Arrauna

Oriok atzetik aurrera eginez ere badaki irabazten

Euskotren ligako hirugarren bandera eskuratu du Donostian, bosgarren jardunaldian, Arraun Lagunak-i 1,96 segundoren tartea aterata
Oriok sendotu egin du lidertza Euskotren ligan, atzo Donostian garaipena lortu eta gero.
Oriok sendotu egin du lidertza Euskotren ligan, atzo Donostian garaipena lortu eta gero. JON URBE / FOKU

Aitor Manterola -

2019ko uztailak 14

Oriok Euskotren ligan beste bandera bat irabaztea ez da berrikuntza, atzo Donostian lortu zuena hirugarrena baita aurten, eta sailkapeneko lehen postuan sendo segitzen du. Izan zuen, baina, berritasunetik atzoko estropadak, atzetik aurrerako estropada eginez nagusitu baitzen liderra.

Txarra zegoen arraunerako eremu tradizionala eta historikoa. Olatu bihurriak zebiltzan ekialdetik sartzen, eta haizea ere harro samar zebilen; baldintza horiei etekin handia atera zien Orioren aurkari nagusiak, Arraun Lagunakek, irteeran. Lehen kaletik zihoan, Donostiarra bigarrenetik, Orio hirugarrenetik eta Hondarribia laugarrenetik, eta, Aquarium aldeko babesa baliatuz, ziztu bizian atera ziren Donostiako bi taldeak. Atzerago geratu ziren beste bi taldeak, eta deigarriena, Orio irten orduko hiru segundo atzetik ikusteaz gain, Hondarribia bederatzi segundo galduta ikustea izan zen.

Izan zuen egoera ezohiko horrek azalpena: irteera eman eta segituan, Hondarribia geratu egin zen, irteera balekoa ez zelakoan. Abiadura galdu, eta, berriz lanean erritmoan hasi zirenerako, ospa egin zieten besteek. Orio ere nahasi zuen Hondarribiaren egoerak, Agirre patroiak geratzeko esan baitzien arraunlariei, irteera txarra zelakoan. Baina horiek ez ziren geratu, eta berean segitu zuen Oriok.

Bitartean, Arraunek hartua zeukan estropadaren burua, eta etxean handiren bat egiteko ametsa gauzatzea baleko aukera zela pentsatuko zuten. Baina Orio atzetik aurrera zetorren, eta segundo batera jarri zen estropada burutik ziabogatik metro gutxira. Balizara bitartean jo zuen goia, eta burua hartuta eman zuen buelta ligako liderrak. Bi segundora zegoen Arraun, eta bederatzira Donostiarra.

Bigarren luzean, poparean, Arraunek lortu zuen Orioren parean jartzea, bi taldeak istriborrera joanak zirela, olatuxka baliatzeko. Baina Arrauni joan egin zitzaion trainerua une batean, eta baliteke oker hori erabakigarria izatea gero, azken metroetara segundo baten barruan sartu baitziren bi traineruak. Zati horretan, Oriok olaturen bat baliatu zuen, eta hirugarren bandera eskuratu, Arrauni 1,96 segundo ateraz. Donostiarra 15,42ra sartu zen, eta Hondarribia, 26,60ra.

Gaur, Castron (Espainia) ariko dira lau taldeak [11:40, ETB 1), eta liga bat beherago, ETEn, Portugaleten daukate bosgarren jardunaldia. 12:00etan ekingo diote lanari. Hibaika, Zumaia, Tolosaldea eta Kaiku ariko dira azkeneko txandan. Errenteriako taldea dago ligako buruan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Aitor Manterola

Informazio osagarria