Albistea entzun

Bizimodu digitalari buruzko 'Sarean' irratsaioa egingo du Puntueusek

Euskadi Irratian aireratuko dute datorren igandetik aurrera, Leire Palaciosek aurkeztuta
Harkaitz Cano idazlea, Leire Palacios aurkezlearekin, igandean entzungo den <em>Sarean</em> saioaren lehen atalean.
Harkaitz Cano idazlea, Leire Palacios aurkezlearekin, igandean entzungo den Sarean saioaren lehen atalean. PUNTUEUS Tamaina handiagoan ikusi

Edu Lartzanguren -

2017ko uztailak 7 - Donostia

«Teknologia lurrera ekartzeko saioa» izango da Sarean, Leire Palacios aurkezlearen arabera. Puntueus fundazioak eta Euskadi Irratiak elkarlanean sortu dute saioa, eta teknologiak eta Internetek gure bizimoduan eta kulturan duten eragina aztertuko du.

Ingurune digitalari buruzko Sarean.eus webgunea duela urtebete sortu zuen Puntueus fundazioak, euskaraz Xataka.com eta halakoen pareko gunerik ez zegoelako. «Orain, aukera ikusi dugu guneak egin duen bidea irratira eramateko eta publiko orokorrago batentzat egiteko», esan du PuntuEuseko Lorea Arakistainek.

Leire Palaciosek aurkeztuko du saioa. Lau urte daramatza Euskadi Irratian Amarauna saioan kolaboratzen, literaturaz mintzatzen. Horrez gain, aurten Irakurrieran saioa gidatzen hasi da, Gotzon Barandiaranekin, Bizkaia Irratian. PuntuEus Fundazioaren proposamena jaso zuen Palaciosek. «Askatasuna izan dugu formatua erabakitzeko», esan du.

Literaturatik teknologiara pasatuko da Palacios, beraz. Entzuleei oharra egin nahi die: Sarean ez da saio tekniko bat izango, baizik eta egunerokotasun digitalaren ingurukoa. «Gaur teknologiak dena zeharkatzen du, edonon dugu: kultura, musika, literatura, eguneroko bizitza, erosketak... Gure bizitzaren esparru guztietan dago», esan du.

Harkaitz Cano, lehena

Hainbat atal izango ditu saioak, baina astero gai baten inguruan antolatuko da, eta, lehena, literaturari buruzkoa izango da, Harkaitz Cano idazlearen laguntzarekin. Idazleak eta aurkezleak interesa dute Kenneth Goldsmith poetaren idazketa ez-sortzailea kontzeptuan. Horren adibidea litzateke Googleren bilaketak erabiltzea poesia sortzeko. «Testu guztiak dagoeneko sarean daude, eta aukera duzu horietan oinarritzeko beste zerbait gauzatzeko», azaldu du Palaciosek.

Gaiaren arabera aldatuko da asteroko gonbidatua. «Kalekoa eta gertukoa izango da saioko tonua, eta urruneko gaiak ulertzeko moduan azalduko dira», adierazi du aurkezleak.

Gonbidatua elkarrizketatzeaz gain, albisteak emango dituzte eta Sarean.eus guneko kudeatzaileak ere parte hartuko dute. Baita .eus domeinua duten guneetako ordezkariak.

Saioaren amaieran, gainera, «zerbitzu teknikoa» eskainiko dute. Entzuleek ordenagailuarekin, telefonoarekin, Twitterrekin edo Whatsappekin dituzten arazoak konpontzeko ideiak eskainiko ditu Rafa Bañales Euskalteleko adituak. Sarean.eus-eko adituak ere arituko dira saioan, baina binaka, Arakistainek azaldu duenez.

Hamar saio egingo dituzte hasiera honetan. «Gure erronka oso ondo egitea izango da, luzatzeko aukera sortzeko», esan du Arakistainek. Musikak garrantzi handia izango du, eta «euskal musika» izango dela aurreratu du Palaciosek. Sarean, igandean, 15:00etatik 16:00etara.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Erroiz olio enpresako kideak, Oinatz Bengoetxea pilotari ohia erdian dutela, atzo. ©JAIZKI FONTANEDA / FOKU

Urre berdearen zukua dastagai

Unai Etxenausia

Lantziegoko Erroiz olio enpresak oliba olio birjina estra berria aurkeztu du. Aurten, Bengoetxea pilotari profesional ohia gonbidatu dute Sustraiak zuku izarra dastatzera.
Txantxangorri bati eta onddo bati sakelakoarekin egindako argazkiek Merlin eta Mushtool aplikazioetan egindako bidea. ©BERRIA

Natura poltsikoan

Enekoitz Telleria Sarriegi

Geroz eta gehiago dira natura behatzen eta ulertzen laguntzen duten sakelako aplikazioak. Behatu litezke mendiak, onddoak, hegaztiak, landareak, zeruak... eta bahetu litezke ondoren behaketak. Adituek diote erabilgarriak, errazak eta herritarrak zientziara hurbiltzeko lagungarriak direla, baina tentuz erabiltzekoak ere bai, ez dutelako beti bete-betean asmatzen.
Jose Ignacio Jauregi —eskuinetik hasita bigarrena—, lankideekin, Michelin izar berdea esku artean dutela. ©IÑIGO URIZ / FOKU

«Ongi elikatutako txerriek zapore hobea dute»

Amaia Jimenez Larrea

Lekunberriko Maskarada jatetxeak Michelin izar berde bat lortu du orain gutxi. Jatetxearen jasangarritasuna saritu dute, 'euskal txerri' izeneko arraza nola tratatzen duten aintzat hartuta.
 ©TAMARA ARRANZ

Ez ote da beranduegi autoeskolarako?

Mikel Yarza Artola

Borja Cobeagak 'No me gusta conducir' telesaila estreinatu du, gidabaimena 40 urterekin atera nahi duen gizon baten inguruko komedia

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.