Jokalariek ez dute greba baztertzen, lan hitzarmena adosten ez bada

Lanaldiaren iraupenaren inguruan ez dago adostasunik. %75ekoa izatea eskatzen dute jokalariek; kluben elkarteak, aldiz, %50ekoa
Marta Cardona eta Eunate Arraiza lehian, igandeko derbian.
Marta Cardona eta Eunate Arraiza lehian, igandeko derbian. JUAN CARLOS RUIZ / FOKU Tamaina handiagoan ikusi

Ainara Arratibel Gascon -

2019ko urriak 17

«Ez genuke grebara ailegatu nahi. Baina gure baldintzek hobetu egin behar dute. Merezi dugu». Leire Baños Realeko jokalaria hala mintzatu zen atzo, emakume futbolarien Espainiako lehen lan hitzarmenerako elkarrizketen hausturaren inguruan galdetuta. Ainhoa Tirapu Athleticeko jokalariak egoera azaldu du: «Esaten digute gutxienekora iristeko ez dagoela dirurik, nahiz eta guk aurrekontuak erakusteko eskatu. Izan ere, telebistak eta babesleak tarteko, dirua sartu da klubetan». Tirapuk onartu du erabakia denen artean hartu behar dutela, baina hark ere ez du grebara jotzea baztertu. «Gure eguneroko guztia futbolari lotuta dago, eta jardunaldi osoko kontratu bat merezi dugu jokalari guztiek. Garrantzitsuena ez da dirua, etorkizuna baizik».

Herenegun egin zuten bileran hautsi ziren elkarrizketak. Lan hitzarmena adoste aldera kluben elkarteak eta sindikatuek egindako hemezortzigarrena izan zen. Hain zuzen ere, lanaldiaren iraupenean dago traba nagusia. Kluben elkartea —bertan daude klub guztiak Athletic, Bartzelona eta Tacon izan ezik— eta sindikatuak (AFEk du gehiengoa) ados daude gutxieneko soldata gordinaren inguruan: 16.000 euro. Sindikatuek, hasiera batean, lanaldi osoko kontratuak eskatu zituzten. Baina jasotako ezetzaren aurrean, eta jarrerak gerturatze aldera, %75ekoak izatea onartu zuten. Kluben elkarteak, ordea, lanaldi erdian jarri du muga:«Hazkunde jasangarri bat bermatze aldera, ezin gara hortik igo».

Urtebete da lan hitzarmena adosten hasi zirenetik, eta soldataren eta lanaldiaren iraupenaren inguruko baldintzak ez ezik, gaixoaldiari, oporraldiari, osasun probei eta irudi eskubideei buruzkoak ere jaso nahi dituzte; baita sexu jazarpen eta haurdunaldi kasuetarako protokolo bat ere.

Lucia, 2022 urte arte

Bestalde, Athleticek atzo iragarri zuenez, Lucia Garcia aurrelariak beste bi urtez luzatu du talde zuri-gorriarekin zuen kontratua. Datorren urteko ekainean amaituko zitzaion, eta 2022. urtera arteko akordioa lortu dute bi aldeek. «Asko eskertzen diot klubari konfiantza. 18 urterekin iritsi nintzen, eta helduagoa naiz bai pertsona eta bai futbolari moduan».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osasun langileak PCR probak egiten Donostiako Okendo kultur etxean, ostiralean. ©Gorka Rubio/FOKU

353 positibo atzeman dituzte Araban, Bizkaian eta Gipuzkoan

Berria

Bizkaian behera egin dute kasuek: 211 positibo izan dira. Neurriak indartzearen alde agertu dira hiriburuetako alkateak.

Neurri bereziak dituen taberna bat, Donostian. ©Gorka Rubio / Foku

Gaueko aisialdiaren mugen aurkako salaketa jarriko dute Bizkaiko eta Gipuzkoako ostalariek

Andoni Rekondo Izagirre

Uste dute 01:30ean ixteko agindua «neurrigabea» dela, eta laguntza ekonomikoak galdegin dituzte.

Bizkaiko zahar etxe bateko egoiliarrak paseoan. ©Marisol Ramirez/FOKU

Bilboko zahar etxe bateko zortzi egoiliarrek positibo eman dute

Olatz Esteban Ezkati

Birjinetxe zentrora eraman dituzte kutsatu diren egoiliarrak; eta hainbat langile bakartu dituzte, haiek ere positibo eman ostean.

 ©Raul Bogajo / Foku

Lanbidek Zaramagako eta Laudioko bulegoak itxi ditu, bi langilek positibo eman ostean

Andoni Rekondo Izagirre

Bulegoetako gainerako beharginak ere etxera bidali dituzte berrogeialdia pasatzera. Bitartean, kudeaketak webgunearen bitartez egin ahal izango dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna