Bruselan hamar lagun atxilotu dituzte protestetan

Frantzia inguruko herrialde batzuetara ere hedatu da Jaka Horien mugimendua. Belgikan eta Herbehereetan protesta handiak izan ziren atzo, eta Belgikako hiriburuan istiluak sortu ziren. Manifestariak Europako Batasuneko erakundeen eraikinetarako bideak oztopatzen saiatu ziren, eta Polizia negar eragiteko gasarekin eta ur zurrustak jaurtiz oldartu zitzaien. Hamar manifestari atxilotu zituen. Herbehereetan Rotterdam hirian izan zen manifestaziorik handiena.