Noiz sortua: 2020-02-16 00:30:00

Azken gonbidatua falta da

Jaka-Zabaletak Binakako Txapelketako ligaxka irabazi dute. Irribarria-Rezustak gaur Olaizola-Urrutikoetxeari irabaziz gero, erabakita geldituko dira hurrengo faseko bikoteak
Erik Jaka aurrelaria, pilota astintzen, atzo, Iruñeko Labrit pilotalekuan.
Erik Jaka aurrelaria, pilota astintzen, atzo, Iruñeko Labrit pilotalekuan. IÑIGO URIZ / FOKU Tamaina handiagoan ikusi

Mikel Rodriguez -

2020ko otsailak 16
Partida bat falta da Binakako Txapelketaren hamahirugarren jardunaldia bukatzeko, eta jardunaldi bat, berriz, ligaxka amaitzeko. Misterio nagusi bakarra gelditzen da argitzeko: zein izanen den kanporaketetara sailkatuko den azken bikotea. Gaur erabaki liteke hori, Tolosako Beotibarren (Gipuzkoa), Olaizola-Urrutikoetxearen eta Irribarria-Rezustaren arteko partidan. Baiko Pilotakoek derrigor irabazi behar dute, sailkatzeko aukerari eusteko azken jardunaldian. Galduz gero, haien arerioak sailkatuko dira. Hamahirugarren jardunaldiak erabakita utzi duena da zein izanen diren finalerdietan arituko diren lehenbiziko bi bikoteak: Jaka-Zabaleta eta Ezkurdia-Martija.

Jaka-Zabaletak bermatuta zuten finalerdietarako sailkapena, eta, atzo, ligaxkako lehenbiziko postua irabazi zuten matematikoki. Historia handirik gabeko partida bat jokatu zuten Victor-Mariezkurrenaren aurka, Iruñeko Labrit pilotalekuan. Sailkapeneko azkenak dira Victor-Mariezkurrena, eta atzoko partida irabazita ere ez zuten aukerarik taulan aitzinera egiteko. Argi gelditu zen bi bikoteen artean dagoen aldea: 6-22 irabazi zuten Jaka-Zabaletak, 38 minutu eta 282 pilotakada eskas izan zituen partida batean. Gorriak hasi ziren irabazten, baina 2-2koa izan zen partidak eduki zuen azken berdinketa. 2-7koaren ondoren Victor Estebanek bi tanto on egin zituen aldea murrizteko, baina hor bukatu zen gorrien susperraldia: 0-11ko partzial bat —4-18raino—, eta norgehiagoka erabakita utzi zuten liderrek. Etsiak hartuta aritu ziren gorriak, eta bata bertzearen gibeletik egin zituzten hutsak —zehazki, urdinen 22 tantoen erdiak izan ziren hala—.

Dezentez emozio handiagokoa izan zen finalerdietara sailkatu den bertze bikoteak herenegun jokatu zuen partida. Ezkurdia-Martijak 22-21 irabazi zieten Laso-Albisuri, eta, hain zuzen, 22. tanto horrekin aitzinatu ziren lehenbiziko aldiz norgehiagoka osoan. Unai Lasok hagitz sendo hasi zuen partida, eta lehenbiziko erdian guztiz nagusitu zitzaion Joseba Ezkurdiari aitzineko koadroetan. 15-20koarekin bazirudien urdinek bideratuta zutela garaipena, baina gorriak fisikoki hobeki ailegatu ziren bukaerara. Azken unean irabazita, finalerdietarako sailkapena lortu dute Ezkurdia-Martijak. Soilik Artola-Imazek dute taulan haiekin berdintzeko aukera, baina elkarren arteko partidetan duten tantoen diferentzia Ezkurdia-Martijaren aldekoa da. Artola-Imazek 8-22 irabazi zieten Altuna-Galarzari, herenegun —Aitor Aranguren aritu zen Ander Imazen ordez, min hartuta baitago—.

Bi posturen dantza

Artola-Imazek segurtatuta dute hirugarren postua, baita Altuna-Galarzak laugarrena ere. Hortaz, argitzeko falta dena da finalerdietarako kanporaketetara sailkatzeko azken bi postuak nortzuek, eta zein ordenetan beteko dituzten. Irribarria-Rezustak gaur irabaziz gero, erabakita geldituko da hurrengo faseko lau bikoteak zein izanen diren. Olaizola-Urrutikoetxeak irabaziko balute, berriz, lehia azken jardunaldira arte estutuko litzateke bi bikote horien artean.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta, gaineratu duenez, ikerketak ez ditu “gizabanakoen mugimenduak atzemango”, baizik datu “anonimoak eta multzoka”.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Oposizioak «gardentasun falta» egotzi dio Urkulluri

Irati Urdalleta Lete

Iñigo Urkullu Jaurlaritzako lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta. Argudiatu du «osasun arduradunen ezagutzan eta unean-unean jasotako informazioan oinarrituta» jokatu dutela.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzala eskatzeko. Ohartarazi du oinarrizko zerbitzu batzuk «kolapsoan» daudela. ELAk, berriz, materiala bermatzeko eskatu dio EAEko Auzitegi Nagusiari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Mikel Rodriguez

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna