JAUZI KUANTITATIBOA

Googleren iragarpenak bultzada handia eta erabakigarria emango dio konputazio kuantikoari, adituen arabera. Hona egoera ulertzeko galdera gakoak.

Zer da nagusitasun kuantikoa? Nagusitasun kuantikoa lortuko da ordenagailu kuantiko batek operazio bat egiten duenean ezinezkoa litzatekeena munduko ordenagailu klasikorik indartsuenarentzat.

Zer lortu duela esan du Googlek? 54 qubiteko ordenagailu bat egin du. Makina horrek hiru minutu eta 20 segundoan egin du operazio bat, munduko ordenagailurik azkarrenak —gaur, IBMren Summit— 10.000 urtean egingo lukeena.

Zer egin dezake hobeto ordenagailu kuantiko batek?

•Big Data aztertu.

•Simulazioak. Adibidez, klima eta eguraldia hobeto aurreikusteko.

•Kriptografia. Esaterako, komunikazioen sekretu eta pribatutasunerako.

•Gai kimiko eta material sintetiko berriak diseinatzen lagundu; besteak beste, botikak.