Albistea entzun

Kirolbet Baskonia 80-73 Zalgiris

Ondo hasi du hirukoa

Baskoniak gorriak ikusi ditu Zalgirisen defentsarekin, baina, hala ere, garaipen baliotsua lortu du etxean. Kanporaketa postuei eutsi dio
Poirier Baskoniako pibota eta Davies Zalgirisekoa errebotea hartzeko borrokan, atzoko partidan.
Poirier Baskoniako pibota eta Davies Zalgirisekoa errebotea hartzeko borrokan, atzoko partidan. DAVID AGUILAR / EFE Tamaina handiagoan ikusi

Imanol Magro Eizmendi -

2019ko martxoak 1

Kirolbet Baskonia. IVildoza (16), Janning (3) Shields (14), Voigtmann (13), Poirier (13)—hasierako bostekoa— Huertas (11), Hilliard (5), Garino (1), Jones eta Diop (4).

Zalgiris. Walkup (8), Grigonis (11), Ulanovas (8), White (3), Davies (13)—hasierako bostekoa— Westermann (5), Milaknis (11), Jankunas (4), Thompson (11).

Markagailua. 17-12, 40-25 (atsedenaldian);59-52 eta 80-73.

Epaileak. Radovic, Jovcic eta Rocha. Hilliard Baskoniakoa eta Walkup Zalgirisekoa kaleratu zituzten faltengatik.

Bestelakoak. 10.824 ikusle Buesa Arenan. Giro ona egon zen harmailetan.

Baskonia Euroligako txanpa garrantzitsuenetako batean murgilduta dago. Hiru partida ditu jarraian etxean sailkapeneko behe aldeko hiru talderen aurka: Zalgiris, Khimki eta Buducnost, eta hirurak irabazi beharra dauzka kanporaketetan sartzeko aukerei eusteko. Bai edo bai. Are gehiago, Baskoniaren anbiziodun talde bati halako partidak irabaztea exijitu behar zaio. Bada atzo izan zuen hiruko horretako lehen atala, eta Gasteizko taldeak konplitu zuen. Distira handirik gabe, egia da, baina etxeko lanak ondo egin zituen Zalgiriren aurka eta zortzigarren postuan egin du lo.

Zalgiris aurkari deserosoa da. Euroligako talde ezberdinena da. Hiruko oso gutxi jaurtitzen ditu aurkariak kontraeraso errazik egin ez dezan, eta maisu da bost bosten aurkako jokoan. Bi hitzetan: lokatza botatzen du pistara; eta atzo, une askotan, Baskoniaren zangoak lotu zituen. Lehen ordu laurdena izan zen Saras Jasikevicius kanpokoen entrenatzailearen estiloaren lagina (20-24, 15. min.). Ez du talentu izugarririk erasoan, beraz tranpaz eta segadaz josi zuen partida.

Baskoniak ordurako bazekien ez zela egun erraza izango, baina bost minutuko inspirazio bolada ikusgarria kateatu zuen. Savon Shieldsek—11 puntu eta hiru asistentzia atsedenaldirako— eta Marcelinho Huertasek gidatu zuten, eta etxekoek 20-1eko partzial batekin itxi zuten laurdena (40-25, 20. min.). Ikustekoa izan zen Jasikeviciusen lepoak eta aurpegiak zuten kolore gorria hark aldageletara jo zuenean.

Zalgiris borrokalari

Zalgirisek, baina, ez du amore ematen, eta estu hartu zuen Baskonia berriz. Bere estiloa berreskuratu eta partida izoztu zuen. Apurka-apurka tartea murriztu zuen (43-39, 24.min.), Baskonia larrituz. Gasteizko taldeak ez zuen argirik ikusten, eta okerren zegoenean hiruko marratik hartu zuen arnas. Lau sartu zituen ia jarraian, eta, horri esker, errenta mantendu zuen (59-52, 30.min.).

Zalgirisek berean jarraitu zuen, baina puntuak pilatzeko dituen arazoak nozitu zuen laugarren laurdenean. Hala ere, azken txanpak hainbat une larri izan zituen Baskoniarentzat. Perasovicek Huertas eta Vildoza batera atera zituen, eta bi antolatzaileei esker argitu zituen Zalgirisen defentsa hieroglifikoak. Huertasek zazpi asistentzia eman zituen eta Vildozak bost hiruko sartu. Brasildarra ondo dago fisikoki, eta taldeak asko eskertzen du hori.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Diego Lopez, Athleticeko jokalariz inguratuta. Harengatik izan ez balitz, irabazi egingo zuen Athleticek. ©Alejandro Garcia / Efe

Sari txikia da puntua

Julen Etxeberria

Athletic Espanyol baino gehiago izan da partida osoan, baina Diego Lopezek zuri-gorrien ahalegin ia guztiak zapuztu ditu. Etxekoek sartu dute lehen gola, penaltiz, eta Williamsek berdindu egin du gero

Alaveseko jokalariak, Loumek sartutako gola ospatzen. ©Raul Bojao / Foku

Sakon hartu du arnasa

Eñaut Agirrebengoa

Alavesek bigarren garaipena kateatu du, Elxen aurka, Loumen gol bati esker. Jaitsieratik irten da behin-behinean

Gorka Urbizu, Berri Txarraken azken kontzertuan, 2019an. ©Idoia Zabaleta, FOKU

Gorka Urbizuk emanaldia eginen du Realaren eta Athleticen arteko derbian

Uxue Rey Gorraiz

Partidaren aurretik eta atsedenaldian joko du Urbizuk, Reale Arena estadioan. Iradoki dute sorpresa gehiago ere izanen dela neurketaren atarian.

 ©JUANAN RUIZ / FOKU

Oraina eta etorkizuna

Jone Bastida Alzuru

Zeresana ematen ari da Salsamendi pilotaria. 14 urte baino ez ditu, baina maila ikusgarria duela erakutsi du, eta gai izan da goi mailako pilotariei irabazteko. Bideaz gozatzen ari dela dio, eta horretan jarraitu nahi du. Orain min hartuta dago.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.