Noiz sortua: 2019-05-02 00:30:00

Bartzelonak gertu du finala, Liverpooli 3-0 irabazi eta gero

Jurgen Kloppen taldea hobea izan da, baina ez dute asmatu Ter Stegenen aurrean. Messik eta Suarezek sartu dituzte Bartzelonaren golak
Luis Suarez atzo sartutako gola ospatzen.
Luis Suarez atzo sartutako gola ospatzen. ALEJANDRO GARCIA / EFE Tamaina handiagoan ikusi

Ainara Arratibel Gascon -

2019ko maiatzak 2
Ausardiak saria izaten du batzuetan futbolean; beste batzuetan, ordea, futbola krudela da, eta arriskatzea ez da lehiak irabazteko bermea. Atzo hala gertatu zitzaion Liverpooli Nou Campen, Bartzelonaren aurka, Txapeldunen Ligako finalerdietako joanekoan. Ohi duen bezala, erasora eta lotsagabe jokatu zuen Jurgen Kloppen taldeak, ez baitaki beste era batera egiten. Baina ez zuen Ter Stegenen aurrean asmatu; bai, aldiz, Bartzelonak. Luis Suarezek eta Messik gutxi behar dute gola egiteko, eta atzo, beste behin, ez zuten hutsik egin Alissonen ate aurrean. Bartzelonak 3-0 irabazi zuen, eta gertu du finala.

Erritmo bizikoa izan zen lpartida, joan-etorrikoa. Bi taldeak eroso aritzen dira hala jokatzen, aurrean dituzten jokalarien abiadura eta kalitatea baliatuz. Biek izan zituzten beren aukerak aurrea hartzeko. Baina Luis Suarezek asmatu zuen, 26. minutuan. Jordi Albak pase neurtua eman zion, Liverpooleko atzelarien artean, eta atzetik indarrez sartuta, aurreratu zuen Bartzelona.

Aurretik egonda partidak patxada gehiago izatea nahi zuen Bartzelonak. Baina Liverpool ez zegoen horretarako prest. Jurgen Kloppen taldea ausarta da, eta atzo beste behin erakutsi zuen. Ohiko joko erasokorrarekin segitu zuen, eta gertu izan zuen berdinketa Manek. Salahk baloi gurutzatua bidali zuen, botea egiten utzi, eta Pique eta Sergi Roberto gaindituak zituenean, baloia gora bidali zuen. Jokoaren ekimena izan zuen Liverpoolek.

Bigarren zatia antzera hasi zen. Liverpoolek hiru aukera argi izan zituen. Baina hor agertu zen Ter Stegen. Salahri eta Milnerri bi gelditu oso on egin zizkien. Bartzelonak galdua zuen zelai erdia, eta hori aldatzeko asmoz,Valverdek Semedo zelairatu zuen Coutinhoren ordez. Hala, zelaiaren erdira pasatu zuen Sergi Roberto, eta hortik etorri zen hobekuntza. Asmoa argia zen: partida kontraerasora erabakitzea.

Baina erabaki zuena Messi izan zen. Bi gol sartu baitzituen, bat Suarezek langara bidalitako baloi baten aldaratzea baliatuz (75. min.), eta bestea falta jaurtiketa ikusgarri batekin (83. min.). Segidan Salah zutoinera bidali zuen baloia, eta azken jokaldian Dembelek 4-0eko sartzeko aukera huts egin zuen.

Albiste gehiago

Martxoaren 31n eguneratua, 14:00etan. ©BERRIA

Koronabirusaren azken datuak

Berria

Euskal Herrian 8.647 gaixok eman dute positibo koronabirusaren proba eginda, administrazioen arabera. 441 hil dira. COVID-19 gaitza izandako 1.775 pertsonari eman diete alta. Grafikoak, albiste barruan.

Pankarta bat, Biboko Zapikaleetan. ©Marisol Ramirez / Foku

500 hildakoen langa gainditu du izurriak Euskal Herrian

Berria

Dagoeneko 501 pertsona hil ditu gaitzak. Hego Euskal Herrian 9.335 kasu diagnostikatu dituzte. Sindikatuek gutun bat bidali diote Denis Itxaso Madrilek EAEn duen ordezkariari, besteak beste zentralizazioa bertan behera uzteko eskatzeko, eta Maddalen Iriartek mahai bat eratu nahi du erabakiak hartzeko

1983ko abuztuan, Busturian, uholdeetan. ©BERRIA

Zer egin krisi bati aurre egiteko?

Enekoitz Esnaola

Jaurlaritzako eta Nafarroako lehendakariek, euskal gatazkako indarkeriaz gain, zenbait garai sozial gogor ere bizi izan dituzte 40 urteotan: uholdeak, sute eta istripu larriak, krisi ekonomikoak... Carlos Garaikoetxeak, Jose Antonio Ardanzak, Patxi Lopezek eta Uxue Barkosek lehendakari gisara bizi izan zituzten krisietan izandako esperientziak kontatu dizkiote BERRIAri. Garrantzia eman diote gertutasuna eta sentsibilitatea izateari, baita neurriak hartzeari ere.

Aceros Olarra lantegia, Loiun, atzo. ©Marisol Ramirez / Foku

Tubos Reunidosek berriro zabalduko du

Iker Aranburu

Jaurlaritzak uste du industria osoak eutsi ahal diola jarduera txiki bati. Mondragonek dio «atzeraezinezko konpromisoak» bete ahal izango dituela, eta CAFen 37 boluntario ari dira bagoi batzuk entregatzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna