Albistea entzun

Telesailak

Begi bistan gordetako sekretua

Olivia Colman da protagonista HBOren 'Landscapers' telesailean. Erresuma Batuko sonarik handieneko hilketa bikoitz bat fikziora egokitu dute
Will Sharpe telesaileko zuzendaria da, eta Ed Sinclair, berriz, gidoigilea.
Will Sharpe telesaileko zuzendaria da, eta Ed Sinclair, berriz, gidoigilea. HBO Tamaina handiagoan ikusi

Mikel Yarza Artola -

2021eko abenduak 11

«2014an 25 urtetarako espetxeratu zuten bikotea. Baina oraindik errugabetzat daukate euren burua». Hitz horiekin abiatzen da Landscapers telesail britainiarra, HBOren urte amaierako nobedadea. Kablezko kate estatubatuarrak lau ataletan kontatu du Susan eta Christopher Edwardsen benetako istorioa, bikoteak emaztearen gurasoak erail zituen 1998an, eta haien gorpuzkiak 15 urtez ezkutatu zituen etxeko lorategian, lurpean.

Familia eremuan jazotako hilketek bide luzea egin dute britainiar telebistan, izan albistegietan zein entretenimenduan. Harold Shipman, Dark Angel, Appropriate Adult eta Des dira, alde horretatik, azken urteetako lanik seinalatuenak. Landscapers telesailaren kasuan, benetako gertakari lazgarriek pentsarazi lezakete fikzioa izugarri gordina izango zela, baina drama soil eta sentikor batetik urrun, umore beltzez zipriztinduriko lana da hori.

Will Sharpe telesaileko zuzendaria da, eta Ed Sinclair, berriz, gidoigilea. Azken hori Olivia Colmanen senarra da, eta harentzat ikus-entzunezko estreinako proiektua izan da gidaritza lanetan.

Hollywoodeko loria dastatu ondoren heldu da Colman telesail honetara; Oscar saria irabazi zuen 2019an The Favourite filmarekin, eta Emmya aurten The Crown telesailarekin. Haren alboan ageri da pantailan David Thewlis aktorea, Harry Potter sagan egin zen ezagun, Remus Lupin pertsonaia ikonikoaren rola jokatuz. Colmanen eta Thewlisren arteko lehen lankidetza da hori, eta jarraitzaileentzat gozagarria izango da interpretazioaren maisu beterano horiek bikote protagonista gisa ikustea.

Susan Edwardsen gurasoen gorpuzkiak topatzean, polizia agenteek aldez aurretik eta xehetasunez antolaturiko hilketa baten zantzuak atzeman zituzten. Senar-emazte susmagarriek, ordea, oso bestelako istorio bat kontatu zieten autoritateei, eta euren burua goratu zuten gertakari horretako heroi gisa. Moral bikoitzaren hari finari tiraka ibili ziren eta hori da telesaileko sortzaileek iruditan islatu dutena.

Bikoteak Londrestik Frantziara egin zuen ihes, eta bertako etxea da pantailan ageri den lehen kokalekua: kartzelako zelda hotz baten itxura du apartamentuko sarrerak; argitsua eta epela da, aldiz, barnealdeko egongela. Horrek bete-betean konektatzen du istorioaren muinarekin; izan ere, bikotea bi errealitate kontrajarritan bizi da aldi berean. Tragedia latzean, batetik, eta irudimenezko mundu alternatiboan, bestetik.

Telesaileko gidariek adimenez findu dute alor formala sentsazio hori areagotzeko, eta horren adibide dira erabilitako flashbackak. Gorriz blaitu dituzte iragan traumatikoari loturikoak, berdez bikote erromantzeari buruzkoak, eta grisez bidean galdutako zorionarekin zerikusia dutenak.

Funtsean, istorioa begi bistan gordetako sekretu bati buruzkoa da, egunen batean okerrena helduko dela badakiten iruzurgileena. Dena den, telesaileko sortzaileek bikote arrunt baten erretratu gizatiarra osatu dute, krimen bat gauzatu zuen bikotearena, eta ez izatez gaizkile den horrena. Behin errealitatea fikzio bilakatuta, egia gertuago edo urrunago ote?

'LANDSCAPERS'
Sortzaileak: Will Sharpe, Ed Sinclair.
Aktoreak: Olivia Colman, David Thewlis, Kate O'Flynn, Dipo Ola, Felicity Montagu.
Herrialdea: Erresuma Batua.
Urtea: 2021.
Non ikusi: HBO Max.
Atal bakoitzaren iraupena: 50 minutu.
Generoa: komedia. Krimena.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©JAIZKI FONTANEDA/ FOKU

«Ez da gaztetxearen inguruko film soil bat»

Amaia Jimenez Larrea

'Mari. Isilik nahi gaituztenan' Oñatiko Antixena gaztetxearen hamargarren urteurrenaren harira sortutako film bat da, fikziozkoa. Datorren astean estreinatuko da, Oñatin eta Durangoko Azokan.
Hilabete honetan bi aldiz agertu da Belharra, Donibane Lohizune parean. Europako uhinik handiena da. Matt Etxebarne ageri da argazkian, foil taula <em>hegalaria</em> lagun. ©FRANCK LAPUYADE

Belharra: hogei urteko mugarria

Ainize Madariga

Hogei urte bete dira Donibane Lohizuneko Belharra uhin erraldoiaren gainean surf egin zutela lehen aldikoz. Axi Muniainek arraunean ere igan zuen lehentze, 2013. urtean. Gero eta haboro dira ausartzen direnak orain: Matt Etxebarne da haietako bat. Baina denek oroitarazi dute lanjer handia.

 ©MARISOL RAMIREZ / FOKU

«Hemengo irrati batzuk hasiak dira jolasten adimen artifizialarekin»

Urtzi Urkizu

Adimen artifizialarekin narrazioak sortu, eta horiek 'Zero eta bat' podcastera eramaten ditu Erezumak. Gaur sareratuko du hirugarren atala. «Esperimentatzen jarraituko dut».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...