Albistea entzun

Maribel Salas. Aktorea

«Umorea tresna bat da gauza guztiez hitz egiteko»

Bost ataletako 'Nekane Amaya' telesaila estreinatuko du gaur ETB2k (22:30). Ijito abertzalearen rola jokatzen du Salasek. Alabaren ezkontzarekin hasiko da istorioa.
ETB / ETB

Urtzi Urkizu -

2016ko maiatzak 25

Vaya semanita-ren denboraldi arrakastatsuenetan parte hartu zuen Maribel Salasek (Barakaldo, Bizkaia, 1965). Orduz geroztik, telesail ugaritan parte hartu du.

Zer moduz sentitzen zara Nekane Amayaren pertsonaiarekin?

Aurkikuntza ederra izan zen niretzat. Bolada batean komediako pertsonaia guztiak gizonezkoei ematen zizkieten. Vaya semanita: cambio radical iritsi zenean, Nekane Amayaren pertsonaia egitea proposatu zidan Pausokak, eta oso atsegina izan da. Mamia duen pertsonaia da; dibertigarria da, eta inprobisaziorako aukera ematen du. Oso-oso gustagarria da pertsonaia; asko gozatzen dut aktore moduan.

Zer ezberdintasun izango du telesailak aurretik Nekane Amayarekin egin dituzten esketxen eta telefilmaren aldean?

Berrikuntzarik handiena cameo-ak dira. Pertsonaia ospetsuak trametan sartuko dira: Igor Yebra, Patxi Salinas, Berto Romero, Africa Baeta, Juan Maria Aburto eta abar. Zerbait ezberdina ematen diote telesailari.

Ezkontza ijito batekin hasiko zarete, Amayaren alabarena.

Ezkontza horretan, gainera, senargaiaren gurasoak kirurgialariak dira. Haien eta emaztegai ijitoaren familiaren arteko gatazkak askorako emango du.

Aritz Galarraga BERRIAko bi telebista kritikarietako batek idatzi du iraindua sentitu dela, ijitoen gaineko estereotipo, topiko eta klixeekin. Zer diozu?

Horren beldurra banuen. Umorearekin hari finekin zabiltza, eta min egin daiteke. Baina umorea tresna bat da gauza guztiez hitz egiteko. Gu errespetuz aritzen gara. Ijitoen kolektiboa Bilboko aurrestreinaldian izango da [atzo egin zuten]. Bakoitzaren umorearen senaren kontua da.

Martxoan, Dibertsitatearen Aldeko Ijito Feministen Elkarteak protesta bat egin zuen Mediaseten aurrean saio bategatik.

Imajinatzen dut egongo dela jendea iraindua sentitzen dena. Bataren gaitza, bestearen ona. Gu, behintzat, maitasunez aritzen gara.

Atzo gauean Allí abajo-ren denboraldia amaitu zen. Begoñaren rola jokatzen duzu hor.

Ocho apellidos vascos filmaren ostean, modan dago ipar-hego gatazka. Gu oso pozik gaude telesailaren ikusle datuekin. Batzuei ez zaizkie estereotipoak gustatzen, baina beste askori grazia egiten diete. Muturrera eramandako umorea da.

Hirugarren denboraldian jarraituko al duzu?

Bai, orain kontratu berrirako baldintzak negoziatzen ari gara.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iruñeko Braulia erraldoia Udaletxe plazan dantzan, 2019ko irudi batean. ©Jagoba Mantero, FOKU

Braulia erraldoiaren dantza, haurren izu

Berria

Herritarrak hunkitu ditu azken egunotan Iruñerrian zabaldutako bideo batek: irudiotan, Iruñeko Braulia erraldoiaren dantza, lau begi gazte balkoian, eta ate danbateko bat, izuaren izuz.

Txikiren ama Antonia Maria Manot, haren semearen hiletan. ©BERRIA

Ez ahanzteko ariketak

Gotzon Hermosilla

Natalia Ginzburg idazleak testu bat argitaratu zuen garai hartako prentsan 1975eko irailaren 27ko fusilamenduen harira. Orain, testu hori euskarara ekarri du Josu Zabaletak; itzultzaileak FRAPeko hiru kondenatuak ezagutu zituen espetxean.

 ©JAGOBA MANTEROLA / FOKU

«Emakume informatikari erreferenteak behar dira»

Unai Etxenausia

II. Gladys saria jasoko du gaur Perez de Viñasprek. Gaztea izan arren, ibilbide oparoa du informatikan. Nabarmendu duenez, gustatzen zaizkion ikerketak egiten aritu nahi du aurrerantzean ere.
Fusilamenduen 40. hurrenarekin batera Vigon herri-harpidetzaz ezarritako iragarkia. ©INFO.NODO50.ORG

Fusilaturik isilgordeena, Garcia Sanz

Miel A. Elustondo

1975eko irailak 27 beti. Frankismo garaiko azkeneko bost fusilatuak. Sanchez Bravo, Garcia Sanz, Baena, Txiki, Otaegi. Haien ondoan militante ez gutxi, heriotzara kondenatuak izanak, zigorra kommutatuak. Askoren artean, Manuel Blanco Chivite. Bizi-bizirik du egun haietako oroitza samina. Ilun beltzaren muturrerainoko bidaia. Azkena.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...