Noiz sortua: 2018-08-10 00:30:00

Altuna III-Zabaleta 22-13 Ezkurdia-Rezusta

Distira gutxiko finala

Altuna III.ak eta Zabaletak aise irabazi dute Andre Maria Zuriaren Torneoko finala. Amezketarrak jaso du pilotari onenaren saria
Joseba Ezkurdia, burumakur, tantoa huts egin ostean, atzo Ogeta pilotalekuan jokatu zuten finalean.
Joseba Ezkurdia, burumakur, tantoa huts egin ostean, atzo Ogeta pilotalekuan jokatu zuten finalean. ENDIKA PORTILLOL / FOKU Tamaina handiagoan ikusi

Iñaki Odriozola -

2018ko abuztuak 10
Iraupena. 54 minutu.

Pilotakada. 450

Saketik. Altuna III.ak hiru; Ezkurdiak bat.

Markagailua. 1-0. 2-0. 2-1. 2-2. 2-3. 2-4. 3-4. 4-4. 5-4. 5-5. 6-5. 7-5. 8-5. 9-5. 10-5. 11-5. 11-6. 12-6. 12-7. 13-7. 14-7. 15-7. 15-8. 16-8. 17-8. 18-8. 18-9. 18-10. 19-10. 19-11. 19-12. 20-12. 21-12. 21-13. 22-13. Bestelakoak. Dirua parean irten zen apustuetan. 870 ikusle Ogeta pilotalekuan.

Txapelduna bakarra da pilotan: buruz buruko txapelaren jabe dena. Altuna III.ak, Jose Javier Zabaletaren laguntzaz, estatus horren defentsa irmoa egin zuen atzo Andre Maria Zuriaren torneoko finalean. Joseba Ezkurdiak eta Beñat Rezustak ezin izan zieten aurre egin gipuzkoarraren artista senari eta nafarraren abiadurari. Apustuetan faborito argirik gabeko partida bazen ere, kantxan ez zen kolorerik egon.

Altunak eta Zabaletak elkarrekin irabazten duten Andre Maria Zuriaren bigarren torneoa da. 2016an ere izan ziren txapeldun. Gainera, aurrelari amezketarrak Gasteizko torneoan erreskadan lortzen duen hirugarren garaipena da. Iaz, Merino II.arekin izan zen txapeldun. Ezkurdiak eta Rezustak, berriz, Gasteizen batera eginiko hirugarren saiakeran, trofeoak etxera eman ezinda jarraitzen dute.

Finalak ez zuen izan espero zen mailarik. Buruz buruko eta binakako txapeldunak, eta iazko atzelari txapelduna kantxan egonda, asko espero du pilotazaleak. Azkar hautsi zen partida, eta oreka gutxi ikusi zen. Aurreko koadroetan egon zen partidaren gakoa. Altunak dantzan ibili zuen Ezkurdia une oro. Egindako 11 tantorekin amaitu zuen amezketarrak partida. Era guztietako erremateak utzi zituen. Nekeak neke, beste behin, kantxan bere erritmoa ezarri zuen. Erasoan ez ezik, defentsan ere gogotik egin zuen lan. Horrenbestez, torneoko pilotaririk onenaren saria harentzat izan zen.

Ezkurdiak, berriz, hiru tanto besterik ez zuen egin. Arbizuarra antzu ibili zen errematean. Ezker airez asmatu ezean, zail da partidak aurrera ateratzea. Ohi baino galtzaileago aritu zen, gainera: zazpi pilota huts egin zituen. Zabaletak behetik gora egin zuen, eta mendean izan zuen Rezusta tanto askotan. Ezker-eskuin, abiadura handia eman zion pilotari. Rezustaren partida txukuna izan bazen ere, bere onenetik urrun aritu zen. Bergararrak hiru pilota soilik huts egin zituen, baina aukera asko eman zizkion Altunari. Beste behin, argi gelditu zen Ogeta pilotalekuan atzean agintzeak asko balio duela.

Hasiera traketsa izan zuen partidak. Jokatu ziren aurreneko zazpi tantoetatik bakarra izan zen egindakoa; Altunaren gantxo bat, hain zuzen. Zabaleta bere mailatik behera aritu zen bitartean soilik iraun zuen partidan bikote urdinak. Atzelari nafarra zuzendu zenean handitu zuten zuloa gorriek. 11-2ko partziala egin, eta 16-5 aurreratu ziren. Amaiera bitartean, zuloa ixteko ahalmenik ez zuen erakutsi bikote urdinak. Altunak partidako azken tantoan utzi zuen bere zigilua Ogetan, horma-biko zehatz bat eginda.

Merino anaien agurra

Miguel eta David Merinok Ezkarain (Espainia) jokatuko dute gaur azken partida Aspe enpresarekin. Anaietan zaharrena lehen partidan ariko da, Gorkarekin, Ugalde eta Eskirozen aurka. Davidek, berriz, Olaizola II.a izango du bikotekide; aurrean, Victor eta Rezusta izango dituzte.

Albiste gehiago

Apirilaren 3an eguneratua, 14:00etan. ©BERRIA

Koronabirusaren azken datuak

Berria

Euskal Herrian 10.686 gaixok eman dute positibo koronabirusaren proba eginda. 597 hil dira. COVID-19 gaitza izandako 2.736 pertsonari eman diete alta. Grafikoak, albiste barruan.

Nafarroako Unibertsitate Publikoko liburutegia, iaz. ©Iñigo Uriz / Foku

NUPek ez du eskola presentzialik egingo ikasturte honetan

Berria

Baxoa kontrol jarraikiaren bidez egingo dela esan du Jean Michel Blanquer Frantziako Hezkuntza ministroak. Hala ere, frantseseko ahozko azterketa mantentzea erabaki dute —lizeoko bigarren urteko ikasleek pasatu beharko dute—. Jaurlaritzak ez du baztertzen unibertsitatetan aurrez aurreko klaseei ekitea berriro, nahiz eta Espainiako Unibertsitate ministroak nahiago duen ikasleak ez itzultzea ikasgeletera. Eusko Jaurlaritzak «autonomia» defendatu du.

Herri Urrats, iaz. ©GuiIlaume Fauveau

Bertan behera utzi dituzte Herri Urrats, Ibilaldia eta Araba Euskaraz

Oihana Teyseyre Koskarat

Udaberrian egitekoak ziren ikastolen aldeko jaiak, baina beste garai batean egitea aztertzen ari dira.

Apirilaren 3an eguneratua, 14:00etan. ©BERRIA

Koronabirusaren azken datuak

Berria

Euskal Herrian 10.686 gaixok eman dute positibo koronabirusaren proba eginda. 597 hil dira. COVID-19 gaitza izandako 2.736 pertsonari eman diete alta. Grafikoak, albiste barruan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna