Albistea entzun

Frantziako Tourra

Euripean irabazi du Lampaertek

Eguraldi makurrak baldintzatu du erlojupekoa Tourreko lehen etapan. Faboritoen artean, Tadej Pogacarrek erakustaldia eman du
BO AMSTRUP / EFE Tamaina handiagoan ikusi

Beñat Mujika Telleria -

2022ko uztailak 2

Kopenhageko hiritarrak txirrindularitza gosez agertu ziren atzo Tourreko lehenengo etapa bertatik bertara ikusteko. Euripean bada ere, Danimarkako hiriburuko karrikak bete zituzten. Yves Lampaertek (Quick-Step) irabazi zuen hamahiru kilometroko erlojupekoa, eta hura da aurtengo ekitaldiko lehenengo liderra.

Iragarpen guztiak hautsi zituen belgikar txirrindulariak, eta Wout Van Aertek (Jumbo) baino bost segundo gutxiago behar izan zituen helmugaratzeko. Euskal txirrindularien artean, Jonathan Castroviejo (Ineos) izan zen azkarrena, liderrarengandik 36ra.

Faboritoen artean lehenengo tarteak ikusteko aukera eman zuen atzoko etapak. Zoru bustiaren ondorioz, faboritoetako batzuek ez zuten beren burua arriskatu, eta Tadej Pogacar (UAE) izan zen oilarrenetan azkarrena. Esloveniar gazteak dagoeneko beldurra sartu die gorputzean aurkariei.

Jonas Vingegaard eta Primoz Roglic (Jumbo) ondo aritu ziren, erlojuaren kontra ohi duten moduan, baina ez zuten lortu Pogacarren denbora hobetzea. Bi horiek dira Jumbo taldearen apustu nagusienak sailkapenari begira, eta ondo erantzun zuten lehenengo egunean. Gainerako faboritoak, berriz, atzerapen handiagoarekin sartu ziren helmugara.

Eguraldiak guztiz baldintzatu zuen atzoko erlojupekoa. Euripean aritu behar izan zuten txirrindulariek, eta haizeak ere zakar jo zuen arratsaldearen hasieran. Steffan Bissegger (EF Education) zen atzoko etapa irabazteko faboritoetako bat, baina, zoruaren egoeraren ondorioz, bi aldiz jausi zen lurrera. Arratsaldeak aurrera egin ahala, zorua lehorrago zegoen, eta hori baliatu zuen Lampaertek gehiago arriskatzeko. «Ez nuen espero garaipena lortuko nuenik. Van Aert handia garaitu dut», esan zuen belgikarrak.

Esprinterrentzat gaurkoa

Gaurko etapak Roskyilde eta Nyborg (Danimarka) lotuko ditu. 202 kilometroko ibilbidean, esprinterrek lehen aukera izango dute garaipena lortzeko. Haizea ere kontuan hartu beharko dute.

Etapa irabazteko faboritoen zerrendan esprinter hauek ageri dira, besteak beste: Dylan Groenewegen (Bike Exchange), Fabio Jakobsen (Quick-Step), Jasper Philipsen (Alpecin) eta Caleb Ewan (Lotto).

Bestalde, Cofidis taldeak atzo jakinarazi zuen bi urterako berritu diola kontratua Ion Izagirreri. Hortaz, Ormaiztegiko txirrindulariak 2025. urtera arte jantziko du Frantziako taldearen maillota.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

«Mendian arriskua kudea dezakezu, baina ezin duzu desagerrarazi»

Jon Artano Izeta

Mendi gidaria da, eta gidarigaien irakaslea. 30 urte daramatza Huarazen, Peruko Mendikate Zurian, eta ezagun du. 'Pucha', 'cachuelo', 'chibolo'... Ande-kontrako gaztelaniaren hitzak darabiltza, eta hango airea ere badu haren jardunak: 'empesar', ahoskatzen du, 'haser'... «Euskalperutarra» dela dio; herrialdeko mendigoizalerik onena dela esan izan dute hangoek.
Gai dela berretsi du

Gai dela berretsi du

Jon Ander De la Hoz

Julen Alberdi 'Txikia IV.a'-k estreinakoz irabazi du Urrezko Kopa, Iker Vicenteri eta Mikel Larrañagari aurrea hartuta: «Lan exijentea izan zen».

Nacho Monreal jokalaria, 2021eko irudi batean. ©Javier Etxezarreta, EFE

Nacho Monrealek futbola utziko du

Uxue Rey Gorraiz

«Garai bat bukatu da. Beste bat hasi. Zoriontsu naiz», azaldu du futbolari nafarrak sare sozialetan zabaldutako mezu batean. Hamasei urte egin ditu futbol profesionalean; Osasunan eta Realean horietako hainbat.

 ©NADETH AGIRRE

«Gure arraun egiteko erari eustea izan da arrakastaren gakoa»

Julen Etxeberria

Oriok hirugarrenez irabazi du Euskotren liga, baita Nadeth Agirrek ere. Baina gehiago nahi dute. «Zarautzen irabazi nahi dugu, lana biribiltzeko. Gero, Kontxan nagusitu nahi dugu».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Beñat Mujika Telleria

Informazio osagarria

Iruzkinak kargatzen...