Albistea entzun

ARRAUNA

Oriok beste koska bat igo du Euskotren ligako gailurraren bila

Irabazi egin du Hondarribian, eta bost puntu ateratzen dizkio orain Arrauni. Tolosaldea puntu batera jarri zaio Donostiarrari
Orio bandera jasotzen, atzo, Hondarribian.
Orio bandera jasotzen, atzo, Hondarribian. MAIALEN ANDRES / FOKU Tamaina handiagoan ikusi

Aitor Manterola Garate -

2022ko abuztuak 7

Kolore horia zeukan lehendik ere Euskotren ligak, eta, atzo Hondarribian izan zen emaitzarekin, are horiagoa. Oriok zazpigarren bandera irabazi zuen, eta nagusi da, bi jardunalditan baino ez baita geratu puntu kopuru handiena eskuratu gabe. Bost puntu ateratzen dizkio Arraun Lagunak-i sailkapenean, eta beste horrenbeste estropada baino ez dira falta. 31 eskutik du Patxi Francesen taldeak.

Bi zati bezala izan ditu gaurko lanak. Itsasoan, kanpoaldean, bazen mugimendu pixka bat, eta haizea mendebaldetik jotzen ari zen. Orio aurreneko kalean joan zen, eta Arraun, hirugarrenean. Donostiarrak bigarrena zuen, eta Tolosaldeak, laugarrena. Kanporanzko zatian, Arraun hobeto moldatu zen. Estropadetan nekez aurkitzen ari diren arraunketaren bila, sendo ekin zion jardunari. Ematen zuen baietz, galdua duen hori berreskuratuz onbidera itzuliko zela, baina ez zen horrela izan azkenean. Bigarren zatian, barrurantz, Oriok jan egin zuen Donostiako taldea.

Mugarria ziaboga izan zen lehendabizi. Biziago zuzendu zuen trainerua Nadeth Agirrek Andrea Astudilloren aldean, eta buruan atera zen ziabogatik. Zabaletik hartu zuen Oriok buelta, nahita, eremuaren kanpotik barrura bideratzen zen olatua baliatzeko. Segundoa segundoari kateatuz, aldea handituz joan zen. Traineruaren muturra askotan ekarri zuen uretan ederki sartuta, popa aterata zeukan bitartean. Ez zitzaion horrelakorik ikusi Arraunen ontziari. Azkenean, 5,14 segundo atera zizkion Oriok.

Beste lehian, jaitsierako kanporaketari ihes egin nahian, Tolosaldeak beste puntu bat jan zion Donostiarrari. Baten aldea baino ez du Donostiako taldeak orain. Barrurantz nagusitu zitzaion. Datu honek ederki azaltzen du hori: Orioren atzeko talde azkarrenetan bigarrena izan zen Tolosaldea barruranzko luze horretan.

Atzokoak eginda, gaur Getarian izango dira, hamargarren jardunaldia jokatzeko (11:40).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©MARIA MENTXAKA / GERNIKA KEBS

«Erronka handia da Mario Lopez ordezkatzea»

Pettan Uralde

Egoera «aproposenean» ez izan arren, «ilusioz» hartu du kargua Montañanak. Beti izan du buruan gauza handiak egitea, baina nahiago du egunez egun joan.
San Pedroko <em>Libia</em> trainerua ziaboga ematen KAE 1 ligako bigarren estropadan, Zumaian. ©ENDIKA PORTILLO / FOKU

Ondo bukatzea geratzen zaie

Aitor Manterola Garate

KAE 1 ligan, San Pedrok du gertuen lehiaketa irabaztea, eta ETE ligan, Hibaikak bideratua du liga nagusira igotzea, bigarren bada ere. Launa estropada falta zaizkie.
Carlota Ziganda golflaria Sitgesko torneoan, jokaldi bati begira. ©ANDREU DALMAU / EFE

Sufrituta, gozatzea lortu du

Ainara Arratibel Gascon

Azken hilabeteetan onenen pare ari da jokatzen torneoetan Carlota Ziganda golflaria. Haren ustez, 'caddie' aldaketa eta lortu duen heldutasuna funtsezkoak izan dira hobekuntza hori lortzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Aitor Manterola Garate

Informazio osagarria

Iruzkinak kargatzen...