Albistea entzun

Tokio 2020. SURIMIA

Kakaozko oroitzapenak

Jakes Goikoetxea -

2021eko uztailak 29

Olinpiar Jokoek badute garrantzia, neurria, dimentsioa, oihartzuna, zabalkundea... norberaren bizitzan arrastoak uzteko. Izan daitezke momentuak, kirolariak, istorioak, bitxikeriak, bizipenak... Egunotan ohikoa da galdetzea zein den norberaren lehen olinpiar oroitzapena. Memoriaren ganbaran atzera egiten hasiz gero, umetan telebistaz ikusitako irudiak agertzen dira. Klasikoak eta ez oso originalak. Alde batetik, Carl Lewis, kirolari on bezain mediatikoa, izarra. Bestetik, Ben Johnson, iruzurtia bai, baina gaiztoek duten erakargarritasunarekin, Carl Lewis zintzoari aurre egiten. Bi horietatik aparte, Li Ning gimnasta. Ez nuen Nadia Comaneci ikusi. Li Ningek liluratu ninduen. Eta nola ahaztu Zola Buddek eta Mary Deckerrek 3.000 metroko lasterketan estropezu egin zutenekoa. Maricica Puicak irabazi zuen. Korrikalari bikaina errumaniarra.

Telebistaz koloretan ikusten genituen haiek baino gehiago liluratzen ninduten, ordea, garai bateko zuri-beltzeko irudiek. Jesse Owensek, guztien gainetik. Gogoan dut haren hanken abiadura, benetakoa edo bideoak bizkortua. Paavo Nurmi. Eta Fanny Blankers-Koen.

Hala ere, Olinpiar Jokoetako nire lehen oroitzapen pertsonala ez da, ez kirolari bat, ez marka bat, ez istorio bat... maskota bat baizik. Maskota bat? Nor oroitzen da maskotez? Zein dira Tokioko maskotak?

Barruan sartuta daukat Mischa hartza. Mosku 1980ko maskota. 7 urteko umemoko bat, sukaldeko mahaian esnetan disolbatutako kakao hautsa gosaltzen. Eta kakao hauts potoarekin batera, album bat. Albumean, kromoak, gehienak gizon bibotedunenak, uste dut. Eta Mischa hartza. Hartz maitagarri bat. Nire lehen olinpiar oroitzapena.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

 ©AITOR ARRIZABALAGA / EUSKO LABEL LIGA

«Denboraldia motza egin zaigu; orain gaude sasoirik onenean»

Iñaki Berastegi

Arrakastaz beteriko denboraldia izan da Santurtziko traineruarentzat. Gorka Aranberrik uste du «urte osoan» maila «aparta»eman dutela, nahiz eta denboraldi amaierara sasoiko ailegatzea zen helburua.
Tolosaldeako arraunlariak, igoera ospatzen. ©MONIKA DEL VALLE / FOKU

Kaikuren itzulera, eta Getariaren eta Tolosaldearen lehen aldia

I. Berastegi

Getaria eta Kaiku Eusko Label ligan ariko dira, Tiran eta Zarautzen ordez. Euskotren ligan, Tolosaldeak Hondarribiaren tokia hartuko du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna