Albistea entzun

'LUGAÑENE' BASERRITIK

Amestutakoak

Eli Pescador - Arraun Lagunak taldeko arraunlaria

2022ko uztailak 1

Eguerdia iritsi da. Portua jendez gainezka dago. Megafoniatik musika etengabe. Kolore askotako zapi eta kamisetak soinetan. Talde guztietako ikurrinak daramatzate zaletuek. Urduritasuna sumatzen da ikusleen artean. Bat-batean, isiltasuna nagusitu da. Epaileak ikurrina jaitsi eta... ba! Estropada hasi da! Oihu zaparrada. Bakoitza bere taldea animatzen. Kuadrillakoen arteko pikeak. Ziaboga egiteko unea iritsi, eta berriro ere urduritasunak gora egin du. Maniobra ostean, erreferentziak hor daude. Ontziak azken metroetan dira. Oraindik erabakitzeko dago noren brankak gurutzatuko duen lehen postuan helmuga. Publikoaren garrasiak areagotu egin dira. Eta iritsi dira helmugara. Talde guztientzako txalo zaparrada. Ikuskizuna itzela izan da. Arranpako poz eta goxotasun besarkadak. Hori dator orain. Berriz etorri ere.

Iazko denboraldian horrelako estropadak amesten genituen ontzi barrenean gindoazen guztiek. Bi uda pasatu ditugu horrelakorik sentitu ezinik. Arraunlariok asko sumatu dugu ikusleen falta: indarrak bukatu direla uste dugunean, mareek ematen diguten bultzada, une on eta zailetan lagunen eta familiaren gertutasuna, ilusio aurpegiak...

Aurten ikusiko ditugu berriro ere kai mutur beteak, oihu biziak, animo kantak… Eta inoiz baino gehiago gozatu eta baloratuko ditugu horiek guztiak. Altxor handi bat berreskuratuko dugu uda honetan estropada eremuetan, uretan gehiago gozatzen lagunduko gaituen altxorra, lehorrean gertu sentituko duguna.

Eskerrik asko ibaiertz eta kaietara etortzen zareten guztioi! Goazen elkarrekin arraunaz gozatzera!

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Jon Berasategik, Jon Uriartek eta Mikel Gonzalezek denboraldiaren balantzea egin dute gaur, San Mamesen ©Monika Del Valle / Foku

Athletic: «Ez gaude erabat pozik lortutako emaitzekin»

Olatz Silva Rodrigo

Athleticeko presidenteak, zuzendari nagusiak eta kirol zuzendariak denboraldiaren balantzea egin dute. Berretsi dute Iñigo Martinez klubean geratzea nahi zutela, baina jokalariaren ordezkariak adierazi ziela hori ez zela Martinezen nahia.

Ordiziako Klasikoan, lehena

Errepidean eta errepidetik kanpo irabazle

Beñat Mujika Telleria Ainara Arratibel Gascon

Txomin Perurena txirrindulari eta zuzendari ohia zendu da, 79 urterekin. 158 garaipen lortu zituen, eta mendiko maillota irabazi zuen Tourrean, lorpen askoren artean.
 ©RODRIGO JIMENEZ / EFE

«Denok bide berean goazelako lortu ditugu helburuak; familia bihurtu gara»

Jon Ander De la Hoz

Realak osatutako sasoi ona azken urteetan egindakoaren segida dela uste du Elustondok. Beasaindarrak adierazi du «lan ona» egiten ari dela kluba; «gogotsu» daude Txapeldunen Ligarako.
Roberto Olabe Realeko futbol zuzendaria. ©Reala

Olabe: «Nortasuna dago proiektuaren oinarrian»

J. A. De la Hoz

Realeko kirol zuzendariak azaldu duenez, klubak hiruzpalau fitxaketa egiteko asmoa du; horietako bat Alexander Sorloth izatea nahi dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.