Albistea entzun

Hiru ideia websail baterako

Maialen Sorzabalbere, Andoni Imaz eta Kepa Errasti dira Nex Station egitasmoko finalistak
Maialen Sorzabalberek eta Amaia Rojok «aniztasunaren edertasuna» ospitale batean girotu nahiko lukete.
Maialen Sorzabalberek eta Amaia Rojok «aniztasunaren edertasuna» ospitale batean girotu nahiko lukete. BERRIA Tamaina handiagoan ikusi

Urtzi Urkizu -

2018ko martxoak 13

4K teknologian —goi bereizmenaren kalitatea lau aldiz hobetzen du— euskarazko telesail digital bat estreinatuko dute udazkenean, Next Station egitasmoaren bigarren deialdiari esker. Eiken ikus-entzunezko klusterrak eta EITBk sustatu dute egitasmo hori, eta Develop HUB, Media Attack eta J.O.K. Films ekoizpen etxeek koordinatzen dute. Aurkeztu diren proiektu guztien artetik, hiru finalisten ideiak hautatu dituzte: Maialen Sorzabalbere, Andoni Imaz eta Kepa Errastirenak.

Hilaren 26tik 29rako egonaldi bat antolatu dute hiru finalistentzat, Bilbon. Websaila idazten ariko dira, koordinatzaileen laguntzarekin. «Halaber, Euskal Gidoilari Elkarteko Joanes Urkixo etorriko da laguntzera», azaldu du Jokin Etxeberria Next Station-eko koordinatzaileak. «Hiru finalisten artetik bat aukeratuko dugu, eta horrek beste egonaldi bat eginen du Donostiako Tabakaleran. Han garatuko du websaila, gidoilari baten eta gure laguntzarekin».

Finalista bakoitzaren ideiak bere ezaugarri propioak ditu. Imazen ideia honako hau da: unibertsitateko bi ikasle musika talde bat sortu nahian dabiltza, baina hirugarren bat falta dute. Hirugarren laguna aurkitu ostean, taldearen helburua maketa bat grabatzea izango da. Baina dirurik ez dutenez, kontzertuak emango dituzte Euskal Herri osoan. Bidean hainbat arazo izango dituzte, eta tartean umorezko zipriztinak egongo dira.

Errastik, berriz, guraso izatera doazen zortzi pertsonaiaren istorioa kontatu nahi du: Antropologia ikasle batek ikerketa bat egin nahi du familia izatera doazen lau bikote euskalduni buruz. Bikoteei kamera aurreko elkarrizketak egiteaz gain, haien eguneroko bizitzan sartuko da.

Sorzabalberek Amaia Rojorekin batera landu du ideia, eta ospitale batean girotuko da istorioa: lau gaixo koman daude. Horien senideak ospitalean daude. Familia horien artean liskarrak izango dituzte hasieran, baina apurka-apurka konturatuko dira gaixo dauden lau pertsonek ezkutuko loturaren bat dutela elkarrekin.

Sorzabalberek esan du ez zuela espero Next Stationeko finalista izatea. «Ezin sinetsita», baina pozik mintzatu da: «Ospitaleko istorioan genero guztiak sartzeko aukera egon daiteke. Aukera polita izan daiteke, era berean, aniztasunaren edertasuna islatzeko». Familia protagonisten artean, haur baten bi ama daude, guraso gor-mutuak dira beste bi, beste familia bat ijitoa da, eta laugarrenean aita gizon hantuste bat da. Ez dute balizko aktore guztiengan pentsatu, baina sortzaileen ametsa litzateke Itziar Ituño eta Miren Gaztañaga lotzea.

Hiru finalisten artean irabazle atera ala ez, Sorzabalberek nabarmendu du egitasmoaren sustatzaileek bultzada emango dietela proiektua garatzeko. «Asko eskertzen da hori».

Sorzabalberek iragarri du, bestalde, antzerkia eta ikus-entzunezkoen mundua uztartzen duen proiektu bat ari dela lantzen, Mikel Irazustarekin batera. Barrexerka izena jarriko diote.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©MONIKA DEL VALLE / @FOKU

«Euskaraldia oso neorrealista da»

Urtzi Urkizu

ETB1ek 'Dailobit' saioaren bigarren atala emango du gaur, Euskaraldian izandako bizipenekin. Rutak Leire Palaciosekin batera aurkezten du programa. «Naturaltasunez agertzen saiatzen naiz».
Filip Albor, Amaia Karrere eta Arantxa Hirigoien, <em>Ttinka</em> disko-liburuaren egileak. ©MATHIEU HARANBURU/ BELARRI

«Ikusi dut gauza gutirekin anitz pasarazten ahal dela»

Ainize Madariaga

'Ttinka' disko-liburua plazaratu du Hirigoienek, Filip Albor eta Amaia Karrerekin batera.Ttipitik «on» denez kantuak eta ipuinak euskaraz entzutea, haurren beharretara egokitu dute obra.
Jon Zabaleta, HernaniKomik azokan emandako Joseph Camino saria eskuetan duela. ©JON URBE / FOKU

«Marrazteak goizero jaikitzen laguntzen dit»

Enekoitz Telleria Sarriegi

Trazu ezberdin asko dituen bineta erraldoi bat da Zabaletaren bizitza, marrazkiz zirriborratu duena. Hernani bere jaioterrian saritu dute, eta euskal komikiari egindako ekarpena aitortu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...