Albistea entzun

Emakumeen Nazioarteko Eguna. ANDREA BARNO

Beti borrokan

Goi mailako kirolaria izan da. Eskubaloi jokalaria Itxakon eta Espainiako selekzioan. Gozatu du, baina beti borrokan aritu behar izan duen irudipena gelditu zaio, utzi eta gero.
JAGOBA MANTEROLA / ARGAZKI PRESS

Edurne Elizondo -

2015eko martxoak 8 - Lizarra

Aurpegian sumatzen zaio erraten ari dena egia dela. «Hagitz kontent nago; garai zoragarria da oraingoa». Zortzi hilabeteko alaba besoetan du Andrea Barnok (Lizarra, Nafarroa, 1980) hitz egiten duen bitartean. Goi mailako kirolari anitzentzat zalantzaz betetakoa da lehiaketa utzi eta hutsetik hasteko prozesua. «Ziurgabetasuna ikaragarria da; nik ere sentitu nuen». Hiru urte pasa dira Barnok eskubaloia utzi zuenetik, eta aitortu du ez duela haren falta sumatzen, orain. Itxako taldearekin eta Espainiako selekzioarekin lortutako dominak inoiz baino garrantzitsuagoak iruditzen zaizkiola nabarmendu du, hala ere. «Begirada atzera bota, eta konturatzen naizelako beti aritu behar izan genuela borrokan; beti lehian. Emakumeon lan baldintzak beti izan dira kaskarragoak».

Barnoren lehiak eta borrokak jaso zuten saririk. Baina bertze emakume kirolari anitzentzat, esperientziak eta bizipenak dira ordain ia bakarra. Lizarrako jokalari ohia ez da damutu egindako hautuaz. «Eskubaloian aritu bertzerik ez nuen nahi. Baina argi izan dezala jendeak lortu genuena lortzeko gauza anitz eman behar izan genuela, gure bizitza pribatuaren zati bat ere bai».

Horregatik, arantza bat du Barnok, bihotzean sartuta: Itxako desagertu izana. «Ezin dut sinetsi, oraindik ere, lortutako dominak, egindako ibilbidea, hori guztia hutsean gelditu izana. Inoiz existitu ez balitz bezala».

Kirola egiteko beharra

Itxako desagertu baino lehen utzi zuen Barnok taldea, 2012an. Gazteak entrenatzen aritu zen hasieran, baina eskubaloia bazter uzten joan da, ordutik. «Alabarekin aukera gutxi dut orain; eta gogo handirik ere ez dut».

Eskubaloia bazter utzi arte ezin izan du ama izan. «Bertze hainbat herritan ohikoa da; jokalariek urtebete uzten dute eskubaloia, ama izateko. Eta ez da deus gertatzen. Baina hemen ezinezkoa da. Kontratuetan ere ez da halako etenaldia egiteko aukera jasotzen; ez zaio inori halakorik egitea bururatzen», azaldu du Lizarrakoak.

Lehiaketa bazter utzi du Barnok; ez, ordea, kirola. Pilates eskolak hartzen hasi zen, eta irakaslea bera da orain. Alabarekin egoteko denbora nahi du. Eta bilatu egiten du. Badu bertze zereginik, hala ere, bikotekidearekin jostailu denda zabaldu baitu, Lizarran bertan. «Nire egunerokoa erabat aldatu da, baina aldaketa ez da txarra izan». Martxoaren 8a alabarekin ospatuko du. Barnok ez baitu borroka bazter utzi.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Mutilentzat bakarrik den Erain ikastetxea, artxiboko irudi batean ©Gorka Rubio/ Foku

Eusko Jaurlaritzak finantzaketa etengo die ikasleak sexuaren arabera banatzen dituzten ikastetxeei

Edurne Begiristain

Jokin Bildarratzek esan du «ahalik eta modu adostuenean» egin nahi dutela prozesua, eta ikastetxeekin harremanetan direla. Eusko Jaurlaritzak halako sei ikastetxe ditu itundurik.

Araban %70eko jarraipena izaten ari da greba, letradu elkarteen arabera. ©Juanan Ruiz / Foku

Epaitegiak «kolapsatuta», letraduen grebaren ondorioz

Maite Asensio Lozano

Hego Euskal Herriko letraduek astea bete dute gaur greba mugagabean. Soldatak igotzeko eskatu diote Espainiako Justizia Ministerioari.

Galduriko emakumea bilateko operazioan parte hartu duen lagileetako bat. ©SOS Deiak

Hilda topatu dute Loiun galduriko emakumea

Berria

Igandetik ari ziren 78 urteko andrearen bila.

Konstituzio plazako plaka. ©Iruñeko Udala

Gaztelera hutsean jarraituko du Iruñeko Konstituzio plazako plakak

Julen Otaegi Leonet

Baluarteko plaza zenari izena aldatu eta urtebetera, administrazioarekiko auzietako auzitegi batek erabaki du ez dela beharrezkoa hango plakak euskarazko izenik izatea.
 

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...