Noiz sortua: 2019-10-31 00:30:00

Reala 1-2 Levante

Lo egonda, asetzea zaila

Realak galdu egin du Anoetan, Levanteren aurka. Bisitariek bi golen aldea lortu dute lehen zatian, eta txuri-urdinek ezin izan dute emaitza irauli. Donostiarrek 19 punturekin segituko dute sailkapenean
Alexander Isak Realeko aurrelaria aurpegia eskuekin estaltzen, atzoko partidan aukera bat huts egin ondoren.
Alexander Isak Realeko aurrelaria aurpegia eskuekin estaltzen, atzoko partidan aukera bat huts egin ondoren. JON URBE / FOKU Tamaina handiagoan ikusi

Jon Ander De la Hoz -

2019ko urriak 31

Golak. 0-1: Bardhik (24. min.). 0-2: Mayoralek (40. min.). 1-2: Willian Josek (47. min.). Epailea. Melero Lopez. Txartel horiak: Realeko Willian Joseri; eta Levanteko Melerori, Clerci, Postigori, eta Aitor Fernandezi. Bestelakoak. 28.142 ikusle Anoetan.

Reala esnatu zenerako, banatua zegoen elikagaia. Donostiarrek lo ekin zioten atzo Levanteren aurkako partidari, eta bisitariek hiru puntuak eraman zituzten Anoetatik, lehen zatian bi gol eginda. Bigarren zatiaren hasieran itzartu ziren txuri-urdinak, baina esku hutsik amaitu zuten partida. Hasi bezalaxe bukatu zuten: hemeretzi punturekin.

Neurketa hasieran, hutsal aritu zen Reala. Baloia jokoan jarri zenerako erasora egin zuen, baina berebiziko arriskurik sortu gabe, eta bisitariek aprobetxatu egin zuten donostiarren eraginkortasunik eza. Minutuek aurrera egin eta etxekoen suharra leundu ahala, erosoago aritu zen Levante, eta ez zuen zalantzarik izan txuri-urdinen atea bilatzeko aukera izan zuenetan.

Paco Lopezen taldeak hiru aukera izanak zituen lehen hogei minutuak bete zirenerako. Ez zuen lortu golik egiterik, baina ondo kontuan hartu zuten Realaren atzeko lerroa ez zela oso fin ari.

Lau minutu geroago etorri zen etxekoek barkatutako guztiaren ordaina. Bisitariek kontraerasora jo zuten, eta hiru jokalariren artean sortutako jokaldiari Enis Bardhik eman zion akabera, baloia Remiroren buru gainetik sareetara botaz. Lehen ordu erdia bete aurretik mikaztu zitzaion partida Realari.

Harmailak hauspotuta, erreakzioaren bila joan ziren Imanol Alguacilen jokalariak, baina alferrik. Aitor Fernandezek ondo urrundu zuen Alexander Isaken erremate bat, baina Realaren piztualdi hura laburra izan zen; Levante zen ernai zegoen taldea, eta markagailuko arrakala handitu egin zuen 40. minutuan. Ezker hegaletik antolatutako eraso batean, Bardhiri iritsi zitzaion baloia, eta haren jaurtiketa langara joan zen. Borja Mayorali iritsi zitzaion alderatzea, eta espainiarrak ez zuen barkatu: bisitarien bigarrena egin, eta Reala jo zuen berriz ere.

Donostiarrak bi golen desabantailarekin iritsi ziren atsedenaldira, eta nahi baino lehen heldu zitzaien kale edo bale egiteko garaia. Aldageletatik bueltan, Imanolek Willian Jose eta Portu zelairatu zituen ordura artekoak zuzentzeko, eta hautuak berehalakoan eman zion emaitza. Brasildarrak sareetan sartu zuen ukitu zuen lehendabiziko baloia, eta, gisa horretara, aldeak murriztu zituen. Bazirudien egoera bideratzeko moduan izan zitekeela Reala, baina asmoak ez zitzaizkien ondo atera. «Pena» zuen Imanolek partida amaitu berritan: «Lehen gola egin eta gero, 40 minutu geratzen zitzaizkigun, eta saiatu gara. Aukerak izan ditugu».

Hurrengo minutuetan ireki egin zen partida. Levantek ez zuen etsitzeko asmorik, eta Realak partida irauli nahi zuen kosta ahala kosta. Bultza zuten etxekoek, izan zuten gola sartzeko aukera, baina ezin asmaturik aritu ziren Aitor Fernandezen aurrean: «Hobetu beharra dugu. Talde bat ona bada baina ez baduzu asmatzen, min egin ahal dizute».

Partidaren hondarrean, Portuk izan zuen puntu bat erreskatatzeko aukera, baina hartan ere ezin izan zuten bigarren zatian hasitako lana amaitu. Esnatu, esnatu zen Reala, baina berandu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bost pertsona hil dira COVID-19 gaitzaren eraginez, hamabi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.287 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Iñigo Urkullu eta Nekane Murga, goizeko bileran. ©/ Irekia

Ekainaren 8an hirugarren fasera igarotzeko eskatuko du bihar Jaurlaritzak

Jon O. Urain

Nafarroako Gobernuak «oso balorazio positiboa» egin du erkidegoek konfinamendua leuntzeko hirugarren fasea kudeatzeko aukeraz.

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta horren truke Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek. Jaurlaritzak bihar eskatuko du ekainaren 8an hirugarren fasean sartzea.

 ©BERRIA

Kulturgintza: eutsi ala hautsi

Iñigo Astiz

Koronabirusaren hedapenak ziurgabetasun handia eragin du aurrez ere prekaritateak gogor jotako sektore batean: kulturgintzan. Sorkuntza ere krisi honi aurre egiteko moduan dagoen jakiteko, lau sortzaile elkarteren zuzendaritzako kideak bildu ditu BERRIAk: Eneritz Artetxe (Ehaze), Garbiñe Ubeda (Euskal Idazleen Elkartea), Aitor Bengoetxea (Musika Bulegoa) eta Igor Elortza (Euskal Herriko Bertsozale Elkartea).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna