofizialtasunaren aldeko aldarria egiten, gaur, Zubietan. ©Foku

Euskal Selekzioak irabazi du Argentinaren eta Venezuelaren aurkako torneoa

Berria

Selekzioak 1-0 irabazi dio Argentinari, eta hutsean berdindu egin du Venezuelaren aurka, Zubietan.

Osasunako jokalariak Herrera besarkatzen neurketa amaitutakoan, gaur, Vila-realen. Neurketa bikaina egin du atezainak. ©Domenech Castelló / EFE

Osasunak kolpea jo du mahai gainean

Berria

Bi gol ikusgarriri eta Sergio Herrera ateazainaren geldiketei esker hiru puntu garrantzitsu eskuratu dituzte gorritxoek. Sailkapenean hamalaugarrenak dira, eta zortzi puntura dituzte jaitsiera postuak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Aitor Manterola

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna