Albistea entzun

Qatarko Munduko Kopa. WAQIF ZOKOTIK

Bigarren sexua

Kristina Berasain Tristan - Kazetaria

2022ko abenduak 1

Golkoko emirerrietan, beste herrialde arabiarretan ez bezala, emakumeek ez ezik gizonek ere janzkera tradizionalari eusten diote egunerokoan. Soinean thawb zuri-zuria eramaten dute, orkatiletarainoko jantzi bat, mahuka luzeduna, tunika baten antzekoa; eta buruan xamag zapia eta ikal-a, zapiari eusteko kordoi beltza.

Emakumeek abaja janzten dute, tunika beltza, eta buruan xaila, zapia, normalean beltza hori ere. Emakume zaharragoek nikab-a ere erabiltzen dute, begiak kenduta aurpegi osoa estaltzen duen buruzapia. Qatarren burka bat ikustea, sumisioaren sinbolo latzena, ez da ohikoa. Itxuraz, beraz, pareko daude, baina itxurakeria baino ez da.

Xaria lege islamikoak bigarren sexua izatera kondenatzen ditu emakumeak. Gizonen tutoretza sistemak zeharo mugatzen du haien bizitza. Gizonezko baten baimena behar dute ezkontzeko, ikasteko, lan egiteko eta atzerrira joateko. Ezin diote senarrarekin sexu harremanak izateari uko egin, ez bada arrazoi zilegiak dituztelako, eta dibortziatuz gero seme-alaben inguruko erabakiak aitak hartuko ditu. Dibortzioa emakumeak eskatzen badu, tramiteak infinitu luzatuko dira.

Ezkontzaz kanpoko sexu harremanak izatea zazpi urtera arteko kartzelarekin dago zigortuta, eta abortua hiru eta hamar urte arteko kartzelarekin. Ezin dute hotel batean logela erreserbatu. Hori bai, gizonek lau emakume izan ditzakete. Herentzietan semeek alaben bikoitza jasotzen dute, eta epaitegian emakumeen testigantzak gizonenaren erdia balio du. Zerrenda amaigabea da.

Xaria hitzak bidea edo patua esan nahi du, eta haren interpretazioak ondo zehazten du zein den emakumeen patua. Simone de Beauvoirrek esango lukeen bezala, euren destinoa ezarri egiten da, zibilizazioak daude horretarako.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAIZKI FONTANEDA / FOKU

«Giro onak lagundu digu prestatzen eta gozatzen»

Jon Ander De la Hoz

Azurmendik eta Alberdik irabazi dute Sherpa Airen binakako txapela. Biei «ilusioa» egin die elkarrekin gailentzeak. Finalean egindako lan ona azpimarratu dute.
Teresa Errandonea atleta Donostiako belodromoan. Bertan entrenatzen da eguraldi txarra dagoenean. ©JAGOBA MANTEROLA / FOKU

Erori, zutitu, eta jauzi egin

Beñat Mujika Telleria

Min hartuta egotea zaila izaten da kirolarientzat, baina soleoan izandako lesioa atzean utzita, sasoiko itzuli da Teresa Errandonea hamar hilabeteren ostean.
<b>Realeko jokalariak igandean sartutako goletako bat ospatzen.</b> ©LA LIGA

Balio handiko partida

Ainara Arratibel Gascon

Realak atzeratutako liga partida jokatu du gaur Real Madrilen zelaian. Txuri-urdinek segida eman nahi diote igandean lortutako garaipenari

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.