Koronabirusa. Jose Mari Gorroño. Gernika-Lumoko alkatea

«Kutsatutako gazte jendearen inguruak arduratzen nau gehien»

MARISOL RAMIREZ / FOKU

Andoni Rekondo Izagirre -

2020ko abuztuak 25

Gernika-Lumoko (Bizkaia) ez-jaien ondoren positiboek gora egin dute. Jose Mari Gorroño (Gernika, 1953) alkateak azaldu duenez, baliteke «transmisio komunitario» bat izatea.

Neurri bereziak hartu ziren herriko ez-jaietan?

Bai, neurri bereziak izan ziren. Eusko Jaurlaritzak eta Osakidetzak esandako guztiak zorrotz betetzeko prest geunden. Udaltzaingoa eta Ertzaintza elkarlanean aritu dira neurriak ahalik eta ondoena betetzeko. Hori horrela, iruditzen zait gaueko giroan ez zela gehiegikeriarik egon. Ostalariekin kontaktuan egon ginen, eta arazoak zituztenek deitu egin zuten. Bi dei jaso genituen, eta udaltzainak bertaratu zirenean, jendeak erraz ulertu zuen egoera.

Zein da kutsatuen profila?

Kutsatutako pertsona gehienak gazteak dira, 19-45 urte bitartekoak. Salbuespenak badaude, baina gehienak tarte horren barruan daude. Hala ere, iruditzen zait ez dela inori errua botatzeko garaia, elkarlanean aritzekoa baizik. Denok izan gara gazteak, eta badakigu nolako garaia den. Gazte horiek gehienak asintomatikoak izango dira, eta ez dute arazorik edukiko. Kutsatutako gazte jendearen inguruko pertsonek arduratzen naute gehien, denek dituztelako pertsona helduagoak inguruan.

Nork joan behar du PCR probak egitera?

Deialdia abuzturen 14tik 17ra parranda giroan egon zirenentzat da. Baina egun horietan gazteak eta helduak izan ziren kalean, eta jende horrek beste herritar askorekin dauka kontaktua. Horregatik diot eremua zabalagoa dela, eta jende gehiago joaten bada egoera hobea izango dela. Hala ere, Osakidetzak ezartzen dituen neurriak errespetatu behar ditugu, haiek dira adituak.

Kanpotik ere jendea joan zen egun horietan Gernikara. Inguruko udalekin kontaktuan jarri zarete?

Badakigu jende asko etorri zela egun horietan, gertukoak eta urrutikoak. Etorritako jendearen datuak biltzen saiatu gara, eta herri horietako udal talde edo alkateekin kontaktuan gaude. Garrantzitsua da pertsona horiei ere PCR probak egitea.

Gernikako herritarrak kezkatuta daude?

Hartuko diren erabakien zain daude. Konfinamenduak beldurtzen ditu gehien, baina nik ere ez dut uste horretara iritsi beharko dugunik. Guk Eusko Jaurlaritzaren eta Osakidetzaren aginduak betetzen ditugu, eta, hortaz, haien ardurak gureak ere badira. Hemen ezin da inor bere kabuz ibili; arazo hau denon artean konpondu behar dugu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

PCR proba bat, Gurutzetako ospitalean. ©Luis Jauregialtzo, FOKU

Positibo kopuruak goia jo du Nafarroan

Uxue Rey Gorraiz

Beste 749 kasu atzeman dituzte Hegoaldean, eta nabarmen ugaritu dira Nafarroan: 362 kutsatu detektatu dituzte azken egunean. 501 lagun daude erietxeratuta Hego Euskal Herrian, eta 82 gaixo daude ZIUetan.

Zestoa, artxiboko irudi batean. ©Gorka Rubio / Foku

Eraikin publikoak eta tabernak itxi dituzte Zestoan

Berria

28 kasu baieztatu dituzte azken egunetan, eta neurri murriztaileak hartu dituzte agerraldiari aurre egiteko asmoz. Datozen egunetan egoera «kontrolatzea» espero dute.

Iñigo Urkullu omenaldian ©Eusko Jaurlaritza

Koronabirusaren biktimak omendu dituzte Gasteizen

Uxue Rey Gorraiz

Iñigo Urkullu lehendakariak gidatu du ekitaldia. Pandemiarengatik hildakoak gogoratu ditu, eta elkartasuna adierazi die familiei. «Elkarrizketa soziala» bultzatu dadin galdegin du, bizikidetza sozialaren berreraikuntzarako.

Sindikatuen eta Sareren elkarretaratzea, presoen egoeraren harira Bilbon. ©Marisol Ramires/FOKU

Hainbat espetxetan komunikazioak eten dituztela salatu dute Sarek eta Etxerat-ek

Maria Ortega Zubiate

Presoek eta haien senideek “garai oso zailak” bizi dituztela adierazi dute bi elkarteek, eta pandemiak “salbuespenezko erregimenaren aplikazioa” areagotzen duela. Positibotzat jo dituzte Eusko Legebiltzarrean eta Espainian espetxe politika aldatzeko egindako adierazpenak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna