Albistea entzun

Errusiako lehiek 2.035 milioi euro ekarriko dute munduko publizitatera

Mediasetek partida guztiak emango ditu irekian: 64. TF1 kateak 28 norgehiagoka emango ditu
Zabivaca Munduko Kopako maskota bisitarien eta kameren arreta bereganatzen ari da egunotan.
Zabivaca Munduko Kopako maskota bisitarien eta kameren arreta bereganatzen ari da egunotan. JUAN HERERO / EFE Tamaina handiagoan ikusi

Urtzi Urkizu -

2018ko ekainak 13

Munduko Kopa jokatuko dute Errusian, bihar hasi eta uztailaren 15era bitartean, eta horrek eragin handia izango du herrialde askoren publizitate inbertsioetan. Kontuan hartu behar da 3.500 milioi ikus-entzule izango dituztela futbol partidek. Zenith enpresaren ikerketa baten arabera, 2018ko mundu osoko publizitate inbertsioak 2.035 milioi euro handiagotuko dira; aurtengo hazkundearen %10 futbol txapelketaren eraginez izango da. Errusian bertan, 54 milioi euro handituko dira publizitate sarrerak, eta futbol txapelketako inbertsioak alor horretan urte osoko %2,1 izango dira. Txinan, 708 milioi eurotan handituko dira publizitate inbertsioak. Ikerketaren arabera, egunkari salmentek gorantz egingo dute Munduko Kopak iraungo duen egunetan eta kirolarekin lotutako webguneetan dezente handituko da trafikoa.

BERRIAk ere arreta berezia jarriko du Munduko Kopan: egunero hiru-lau orriko kronikak eta erreportajeak argitaratuko ditu paperean —tartean, Amaia Agirreren eta Julen Gabiriaren iritzi artikuluak izango dira irakurgai—, eta webgunean atal berezi bat egongo da txapelketari eskainia. Bideoanalisiak ere ikusi ahal izango dituzte webgunearen bisitariek. Partiden informazio zabala eta emaitza guztiak aurkituko ditu irakurleak. Euskal Herrian jaiotako jokalariekin eta entrenatzaileekin egindako elkarrizketak ere argitaratuko dituzte.

Hamaika telebistan, Beñat Zarrabeitiak egunero analisi bat egingo du. Gurean gaur albistegian ikusi ahalko dira analisiak, eta partiden laburpenak ere emango dituzte.

Mediaset eta TF1

Araban, Bizkaian, Gipuzkoan eta Nafarroan Mediaset España taldeko telebista kateetan ikusi ahalko dira Munduko Kopako partida guztia. 64 partidak irekian, gainera. Tele5, Cuatro eta Be Mad kateetan zuzenean izango dira ikusgai partida horiek guztiak. Jardunaldi bakoitza bukatzen denean, Be Mad kateak Todo el Mundial en Mediaset saioa emango du. Lapurdiko, Nafarroa Behereko eta Zuberoako futbolzaleek, berriz, irekian 28 partida ikusi ahalko dituzte, TF1 katearen bitartez. Txapelketako 64 partidak ikusteko aukera BeIn Sport ordainezko katearen harpidedunek izango dute.

EITBko hedabideetan albistegietan eta kirol saioetan emango dute txapelketaren berri, baina ez dute bidaliko kazetaririk Errusiara.

Herrialde gehienetan telebistaz ikusiko dute Munduko Kopa, baina gero eta gehiago dira partidak Interneten ikusten dituztenak. Ofertia enpresaren inkesta baten arabera, Kolonbiako futbolzaleen %84k Interneten ikusiko dituzte norgehiagokak.

Bihar lehen partida jokatuko dute Moskun Saudi Arabiak eta Errusiak, 17:00etan. Telebistaz ikusi edo irratiko kontakizuna entzuteaz gain, BERRIAko kazetarien eta zutabegileen iruzkinak irakurtzeko aukera egongo da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Joker liburu dendako postua atzo, Getxoko Santa Eugenia plazan. ©OSKAR MATXIN EDESA / FOKU

Getxo gero eta japoniarragoa

Amaia Igartua Aristondo

Azkenaldian igo egin da mangarekiko interesa, eta Getxoko Komiki Azokako postuetan nabarmena da ildo aldaketa hori. Euskarazko komikiak ere gehiago egin eta saltzen dira.
Josette Dacosta margolariak mihiseak lurrean jarrita margotzen du. ©GUIILAUME FAUVEAU

Teklen bitartez emandako pintzelkadak

Ane Insausti Barandiaran

Adimen artifizialaren bidez, posible da ordenagailuari agindu bat eman eta hark obra bat sortzea. Hori artea ote den zalantzan jarri izan du, ordea, jendeak; hala gertatu da, adibidez, Coloradoko arte lehiaketa batean. Artista eta ikertzaileek esan dute pieza bat sortzea, fisikoki ez bada ere, artea egitea dela.
 ©JAIZKI FONTANEDA / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.