Noiz sortua: 2018-04-18 00:30:00

Oihane Zunzunegi. I. Smartberri lehiaketako irabazlea

«Momentuari erreparatu behar diogula jaso nahi nuen»

Sakelakoekin egindako bideoen lehiaketa bat antolatu du EITBk, eta Zunzunegik lehen saria irabazi du. Haren ustez, «sentimendu bat probokatzea» da garrantzitsuena.
BERRIA Tamaina handiagoan ikusi

Urtzi Urkizu -

2018ko apirilak 18

Bost hilabete dira Australian bizi dela, eta jatetxe batean zerbitzari lanetan ari da Oihane Zunzunegi (Galdakao, Bizkaia, 1995).

Australian egonda sari bat eta 1.500 euro jasotzea ez dago batere gaizki, ezta?

Ez! Batere! Sinistu barik nago oraindik. Dirua ikus-entzunezko proiektu berezi bat egitera zuzenduko dut. Hilabeteak dira Nepalen dokumental bat grabatzeko asmoz gabiltzala; azkenean, diruaren kontuagatik beti gabiltza oztopoak aurkitzen, material, banaketa eta bidaia kontuengatik. Dokumentalaren istorioak Samsara Nepal fundazioarekin eta Ear Care Nepal erakundearekin izango du zerikusia. Fundazio horiek istorio berezi bat dute atzetik: bi emakume borrokalariren istorioa, alegia.

Ez da erraza bideo irabazlean, barnetik hitz egiten duzula ematen du. Zure sentimenduak dira bertan jasotzen direnak?

Barnetik hitz egiten ari naiz, guztiz. Hasieran, naturaren eta zibilizazioaren arteko konparazio bat egitea pentsatu nuen, baina, ingeleseko eskolan egiten diren graduazioetan Japoniako lagun batek egindako hitzaldiaren ondorioz —denei bere sentimenduak helarazten—, konturatu nintzen agur esateko garaia heldu zela. Gau hartan, lan egin eta gero hondartzara joan, paper bat hartu eta idazten hasi nintzen. Barnean nuen sentsazio arraro hura hitzetan azaltzea lortu nuela uste dut, eta horregatik erabaki nuen bideoak benetako mezu bat izan behar zuela.

Zertan datza transmititu nahi zenuen mezu hori?

Amaierak edonon daudela, agur esatea zaila dela, eta bizitza orainean dagoela. Ahaztu denbora. Gure bizitzatik igarotzen diren leku, objektu, animalia eta batez ere pertsonek, nahigabe gugan eragiten dute, eta, horri esker, gaur gara garen modukoak. Horregatik, momentuari erreparatu behar diogu. Esan nahi dudana da, adibidez, berdin duela betidanik ezagutzen duzun lagun batekin edo autobusean bost minutuko ezezagun batekin hizketan ari bazara. Berdin da nor, zer edo non: aprobetxatu momentu hori, zabaldu zaitez. Sinple esanda: bizi.

Bizitzan, zer da zuretzat benetan «ez da erraza» esanarazten dizun hori, edo zer da zailena?

Ez da erraza agur esatea, istorio guztiek amaiera bat dutela onartzea. Baina horrek inguruko guztia baloratzera bideratzen gaitu, eta hain da garrantzitsua hori.

Off-eko ahotsa natural entzuten da bideoan. Nahita egin zenuen lokuzioa horrela?

Soinua irudia bezain garrantzitsua da, edo baliteke garrantzitsuagoa izatea. Zerbait goxoa egin nahi nuen, hitz bakoitzari sentimendu bat emanez, pausa edo intentsitate ezberdinak jarriz. Azkenean, abesti edota poema baten antzera, zelan abestu edo irakurtzen den, eragin ezberdinak izan ditzake norberarengan.

Telefonoak kamera oso ona behar al du horrelako bideo bat egiteko?

Ez. Garrantzitsuena zerbait eragitea da, ona edo txarra, baina sentimendu bat probokatzea. Berdin da merkatuko azken kamera izatea edota pixelak ikusten diren telefonoko kamera bat; mezuan dago garrantzia.

Australiako zer tokitakoak dira bideoan ikusten diren irudiak?

Txuri beltzezko argazkiak Surfers Paradisekoak dira, eta kolorean daudenak Springbrook National Park, Tamborine National Park eta Natural Bridge.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Aritxulegiko gaina, Nafarroa eta Gipuzkoa artean. ©

Nafarroako Gobernuak «jarrera zuhurra» du lurraldeen arteko joan-etorriekin

Berria

«Autonomia erkidego guztiek dute lurralde mugakideen artean mugitzeko helburu bera, baina litekeena da erritmoa berbera ez izatea», esan du Javier Remirez gobernuko bozeramaileak. Salvador Illa Espainiako Osasun ministroak atzo esan zuen hirugarren fasea bukatu arte ezingo dela autonomia erkidego batetik bestera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Nabarmen goratu da izurriak eragindako heriotzen kurba

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Pedro Sanchez Espainiako presidentea, gaurko lehen agerraldian, Kongresuan. ©J. J. Guillen / EFE

Espainiako Kongresuak larrialdi egoeraren seigarren luzapena onartuko du gaur

Paulo Ostolaza

Ekainaren 21 arte luzatuko dute; printzipioz, azken aldiz. Sanchezek iragarri duenez, «hirugarren fasean sartzen diren autonomia erkidegoetan hango presidenteak erabakiko du nolakoa izango den fase hori».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna