Zale bat larri zaurituta, borroka handi batean

Derbiko festa girotik kanpo, liskarrak izan ziren atzo Gasteizen Alaveseko eta Santanderko (Espainia) Racingeko zaleen artean. Espainiarrek Gasteizen zuten atzo Bigarren B mailako partida, Eibarren bigarren taldea den Vitoriaren aurka, eta Adurtza auzoan egin zuten topo Alaveseko eta Racingeko zaleek. Elkarri gauzak botatzen eta elkar joka aritu ziren, eta lau pertsona zauritu zituzten, denak Racingeko zaleak. Berri agentzien arabera, bi Santiago ospitalera eraman zituzten, eta bat Zaintza Berezien Unitatean sartu zuten. Ertzaintzak 46 pertsona identifikatu zituen.