Albistea entzun

Arrauna

Isuntzak dena jarri du alde Eusko Label ligan segitzeko

Meira, Bueu, San Pedro eta Pedreña atzean utzi ditu. Tolosaldeak ere ia erabakita utzi du Euskotren ligako kanporaketa. Gaur erabakiko dira
Isuntza atzo Bermeon, bigarren ziabogan, Eusko Label ligako kanporaketan. Tolosaldea Euskotrenekoa jokatzen, Bermeon bertan, atzo.
Isuntza atzo Bermeon, bigarren ziabogan, Eusko Label ligako kanporaketan. Tolosaldea Euskotrenekoa jokatzen, Bermeon bertan, atzo. OSKAR MATXIN EDESA / FOKU Tamaina handiagoan ikusi

Aitor Manterola Garate -

2022ko irailak 18

Isuntzak handia egin zuen atzo Bermeon. Eusko Label ligako kanporaketaren lehen jardunaldian, porrua sartu zien beste lau aurkariei. Meirak 16,16 segundo gehiago behar izan zituen, Bueuri 18,80 atera zizkion, San Pedrori 26,30 kendu zizkion, eta Pedreñari, 27,20. Bost puntu batu zituen Lekeitiko taldeak, eta hori bezain baliagarria da aurkariei atera zien aldea erlojupekoan. Gaur ere molde horretan ariko dira Portugaleten, baina ibaian (12:00, ETB 1). Atzoko lana biribildu beharko du liga nagusian jarraitzeko.

Lan biribil-biribila ez zuen egin, Osertz Aldai entrenatzaileak argi laga baitzien arraunlariei lanak bukatu eta segituan zer ez zuten ondo egin. Baina perfekzioa ez zuten aparte izan. Arraunean, behintzat, dotore egin zuten, luze, itsaso nahasiak eskatzen zuen eran. Trainerua ondo gogortuta eraman zuten une oro, kanporantz eta barrurantz.

Bigarren saria eskuratzeko lehia estuagoa aurreikusten da. Galiziako ligako lehen bi sailkatuen artean egon daitekeela ematen du. Meirak, hango txapeldunak, 2,64 segundo ateratzen dizkio bigarrenari, Bueuri. Azkeneko luzean, eta helmuga gainean zela hartutako olatu eder batek ekarri zuen buelta atzo. Ordura arte, Bueu hobeto moldatu zen, nahiz eta Meira gainean izan denbora guztian.

Atzerago daude San Pedro eta Pedreña, KAE 1 ligako txapelduna eta bigarrena. Hasierarik geratu ziren atzean, eta ezin izan zioten buelta eman egoera horri. Galiziako biak urruti ere ez dituzte denboren aldetik, baina gaurkoa ibaian izanda, nekeza izango zaie zeharo biei aurrea hartzea.

Tolosaldeak, hasi eta buka

Ezusterik ez zen izan Euskotren ligako kanporaketan. Tolosaldeak koska handia atera zion Deusturi. Ez dira alferrik bat liga nagusiko taldea, eta bestea ETE ligakoa. 16,84 segundo egon ziren gipuzkoarren alde. Bigarren luzean zabaldu zion tartea aurkariak. Gehienbat, azkeneko zatiaren aurretik. Ziabogan, zazpi segundo bakarrik zen aurretik.

Gaur Portugaleten biribildu behar luke lana (11:25, ETB 1). Atzokoaren aldean, oso baldintza ezberdinetan: ibaian, ur baretan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Paris 365 futbol taldeko kideak, sanduzelai peñaren aurkako partida hasi baino lehen. ©Idoia Zabaleta / Foku

Futbolaren poeta paristarrak

Edurne Elizondo - Nafarroako Hitza

Iruñeko Paris 365 jantoki sozialaren zenbait erabiltzailek futbol talde bat osatu dute, zelaian eta handik at eragiteko asmoz. Karrika izan dute anitzek etxe, baloia jotzeko oinetakoak jantzi dituzten arte. Kirolak helduleku bat eskaini die aurrera egiteko bidean.

Kilian Mbappe, gaur sartu duen bi goletako bat ospatzen. ©Georgi Licovski / EFE

Frantzia eta Ingalaterra, final laurdenetara

Paulo Ostolaza

Mbapperen bi golekin, Frantzia nagusitasunez gailendu zaio Poloniari (3-1). Ingalaterrak ere aise hartu du mendean Senegal (3-0).

Mikel Urrutikoetxea, gaur, Bilbon. ©Aritz Loiola / Foku

Garaipen garrantzitsua lortu dute Urrutikoetxeak eta Albisuk

Berria

Markagailua irauli, eta mendean hartu dituzte Laso eta Imaz. Urrutikoetxea izan da partidako onena.

Lionel Messi eta Julian Alvarez, Argentinaren lehen gola ospatzen. Biek sartu zituzten argentinarren golak. ©A. ESTEVEZ / EFE

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Aitor Manterola Garate

Informazio osagarria

Iruzkinak kargatzen...