«Bizitzaren amaierara arte aske» izateko aldarria

Heriotza duinaren alde lanean aritzen den elkartea da DMD, eta elkarretaratzeak antolatu zituzten atzo, Espainiako Kongresuan Eutanasia Arautzeko Lege Organikoaren proposamena gehiengoak babestu ostean. Gasteizen, Donostian eta Bilbon antolatu zituzten mobilizazioak, Duintasunez hiltzeko eskubidearekin batera, eutanasiaren legearen alde lelopean. Dozenaka pertsona batu ziren iluntzean eginiko elkarretaratze horietan, eta «bizitzaren amaierara arte» aske izateko aldarria ere gogoan izan zuten.