Muak, mugak askatzeko

«Ezkutuko gaiak» euskaraz lantzen dituzte 'muak.eus' webgunean, bideo, afixa eta testuetan
Yago Garbizuk zuzendutako <em>Nahia, izan nahi duzuna</em> bideoaren grabazio lanak.
Yago Garbizuk zuzendutako Nahia, izan nahi duzuna bideoaren grabazio lanak. MUAK Tamaina handiagoan ikusi

Izaro Zinkunegi Barandiaran -

2018ko apirilak 3

«Mugak askatu» nahi ditu Muak-ek. Martxan jarri berri duten plataforma digitala da muak.eus. «Ezkutuko gaiak» azaleratzeko asmoz lanean ari diren sortzaileak dira proiektuaren bultzatzaileak, eta euskarazko edukiak ekoizten dituzte: bideoak, elkarrizketak, marrazkiak...

«Muak-ek maite du pentsatzea aurreiritzien aurkako eginahalean eragiten duela, baliagarria dela askatasun eremuetan, eta eraginkorra pentsamendu globalen kontra. Horregatik, mugak askatu da gure leloa». Hala azaldu du proiektuko kide Julien Douilhac youtuberrak. Muak-eko kidea den Maiana Agorrodi ilustratzailearen ustez, «muga mentalak» dira askatu beharrekoak. Ezkutuan dauden edo ezezagunak diren gaiak lantzen dituzte; identitatea edo legez kanpoko artea, esaterako.

Belaunaldi berrientzako edukiak lantzen dituzte, baina hartzailea edonor izan daitekeela azaldu dute. «Publikoak ere parte hartzen du proiektuan, mugak askatuz, aurreiritziak zulatuz, hausnarketak bultzatuz eta ondo pasatuz», azaldu du Agorrodik.

«Profesionalek eta kaleko jendeak» osatzen dute Muak. Euskal Herri osoko jendeak eta esparru ugarikoak hartzen du parte: ekoizpen etxeek, youtuberrek, kaleko jendeak, agentzia digitalek, telebista edo zinemako jendeak, zuzendariek, teknikariek... «Ateak irekiak ditu euren iritziak azaltzeko gogotsu dauden euskaldunentzat».

Lau euskarri erabiltzen dituzte: bideoak, idatziak, marrazkiak eta bideo elkarrizketak. Marrazkien atala Agorrodik jorratzen du; idatziena, berriz, Jon Garmendia Txuriya olerkari eta kazetariak.

Urpeko ontzia

Euskal Herriko hainbat errealizadorek egiten dute lan bideoen ekoizpenean. Muak-ek proposatutako gai bat lantzen dute. Bi bideo labur argitaratu dituzte oraingoz: identitateari eta arte ilegalari buruzkoak. Yago Garbizuk eta Diego Urrutxik zuzendu dituzte, hurrenez hurren. Gaiak zuzenean eragiten dien pertsona bana aurkezten dute. Punka landuko dute hurrengo alean.

Euskal Herriko pertsona ezagunak elkarrizketatzen dituzte bideo elkarrizketen atalean. Galdera laburrei erantzuten diete. Fermin Muguruza musikaria izan da lehenengoa, eta Eneko Sagardoi aktorea, berriz, bigarrena.

Urpeko ontzia da Muak-en irudia. «Zoritxarrez, urpeko ontzia famatua da arma industrian. Muak-ena esploratzaileena da. Haren xedea mundu desberdinak hobeto ezagutzea da, baita bizitzeko modu desberdinak deskubritzea, azalera ekartzea eta agerraraztea ere», esan du Douilhacek. Haren ustez, konektatua dago ontzia munduarekin, antenekin, sareekin eta bizitzarekin.

Interneteko plataforma da Muak oraingoz, baina kalean ere badu presentzia, «muakzaleen kopurua ospatzeko hor zehar egindako grafitietan». Ordea, proiektua hori dena baino handiagoa dela esan du Agorrodoik: «Ziurrenik hainbat tokitan topatu ahal izango da etorkizunean».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©ANDONI CANELLADA / FOKU

«Handikeria anbizioa duenak asebete dezala kazetari hasi aurretik»

Enekoitz Telleria Sarriegi

Kroniken kontrakronikekin, Merinok 'Lo que puedo contar' liburua ondu du, kontatu nahi bai baina premiek eta presek kamustu zizkiotenekin: 42 urteko eskarmentua, hainbat herrialde eta 'bacalao'-ren istorioa.
Euskal Sagardoa jatorri izeneko arduradunak eta sagardogileak, atzo, Donostian egindako aurkezpenean. ©GORKA RUBIO / FOKU

Mahaira eta pitxerrera bueltan

Enekoitz Telleria Sarriegi

Otsailaren 5ean hasiko da ofizialki 2021eko sagardo denboraldia. Sagardo berria botila eta pitxer gardenetan zerbitzatuko dute mahaira; ez da zutik eta joan-etorrian txotx egiterik izango. Guztia atondu dute horrela, sagardotegiak segi dezan «sozializatzeko eta gustura egoteko leku bat» izaten.
Jorge Monje eta Barbara Rivas, <em>Altsasu</em> telesaileko aktoreak. ©ETB

Milioi bat herritarrek ikusi dute uneren batean 'Altsasu' TV3en

Urtzi Urkizu

Baleukok ekoitzitako fikzioaren lehen atalak %22,7ko ikusle kuota lortu zuen Katalunian

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.