Albistea entzun

Alaves 2-0 Levante

Altzairua itzuli da

Joko handirik ez egin arren, Alavesek merezita irabazi dio Levanteri, eta bolada txarra eten du. Europako postuetan da
Alaveseko zaleek hilkutxa batekin irudikatu zuten futbolaren heriotza.
Alaveseko zaleek hilkutxa batekin irudikatu zuten futbolaren heriotza. A. R. H. / EFE Tamaina handiagoan ikusi

Imanol Magro Eizmendi -

2019ko otsailak 12

Alaves. Pacheco, Duarte, Laguardia, Maripan, Ximo Navarro; Brasanac (Manu Garcia, 73.min.), Wakaso; Pina, Jony, Inui (Rolan, 88. min.) eta Calleri (Baston, 90.min.).

Levante. Aitor, Luna (Owamena, 85. min.), Vezo, Cabaco, Coke, Jason; Doukoure, Vukcevic (Bardhi, 60. min.), Morales; Simon (Mayoral, 67. min.) eta Roger.

Golak. 1-0. Laguardiak (23. m.); 2-0 Jonyk (93.m).

Epailea. Undiano Mallenco. Txartel horiak: Alaveseko Pinari, Laguardiari eta Brasanaci; eta Levanteko Cabaco eta Lunari.

Bestelakoak. 13.691 ikusle Mendizorrotzan. Lehen bost minutuetan harmailak ia hutsak egon ziren ikusle gehienek astelehenetan futbola egotearen aurkako protestaldian parte hartu zutelako. Zale talde batek harmailetako buelta osoa egin zuen hilkutxa bat bizkarrean hartuta futbolaren heriotza irudikatzeko.

Alaves arrastora itzuli da, sasoi hasierako bide onera. Azken hiru asteetako emaitza eta joko bolada txarra alboratu, eta nagusitasunez irabazi zion atzo Levanteri. Nagusitasunez bai, azken txanpara arte ez zuelako gehiegi sufritu, baina beste munduko distirarik egin gabe. Abelardoren Alaves horrelakoa baita, altzairuzkoa, sendoa baina astuna, eta geldikako jokaldi bat baliatu zuen irabazteko. Garaipenak balio moral garrantzitsua du, burua altxatzeko, baina sailkapena pragmatikoa da, eta Gasteizko taldea Europa Ligako postuetara itzuli da.

Alavesek partida oso serioa jokatu zuen. Bere bertute eta gabezien erakustaldia egin zuen. Levanteri ez zion konbinatzen utzi, jokoa zelai erdian trabatuz, eta Morales kapitain sutsuaren korrikaldiak izan ziren arriskua sortzeko modu bakarra. Etxekoen aldetik, beste behin, Calleri izan zen iparrorratza, eta hura aurkitzeko bidea hegalak eta geldikako jokaldiak. Horrela iritsi zen lehen sustoa (15.min), aurrelariak langara bidalitako burukadarekin, eta Callerik berak eta Inuik baliatu ez zuten aldaratze banarekin. Japoniarrak lehen partida zuen, eta maila ona eman zuen. Zerbait ezberdina emango dio taldeari.

Gola geldikako jokaldi batean iritsi zen, korner batean (23. min.). Jonyk eskularrua du ezker oinean eta bere erdiraketa itxia Laguardiak buruz bidali zuen sareetara, bigarren zutoinean jauzi handia egin ondoren. Irten beharrean, Aitor Fernandez atezain arrasatearra atepean gelditu zen, eta gola erraztu zuen.

Alavesek nahi zuen tokian zuen partida, eta kontrolpean hartu zuen. Levantek jokoa sortzeko dituen arazoak agerian gelditu ziren, eta hark ere geldikako jokaldietan bakarrik sortu zuen arriskua bigarren zatian, baina ez askorik, etxekoek ondo zaindu zituztelako. 2-0ekoa Jonyk sartu zuen, 93.minutuan, Levanteren atzeko lerroaren opari handia baliatuta.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Iker Muniain eta Leo Messi, Athleticeko eta Bartzelonako kapitainak, Cartuja estadioan, atzo, kopa atzean dutela. ©ESPAINIAKO FUTBOL FEDERAZIOA

Debekatua beste bat galtzea

Aitor Manterola

Athleticek 25. aldiz irabazi nahi du gaur Espainiako Kopa, eta, horretarako, Bartzelonari irabazi beharko dio Sevillan. Azkenekoz 1984an lortu zuen, eta ordutik jokatu dituen lau finalak galdu egin ditu
 ©BERRIA

Bihotzerrea sendatzeko bi hamaikako

Berria

Bartzelonak superkopa galdu zuen Athleticen kontra, duela hiru hilabete, eta Athleticek kopako finala, Realaren kontra, orain bi aste. Galdutako finalen bihotzerrea kitatzeko prest aterako dira bi taldeak zelaira, borrokara.

Jon Ander Albisu eta Jose Javier Zabaleta.  <br />
<br /> ©IÑIGO URIZ / FOKU

«Atzelarien txapelketa da hau»

Julen Etxeberria

Fernando Goñik finalerdietako lau atzelariak aztertu ditu. Jose Javier Zabaleta eta Jon Ander Albisu nabarmendu ditu, eta haien arteko finalaren alde egin du.

San Mames estadioa. ©Luis Tejido / EFE

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.