Albistea entzun

Goienak 'Hurretik' elkarrizketa saioa estreinatuko du gaur gauean

Bihar erreportaje landuen sorta berri bat ematen hasiko dira; lehena bikiei buruzkoa izango da
Kepa Errasti aktorea elkarrizketatuko dute bihar <em>Hurretik</em> saioko aurreneko atalean.
Kepa Errasti aktorea elkarrizketatuko dute bihar Hurretik saioko aurreneko atalean. GOIENA Tamaina handiagoan ikusi

Urtzi Urkizu -

2018ko martxoak 7

Debagoiena eskualdeko pertsonen (Gipuzkoa) jarduna gertutik ezagutzeko asmoz, Goiena telebistak Hurretik elkarrizketa saioa estreinatuko du gaur, 21:00etan —23:00etan berriro emango dute—. Julen Iriondo kazetariak aurkeztuko du programa, eta ikusleak harekin batera ezagutu ahalko ditu protagonistak. Aurreneko protagonista Kepa Errasti aktorea (Aretxabaleta, Gipuzkoa, 1981) izango da. Errastik azkeneko hilabeteetan Xake Produkzioak taldearen Mami Lebrun antzezlanean parte hartu du, eta lan horrek XVIII. Donostia antzerki saria irabazi du —hilaren 27an emango diete saria, eta egun horretan Viktoria Eugenia antzokian antzeztuko dute—.

Oihane Agirre Goiena telebistako zuzendariak iragarri du pertsonak «gertuago» ezagutzeko aukera emango duela saio berriak. «Errasti ezaguna da, baina datozen asteetako protagonista asko herrian ezagunak izan daitezke, baina ez oso ospetsuak». Aitor Montes Aramaioko (Araba) medikua eta Itziar Arkauz Oñatiko (Gipuzkoa) pailazioa izango dira elkarrizketatuetako batzuk.

Berrikuntza gehiago ere prestatu ditu Goienak egunotarako; bihartik aurrera «dokumental itxurako gertuko erreportajeak» emango dituztela iragarri du Agirrek. Ostegunean, bikiei buruzko Biki bizi lana estreinatuko dute, 21:30ean —23:30ean berriro ikusi ahalko da—. Hainbat galderari erantzuten saiatuko dira erreportajean: Nola sortzen dira bikiak? Genetikoki berdinak izateak badu eraginik euren izaeran? Zer-nolako lortura dute euren artean? Biki batzuk hizketan azalduko dira, eta tartean izango dira Arrasateko (Gipuzkoa) Mikel eta Aitor Orobengoa.

Datozen asteetan iritsiko diren erreportajeen artean, Urkulu urtegia egin aurretik auzo horretan zeuden baserrien eta herritarren istorioak jasoko dituzte Hura zen Goroeta lanean —Loriamendirekin elkarlanean egin dute—. Leintz ibarreko nerabeen artean drogaren kontsumo ohiturak nolakoak diren aztertuko dute Drogak nerabezaroan erreportajean. San Juan de Dios ospitalea (Arrasate) eta Uda kirol elkartea egiten ari diren lanketari buruzko erreportaje bat ere emango dute.

'Barru' kirol erreportajeak

Kirolarekin lotutako programazioan, bestalde, berrikuntza bat iritsiko da hilaren 22an: #HRMT saioaren lekukoa hartuko du Barru programak. Bertan, askotariko kirol erreportajeak aurkeztuko ditu Xabier Urzelai kazetariak. Aurreneko atalean, Debagoieneko eskalatzaileekin egongo da Urzelai.

Bihar, era berean, Kulturrizketak saioaren atal sorta berri bat emititzen hasiko dira. Biharko atalean, Zuriñe Hidalgo eta Amancay Gaztañaga ariko dira solasean aurrez aurre.

Harira saioan, herriz herriko mahai inguruekin hasi ziren atzo gauean. Udalekin lotutako gaiez eztabaidatuko dute astero, Eneko Azkarate aurkezleak gidatuta.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©MONIKA DEL VALLE / @FOKU

«Euskaraldia oso neorrealista da»

Urtzi Urkizu

ETB1ek 'Dailobit' saioaren bigarren atala emango du gaur, Euskaraldian izandako bizipenekin. Rutak Leire Palaciosekin batera aurkezten du programa. «Naturaltasunez agertzen saiatzen naiz».
Filip Albor, Amaia Karrere eta Arantxa Hirigoien, <em>Ttinka</em> disko-liburuaren egileak. ©MATHIEU HARANBURU/ BELARRI

«Ikusi dut gauza gutirekin anitz pasarazten ahal dela»

Ainize Madariaga

'Ttinka' disko-liburua plazaratu du Hirigoienek, Filip Albor eta Amaia Karrerekin batera.Ttipitik «on» denez kantuak eta ipuinak euskaraz entzutea, haurren beharretara egokitu dute obra.
Jon Zabaleta, HernaniKomik azokan emandako Joseph Camino saria eskuetan duela. ©JON URBE / FOKU

«Marrazteak goizero jaikitzen laguntzen dit»

Enekoitz Telleria Sarriegi

Trazu ezberdin asko dituen bineta erraldoi bat da Zabaletaren bizitza, marrazkiz zirriborratu duena. Hernani bere jaioterrian saritu dute, eta euskal komikiari egindako ekarpena aitortu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...