Albistea entzun

Kirolbet Baskonia 89-98 Joventut

Kaixo eta agur

Baskoniak galdu egin du Joventuten aurka, eta Espainiako Kopatik kanpo geratu da. Laprovittola erabakigarria izan da: 36 puntu
Laprovittola, saskiratzen, Vildoza ondoan duela, atzo.
Laprovittola, saskiratzen, Vildoza ondoan duela, atzo. JUAN CARLOS HIDALGO / EFE Tamaina handiagoan ikusi

Julen Etxeberria -

2019ko otsailak 16

Kirolbet Baskonia. Vildoza (16), Janning (18), Shields (4), Voigtmann (6), Poirier (15) —hasierako bostekoa—; Diop, Jones (12), Hilliard (10) eta Marcelinho (8).

Joventut. Laprovittola (36), Lopez-Arostegi (7), Ventura, Harangody (15), Todorovic (15) —hasierako bostekoa—; Dimitrijevic (6), Morgan (10), Delia (4), Nogues (1) eta Mathias (4).

Markagailua. 16-29, 42-45 (atsedenaldian); 68-73 eta 89-98.

Epaileak.Caballero, Jimenez eta Peruga. Baskoniako Hilliard eta Joventuteko Todorovic kanporatu zituzten.

Bestelakoak. 12.340 ikusle Madrilgo Wizink Center pabiloian, tartean Baskoniako bi mila zale.

Pausoz pauso egin beharreko bide baten moduan. Halaxe hartu zuten Kirolbet Baskoniako kideek Espainiako Kopa. Bada, urrats bakarra ere ez dute egin. Hasi orduko, agur esan dute. Gasteizko taldeak 89-98 galdu zuen atzo Joventuten aurka final-laurdenetan, eta, horren ondorioz, lehiaketatik kanpo geratu zen. Kolpe oso gogorra da, bai klubarentzat, baita Gasteiztik Madrilera ilusioz bidaia egin duten bi mila jarraitzaileentzat ere. Ez batzuk, ez besteek ez dute oroitzapen onik izango ekitaldi honetaz.

Joventuteko jokalari erabakigarrienak geldiaraztea, errebotean nagusitzea, bizi-bizi jokatzea eta erasoan eraginkorrak izatea. Horra Velimir Perasovicek Kataluniako taldeari irabazteko funtsezkotzat jo zituen lau gakoak. Bada, lauretan kale egin zuen Baskoniak. Gasteiztarrek bazekiten nor zaindu behar zuten inor baino gehiago, Laprovittola, baina jakinda ere ezin izan zuten gelditu, eta joko antolatzaile argentinarrak txikitu egin zituen. Partida amaieran lortu zituen estatistikei erreparatu besterik ez dago: 36 puntu sartu zituen, eta 50 puntuko balorazioa lortu zuen. Hain izan zen handia Laprovittolak egin zuen erakustaldia, ezen itzalpean utzi baitzuen beste zenbait taldekidek egin zuten lan ona, Todorovicena eta Harangodyrena, besteak beste: biek sartu zituzten hamabost puntu.

«Gainetik pasatu zaizkigu»

Erreboteetan eta jaurtiketen portzentajeetan ere nagusi izan zen Joventut. Halako datuekin, ezinezkoa zen Baskoniak irabaztea. «Gainetik pasatu zaizkigu. Inongo momentutan ez dugu jokatu patxadaz. Aitzitik, korrika eta presaka aritu gara partida osoan. Merezita irabazi du Joventutek». Porrota merezitakoa izan zela onartu beste aukerarik ez zuen izan Perasovicek lehia amaieran.

Minutu erdiz: denbora tarte eskas horretan besterik ez zen egon aurretik Baskonia neurketa osoan. Kontrakarrean aritu zen ia beti. Oso gaizki hasi zen, eta oso gaizki amaitu. Oso gaizki hasi, lehen laurdenean Joventuten erauntsiak harrapatu baitzuen bete-betean. Ikusgarri aritu ziren katalanak lehen zortzi minutuetan: 25 puntu sartu zituzten, jaurtiketa bakarra huts egin gabe. Horri esker, hamasei puntu aurretik jarri ziren: 13-29. Indartsu ari ziren batzuk, eta oso samur besteak.

Bigarren laurdenean, ordea, defentsan estutu eta buelta eman zion partidari Baskoniak: 34-33. Baina ezer gutxi iraun zien aldeak gasteiztarrei, Laprovittola berriro saskiratzen hasi zen arte. Atsedenaldian, halere, estu zegoen lehia (42-45). Hala egon zen partida amaitzeko sei minutu eskas falta ziren arte: 80-83. Orduan jo zuen Joventutek kolpe erabakigarria, zortzi puntu jarraian sartuta: 80-91. Minutu eta erdi falta zen, eta 11 puntu zen aurretik. Kito. Erabakita zegoen norgehiagoka.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Manuel Neuer Alemaniako selekzioko atezain eta kapitaina, ostadar koloreko besokoarekin, larunbatean, Portugalen aurkako partidan. ©Philipp Guelland / POOL / EFE

Munich LGTBIfobiaren aurkako aldarri bihurtuko da asteazkenean

Edu Lartzanguren

UEFAk baimena eman dio Alemaniako kapitainari ostadarraren besokoa eramateko, eta estadioa ere LGTBI banderaren koloreekin argiztatu nahi dute Hungaria eta Alemaniaren arteko partidarako.

Jon Rahm, atzo, txapelketa irabazi ostean. ©EFE

Jon Rahmek irabazi egin du AEBetako Irekia

Ainara Arratibel Gascon

Duela aste batzuk Memorialetik erretiratu egin behar izan zuen, COVID-19arekin kutsatu zelako, baina gogor bueltatu da orain Barrikako golf jokalaria.

Chimy Avila, eztabaida sortu duen kamiseta soinean duela. ©BERRIA

Chimy Avilak haserrea piztu du Voxen kamiseta bat janzteagatik

Paulo Ostolaza

Osasunako aurrelariak barkamena eskatu du: «Hanka sartu dut. Ez dakit asko politikaz, ez zait interesatzen. Ez zen nire asmoa inor haserraraztea, eta barkamena eskatu nahi dut», idatzi zuen sareetan.

Rezusta, Altuna eta Artola, gaur, Bizkaia pilotalekuan. ©Monika del Valle / Foku

Altuna III.a, buruz buruko txapeldun bigarren aldiz

Jon Eskudero

Perfekziotik gertu jokatuta, Jokin Altunak 22 eta 5 irabazi dio Beñat Rezustari. Magiaz gain, gatza eta sendotasuna eman dizkio bere jokoari, eta, 25 urterekin, bigarren aldiz jantzi du txapel preziatua.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.