Noiz sortua: 2018-07-12 00:30:00

Errusiako Munduko Kopa. GORROTO DUZUN HORI

Zapaldu gabeko bideak

Julen Gabiria -

2018ko uztailak 12
Peruko selekzioaren jarraitzaile batek 25 kilo loditzea erabaki zuen, bere taldea ikusteko sarrera guztiak agortuta zeudelako... eta salgai geratzen ziren bakarrak ezinduei zuzendutakoak zirelako. Gorputz-masaren indizea 35etik gorakoa izatea zen horretarako baldintzetako bat, eta mutilak ez zuen zalantzarik egin: dena aberriaren alde, eta 25 kilotxo gerriaren alde. Horrelakoa baita futbola. Batzuetan irabazi (Australiaren kontra, zehazki), eta beste batzuetan argaldu (etxera bueltatzean, pentsatzekoa denez).

Argentinako selekzioaren jarraitzaile batek, berriz, ingeniaritza-lan ederra egin zuen Munduko Koparen aurretik: gauza jakina zenez Argentina multzoko lehen postuan sailkatuko zela eta finaleraino iritsiko zela, mutikoak selekzioaren partida guztietarako sarrerak erosi zituen: multzoan jokatu beharreko hiruretakoak, final-zortzirenetakoa, final-laurdenetakoa, finalerdietakoa eta finalekoa. Zazpi partida, to dirutza.

Argentina, noski, ez zen lehen postuan sailkatu, ezpada bigarrenean eta totelka. Maradona gutxigatik ez zuten Errusian lurperatu, eta jarraitzaile horrek, ziurrenik, kroaziera ikastea erabakiko zuen, erosi zituen sarrerak Kroazia-Danimarka, Errusia-Kroazia eta atzoko Kroazia-Ingalaterra partidatarako izan baitziren, finalerakoaz gain.

Gauza ziur bakarra, futbol hobea ikusi duela horrela, Argentinarekin ikusiko zuena baino. Eta, amesten hasita, maizegi zapaldutako bideetatik aldentzeak dakartzan ustekabeko guztiak: lige kroaziarren bat, demagun.

«Bai, zera», esan dit batek: «berriz salduko zituen, garestiago gainera, eta etxera bueltatu». Kakitzat. Gero eta jasanezinagoa zait irudimen oro zapuzten duen errealitate hau.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 5ean eguneratua, 14:00etan. ©

Koronabirusaren azken datuak

Berria

Euskal Herrian 11.701 gaixok eman dute positibo koronabirusaren proba eginda. 693 hil dira. COVID-19 gaitza izandako 3.709 pertsonari eman diete alta. Grafikoak, albiste barruan.

Iñigo Urkullu lehendakaria, bideokonferentzia batean. ©Irekia

Iñigo Urkulluk «normaltasunera bueltatzeko plan bat» eskatu du

Berria

Eusko Jaurlaritzako lehendakariak babesa adierazi dio Pedro Sanchez Espainiako Gobernuko presidenteak alarma egoera apirilaren 26ra arte luzatzeko egindako eskaerari. Ekonomiaren jarduera etetean «malgutasunez» jokatu izana eskertu dio.

Nafarroako erietxeko langileak, txalo jotzen, iragan asteazkenean. ©Idoia Zabaleta / Foku

Sanchez aztertzen ari da sintomarik gabeko gaixoak kiroldegietan bakartzea

Berria

Pedro Sanchezek bilera bat egin du autonomia erkidegoetako presidenteekin, eta azpiegituren zerrenda bat eskatu die hilaren 10erako, atzemandako kasu positibo asintomatikoak kokatzeko. Adierazi die milioi bat test banatuko dituela «detekzio goiztiarrerako».

Arnaldo Otegi EH Bilduko koordinatzaile nagusia, artxiboko argazki batean. ©Andoni Canellada / Foku

Otegirentzat, Moncloako Itun berriek «eskubide sozialak eta ekonomikoak urratzea» eragingo lukete

Berria

EH Bilduk astelehenean erabakiko du alarma egoera luzatzeari buruzko jarrera. Dena dela, orain artekoarekin «koherentea» izango dela esan du Arnaldo Otegik. Aurreko aldietan abstentziora jo dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna