Noiz sortua: 2017-03-29 00:30:00

Tokikomeko edizio digitaletako edukiak 'Gurean.eus'-en, une oro

Euskarazko komunikabide digital berriak gertuko errealitatearen «leiho globala» eskaini nahi du
Tokikomek iragarri du sakelako telefonoetako diseinuak izango duela lehentasuna <em>Gurean.eus</em>-en.
Tokikomek iragarri du sakelako telefonoetako diseinuak izango duela lehentasuna Gurean.eus-en. TOKIKOM Tamaina handiagoan ikusi

Urtzi Urkizu -

2017ko martxoak 29

Euskarazko hedabide digital berri bat sortu du Tokikomek, toki komunikabideen bateraguneak: Gurean.eus. Euskal Herriko gertuko errealitatearen «leiho globala» izatea du helburu, Tokikomen arabera, eta sarean dagoen elkarlanerako gune irekia ere izan nahi du; gai bakoitzaren gainean hainbat komunikabidek sortutako kronika eta analisiei zein Tokikom osatzen duten komunikabideen irakurleen eta erabiltzaileen iritzi eta ekarpenei irekia egingo da. Gurean.eus-ek Tokikom osatzen duten 60 komunikabideen edizio digitalek sortutako albiste guztiak bateratzen ditu, komunikabide jeneralisten ohiko sailetan antolatuta: Gizartea, politika, ekonomia, kultura, kirolak, ekitaldiak, hezkuntza, euskara eta iritzia.

Alaitz Artolazabal Tokikomeko zuzendariak nabarmendu du edukien biltzaile bat eskaini nahi dutela hedabide digital berriarekin: «Abiapuntua sinplea da: Tokikomeko toki komunikabideen sarean informazio kopuru erraldoiak sortzen ditu egunero. Gurean.eus-en atzean dagoen ideia da herriz herri, auzoz auzo sortutako eduki hori guztia batu eta erakusleiho berri batean erakustea, tokiaren arabera bainoago, gaiaren arabera ordenatuta». Hartzaileari begirako proposamena da. «Hedabide berriarekin egunerokotasunaren ikuspegi guztiz ezberdina erakutsi ahal izango diogu publikoari, gertutasunean oinarrituta, ohiko hedabideen agendatik kanpo gelditzen diren gaiak azaleratuz». Artolazabalek hedabide berriaren sorrerarekin emandako pausoa nabarmendu du: «Gure mundua, ikuspuntua eta ideiak handiago egin nahi ditugu, guztion artean integratzaileagoa eta hobeto informatua den oraina eraikitzeko».

Nahiz eta hedabide digitala edozein gailutan irakur daitekeen, Tokikomeko iturriek adierazi dute lehen diseinua eta lehentasunezkoa sakelako telefonoetarako izango dela. Edonola ere, tableten eta mahaiko ordenagailuen bidez irakurtzeko ere prestatua dago Gurean.eus.

Era berean, edozein tokiko komunikabidek bere webgunean Gurean.eus txertatzeko aukera emango dute, azaleko edukiarekin edo atal jakin bateko edukiarekin (https://gurean.eus /info/widget/).

Artolazabal pozik azaldu da hedabide digital berriak ematen dituen aukerekin: «Gurean-i esker, hainbat komunikabidetan sortzen diren albisteak eta haien tratamendua ia momentuan jarraitzea ahalbidetzen digun tresna boteretsua daukagu, zeharka nolakoak garen, nola pentsatzen eta sentitzen dugun ere erakutsiko diguna».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Koronabirusaren azken datuak

Koronabirusaren azken datuak

Berria

Euskal Herrian 12.944 gaixok eman dute positibo koronabirusaren proba eginda. 846 hil dira. COVID-19 gaitza izandako 4.601 pertsonari eman diete alta. Grafikoak, albiste barruan.

Lesbos irlan lehorreratutako errefuxiatu talde bat, Mitileneko portuan. ©ORESTIS PANAGIOTOU / EFE

Italiak portuak itxi dizkie erreskate ontziei

Berria

Italiako Gobernuak herrialdean lehorreratzeko debekua ezarri die Mediterraneoan migratzaileak erreskatatzen dituzten ontziei. «Osasun larrialdiak irauten duen bitartean, ezin dira oinarrizko baldintzak bermatu», adierazi dute.

Irakasleak azterketa batean, Barakaldoko BECen. ©Monika Del Valle, FOKU

Eusko Jaurlaritzaren hezkuntza lan deialdiak bertan behera utzi dituzte

Ainhoa Larretxea Agirre

Data berririk zehaztu ez badu ere, Uriartek erran du zaila iruditzen zaiola azterketak uda aitzinetik egitea.

Bruno Le Maire Frantziako Ekonomia eta Finantza ministroa eta Wopke Hoekstra Holandaka, Eurotaldearen aurreko bilera batean ©Olivier Hoslet (Foku)

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna