Albistea entzun

JOK Filmsen saio bat Abu Dhabira, eta Pausokaren beste bat Belgikara

Cannesko Mipcom ikus-entzunezkoen azokan, Greziako telebista publikoak interesa azaldu du euskarazko 'Aitaren etxea' telesaila emititzeko
BERRIA

Urtzi Urkizu -

2015eko urriak 8

Pausokak iaz ETB2rako egin zuen El impostor saioaren formatua Belgikako 100.000Wolf ekoizpen etxeari saldu dio Cannesko Mipcom azokan. «Halakoak azokan sinatzea ez da ohikoena izaten, baina pozik gaude», esan du Xabier Zabaleta Pausokako formatu eta proiektuen zuzendariak. El impostor saioan pertsona batek familia baten parte izatera jokatzen du egun batzuetan, eta lehiakideak asmatu egin behar du senideen artetik zein den iruzurgilea. Pausokak Aitaren etxea telesaila ere eraman du Cannesera, eta Greziako telebista publikoak azpidatziekin emititzeko interesa azaldu du. Zabaletak nabarmendu du telesailak hainbat enpresaren arreta piztu duela. Nazioarteko banatzaileekin bilerak egin dituzte azokan —gaur bukatuko da—, «ahalik eta herrialde gehienetara saltzeko».

JOK Films ekoizpen etxeak, bestalde, oso harrera ona izan zuen joan den asteburuan MIP Junior International Pitch-en, Mike's Mysteries animazioko saioarekin. Ehun enpresen lanen artean bost finalisten artean gelditu zen; irabazlea Erresuma Batuko The boy who switched off the sun izan zen. Jokin Etxeberria JOK Films enpresaren zuzendariak iragarri duenez, Abu Dhabiko (Arabiar Emirerri Batuak) Majid Entertainment konpainiak Mike's Mysteries saioaren 26 atal ekoitziko ditu. Etxeberria hara joatekoa da laster. Animazioen marrazkilaria Iagoba Moly da.

Pausoka eta JOK Films ez ezik, Basque Stream, Brisney, Euskaltel, Expressive, Prime Time Media eta Sugar Factory euskal enpresak ere izan dira azokan. Baita EITB, Bilbao Bizkaia Film Comission eta Donostia 2016 fundazioa ere.

Mundu osoko 4.728 enpresa izan dira egunotan Cannesen, 13.650 parte hartzaile, eta estreinaldi entzutetsuak egin dituzte: Foxen The X-Files telesailaren itzulera, Sky Atlantic eta Canal+en Panthers —John Hunt aktorearekin— eta Harvey Weinstein ekoizlearen War and Peace. Larine Garaude antolatzailearen arabera, «pantaila txikiak ez dio inbidiarik handiari».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©MAIALEN ANDRES / FOKU

«Operak egokitu egin du bere mezua»

Enekoitz Telleria Sarriegi

Opus Liricak sasoi berria aurkeztu du. Emakumeak jarri dituzte «erdian», eta indarkeria matxistari buruzko «eztabaida kritikoa» proposatu. «Bai noski: egin daiteke hori operaren bidez», ziurtatu du Garmendiak.
1 ©IDOIA ZABALETA / FOKU

Infusio tantak loratzeko

Olaia L. Garaialde

Josenea enpresak hogei urte daramatza lanean, eta infusioak eta teak egiten dituzte batez ere. Nafarroan egiten dute ekoizpena, hasieratik amaierara arte. Ekonomia zirkularraren Europako lehenengo parkea izateko bidean da.
Urtantan parte hartuko duten musikarietako batzuk, antolatzaileekin eta babesleekin batera. ©AMAIA JIMENEZ LARREA

Musika eta natura uztartuz

Amaia Jimenez Larrea

Uztailaren 22tik 24ra Urtanta jaialdia egingo dute, Urmugaren bertsio murriztua. Mendia eta itsasoa lotuko ditu ibilaldiak, eta Pasaiatik Azkainera sei musika emanaldi izango dira
Ehun urte igaro dira Howard Carter arkeologoak Tutankamonen hilobiaren sarrera aurkitu zuenetik. ©JAIZKI FONTANEDA / FOKU

Faraoiaren lehen bisitariak

Unai Etxenausia

Tutankamonen hilobia aurkitu zutenean hainbat lagun joan ziren Euskal Herritik hura bisitatzera. Gasteizko Bibat museoak bildu ditu haien ingurukoak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...