Googlek kazetaritza enpresa handiei laguntzeko egitasmo bat abiarazi du

243 milioi euro inbertituko dituzte, harpidetzak egiten lagundu eta albiste faltsuei aurre egiteko
Richard Gingras, Google Newseko zuzendaria.
Richard Gingras, Google Newseko zuzendaria. BERRIA Tamaina handiagoan ikusi

Urtzi Urkizu -

2018ko martxoak 24

Google enpresak etekina atera ohi du kazetaritza enpresen edukien kontura; haien beharra du, neurri batean, eta asteon egitasmo handinahi bat aurkeztu du munduko egunkari handi batzuei laguntzeko. Google News Initiative izeneko egitasmoaren bitartez, enpresak «kalitatezko kazetaritza» indartu nahi du. Negozio eredu berriek hazkuntza «iraunkorra» izatea nahiko luke, eta hedabideei eskura jarriko dizkiete berrikuntza teknologiko batzuk.

Googlek egitasmo horrekin lotutako zerbitzu ugari jarriko ditu martxan; Subscribe with Google da horietako bat. Horren bitartez, erabiltzaileek zuzenean erosi ahalko dute hedabide baten harpidetza, kontuari lotutako datu pertsonalak erabiliz. Konpainiak hedabideen posizionamendua eta fidelizazioa erraztu nahi ditu. Ameriketako Estatu Batuetako Washington Post eta Miami Herald egunkariak hasi dira zerbitzua erabiltzen —Googlen profila, harpidedunaren kontua eta aukeratutako ordainketa modua integratzen dira klik bakarrean—. Modu horretan, erraztasunak ematen dituzte sakelako telefonoen erabiltzaileentzat.

Bestalde, harpidedun berriak lortzeko, Googlek irakurleen jokabidea antzemateko tresna bat jarri du hedabideen eskura: Propensity to subscribe izeneko tresnak inteligentzia artifiziala erabiltzen du horretarako.

Gaur egun, denbora urrea da sakelako telefonoen erabiltzaileentzat. Albiste bat kargatzeko denbora asko pasatzen baldin bada, arriskua dago irakurleak beste norabait jo dezan. Hartara, Googlek Accelerated Mobile Pages sistema sortu du, informazioa bizkor kargatzeko eta erabiltzaileek ez ditzaten hamar segundo baino gehiago itxaron behar albistera iristeko. Sistemak Stories izeneko aukera emango dio irakurleari; denbora laburrean, irakurleak irudiz eta bideoz osatutako diaporamak ikus ditzake bertikalean.

Albiste faltsuak

Doako hedabideei zuzenduta, inteligentzia artifizialeko aplikazio bat sortu dute, informazioari lotutako publizitatea filtratu eta hautatzeko. Bulletin aplikazioa sortu dute tokian tokiko hedabideentzat, «komunitatea sortzeko» xedez. Tresnak herritarren parte hartzea errazten du, sakelako telefonoaren bidez bereziki.

Googleko arduradunek ohartarazi dute gero eta zailagoa dela Interneten zer den egia eta zer ez bereiztea. Konpainiak iragarri du sistemak prestatu dituela azken orduko albisteen egoerak ezagutu eta «iturri fidagarriei» lehentasuna emateko. Googlek Disinfo Lab proiektua abiarazi du Harvardeko Unibertsitatearekin batera, hauteskunde garaian eta azken orduetan informazio faltsuei aurre egiteko.

Googlek Outline izeneko tresna ere aurkeztu du. Kazetariei Interneterako sarbide segurua emateko da, eta VPN zerbitzari baten konfigurazioa errazten du.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Pilotazale batzuk maskararekin, uztailaren 4an Labriten. / ©Idoia Zabaleta, Foku

Maskara beti jartzera derrigortzea aztertzen ari da Nafarroako Osasun Departamentua

Berria

Gutxieneko distantzia mantenduta ere neurri hori ezartzea aztertzen ari da, azken agerraldien joera eteteko.

Iruñerko Nabarreria kalea asteon. ©Iñigo Uriz / FOKU

Iruñeko agerraldian 21 kasu atzeman dituzte

Amaia Ramirez de Okariz Kortabarria

Hego Euskal Herrian, guztira 64 positibo erregistratu dira azken orduetan. Eskoriatzan (Gipuzkoa) PCR proban positibo eman zuen gizonezko bat hilik aurkitu dute etxean.

 ©BERRIA

«Transmisio komunitario bat daukazunean, ezin da telefono bidez kudeatu»

Jon Ordoñez Garmendia

Epidemia betean harrapatu dute hauteskundeek Ordizia, eta kezkatuta dago Ezenarro. Arriskuaz ohartarazi arren, neurri bereziak hartuta egingo dituzte bihar. Erakundeen babesa eta mahai tekniko bat sumatu ditu faltan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna