Albistea entzun

Athleticek Kopan sendatu nahi du Superkopako zauria

Zuri-gorriek final-zortzirenetako kanporaketa jokatuko dute gaur, Bartzelonaren kontra. Marcelinok aldaketak iragarri ditu hamaikakoan

Ainara Arratibel Gascon -

2022ko urtarrilak 20

Futbolaren legea da: porrot baten ostean, egun gutxira duzu arantza ateratzeko aukera. Athleticek Espainiako Superkopako finala galdu zuen igandean Real Madrilen aurka. Bada, gaur zauri hori sendatzeko aukera aproposa du, bere txapelketa kutunenean: Espainiako Kopan. Osagai guztiak ditu horretarako: etxean jokatzen du, eta aurkari handi baten kontra: Bartzelona.

Ia duela bi urte, 2020ko otsailaren 6an, San Mamesen bizitakoa errepikatu nahi dute. Partida amaitzear zela Williamsek sartutako gol bati esker, zuri-gorriek Bartzelona kanporatu zuten, eta Kopako finalerdietarako sailkatu ziren. Oraingoan jokoan dagoena final-laurdenetarako sailkapena da.

Marcelino Garcia Toral entrenatzaileak aurreratu zuen «aldaketa batzuk» egingo dituela hamaikakoan. «Taldeak ahalegin fisiko eta mental handia egin zuen Superkopan, eta freskotasuna behar du». Hala, Yurik, Vivianek, Vesgak, Nico Williamsek eta Raul Garciak hasieratik jokatzeko aukera izan dezakete. Min hartuta dago, berriz, Unai Vencedor, eta igandean ere ezingo du jokatu.

Xavi Hernandezek kataluniarren aulkiaren ardura hartu duenetik, haien jokoa aldatu egin dela nabarmendu zuen. «Intentsitate eta erritmo handiagoz jokatzen dute. Gainera, aurrean arrisku handiko jokalariak dituzte: Ferran Torres, Ansu Fati...».

Ez zaie joan-etorriko partida bat komeni. «Gure ohiko jokoa egiten ahaleginduko gara. Goian egingo dugu presioa, haien baloi irteera oztopatu, eta jabetze haien atetik ahalik eta gertuena berreskuratzeko».

Bartzelonan Luk de Jongek ez du jokatuko, zigortuta baitago. Haren herrikide Memphys de Depai, berriz, zalantza da. Xavik laudorioak izan zituen Athleticentzat. «Asko eskatuko digu baloi irteeran, eta adi egon beharko dugu haien aurrealdeko jokalarien abiadurarekin. Asko miresten dut haren filosofia. Bereziak dira. Azken urteetako harrobiko belaunaldi onena dute, gainera».

ATHLETIC-BARTZELONA
Athletic. Unai Simon; De Marcos, Yeray, Iñigo Martinez, Yuri; Nico Williams, Zarraga, Dani Garcia, Muniain; Sancet eta Iñaki Williams
Bartzelona. Neto; Alves, Araujo, Pique Jordi Alba; Busquets, Pedri, Gavi; Ferran Torres, Dembele eta Ansu Fati.
Epailea. Munuera Montero.
Lekua. San Mames.
Ordua. 21:30 (Telecinco).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Eli Anne Dvergsdal 2019ko irabazlea urteko hartako Zegama-Aizkorrin. ©FOKU

Itzultzear da, hiru urteren buruan

Aitor Manterola Garate

Gaur aurkeztu dute 21. aldia, Donostian. 500 korrikalarik hartuko dute parte maiatzaren 29an; besteak beste, Killan Jornet, Aritz Egea, Oihana Kortazar eta Sara Alonsok.

Alberto Dainese, garaipena ospatzen. ©Giro de Italia

Alberto Dainesek ezustean irabazi du Italiako Giroan

Iñigo Lasa

Italiar gazteak eskarmentu handiko esprinterrei aurrea hartu die azken metroetan. Biniam Girmayk lasterketa utzi behar izan du

 ©IÑIGO URIZ / FOKU

«Igoera lortzea baino modu hoberik ez dago agur esateko»

Iñaki Berastegi

Denboraldia amaitutakoan erretiroa hartuko du Gardek. Osasunako jokalari izatearen «ametsa» bete, eta egin dioten agurragatik «pribilegiatua» sentitu da. Duela bi urtetik hona, harrobiaren koordinatzailea da, eta lan horretan jarraituko du.
Biniam Girmay besoak jasota, atzo, garaipena ospatzen. ©MAURIZIO BRAMBATTI / EFE

Eritreak ikur berria du

Eñaut Agirrebengoa

Girmayk garaipen handia lortu du Giroan. Podiumetik ospitalera joan da zuzenean, xanpainaren kortxoak begian jota. Lopez lider da oraindik ere

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...