Albistea entzun
Emakumeen aurkako indarkeriari ez
Emakumeen aurkako indarkeriari ez

Alex Sardui. Abeslaria

«Elkarlanerako aukera hauek aprobetxatu egin behar dira»

J. SAIZAR Tamaina handiagoan ikusi

Joxemi Saizar -

2020ko uztailak 29

Alex Sardui (Gernika, 1966) abeslari ezaguna da euskal musikan 1990eko hamarkadatik, lehendabizi Exkixu taldean eta 2002tik Gatibu taldean aritu baita. Ez da Et Incarnatus orkestrarekin jendaurrean aritzen den lehen aldia. Urmuga proiektuan Nafarroako Zaraitzuko kontzertuan arituko da bihar, Erremendian, Petti, Amak, laukote batekin eta Donostiako Orfeoiarekin batera, Et Incarnatus orkestraz gain.

Nola sortu zen Urmugan parte hartzeko ideia?

Zeberio anaien bitartez. Aspaldi ari gara gauzak egiten elkarrekin. Beti ari dira gauzak asmatzen, eta Felipe Ugarterekin batera izandako ideia aurkeztu zidan Migelek. Beraiekin batera abestea eskatu zidan, eta fenomeno iruditu zitzaidan.

Zein da zuen gaur egungo egoera?

Une txarrak ari gara pasatzen denok. Gauza batzuk irten dira udan eta urte amaiera bitarte, baina gutxi. Kultura inportantea da, eta oso ekitaldi gutxi dago. Gauzak normaltzen direnean, ikusiko dugu gauzak eta jendea nola dagoen.

Mendizalea al zara?

Apur bat bai, baina beste kirol batzuk gehiago praktikatu ditut. Joaten naiz batzuetan, familiarekin eta lagunekin.

Mendian kontzerturen bat emateko aukera izan al duzu?

Ba. Exkixurekin, behin Larraitzen egin genuen kontzertu bat, hango zelaietan, Txindokiren azpian. Eta Et Incarnatus orkestrarekin Zaraten, Azken Muga proiektuan.

Zer ekarpen egiten du egitasmo honek?

Ikusteko zain gaude. Formatu berriak topatzea ez da txarra. Euskal osagai batzuk elkartzen dira proiektuan: kobak, mendia, ur muga, mitologia... Euskal kutsu polita du.

Zein izango da zure errepertorioa Zaraitzuko eskualdeko kontzertuan?

Nire abesti ezagun batzuk (Txiki txiki bang bang, Loretxoa, Euritan dantzan) orkestrarekin, eta agian beste zerbait; esaten didatena. Hondarribian eta Zaraten Et Incarnatusekin egindako antzeko zerbait.

Zer-nolako esperientzia da horrelako orkestra batekin aritzea?

Orkestra honekin aritu naiz pare bat aldiz, lehen esan bezala, eta Sortuko dira besteak izeneko emanaldietan ere harizko sekzioa bazen. Berezia da, desberdina da guretzat: bateria falta da erreferentzia gisa. Ez da gure esparrua, baina elkarlanerako aukera hauek aprobetxatu behar dira. Batez ere une larri hauetan. Euskal fusioa sor daiteke hemendik.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Herritar ugarik produktuz beteriko poltsak utzi dizkiete Elikagai Bankuko boluntarioei. ©JAIZKI FONTANEDA / FOKU

Elkartasunez bete dira orgak

Aitor Biain

Hego Euskal Herriko Elikagai Bankuek bilketa nagusia egin dute, urtero bezala. Ehunka tona elikagai eta oinarrizko produktu bildu dituzte dendetan eta supermerkatuetan.
 ©Gorka Rubio / FOKU

«Arima pixka bat falta da orain, bai unibertsitatean eta bai hedabideetan»

Unai Zubeldia - Gipuzkoako Hitza

Bokazioz irakaslea dela aitortu du Joxerra Garziak, baina lan asko egindakoa da bai bertsolaritzan eta bai komunikabideetan. Erretiroa hartuta ere, ikastaroak eman eta eman ari da oraindik.

 ©IÑIGO URIZ / FOKU

«Trantsizioa egitea, nola esan... zoriontasun eztanda bat da»

Iker Tubia

Gorputza estaltzen duten babesetan gordetzen da Gomez izotz hockeyan aritzeko. Ia bizi osoan gorde behar izan du emakume zela, baina orain ez du ezkutatzen. Partida hor dago oraindik.
Gazte Euskaltzaleen Sarekoek protesta egin zuten EITBren Bilboko egoitza aurrean, azaroaren 16an. ©KLAK

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.