Albistea entzun

MUSEOKO HAINBAT PIEZA

Berria -

2022ko urriak 8

Pendoia, bandera. Bandera handien azpian jartzen zen bandera txiki bat da pendoia, Gerra Karlisten garaikoa. Voluntarios de la libertad- San Sebastian jartzen du, Gipuzkoan jende gehienak Karlisten alde egin zuelako oro har, baina Donostia liberala zelako. Gizartea nola aldatu zen erakusten du lanak: Antzinako Erregimenean ez bezala, gudak ideologikoak izaten hasi ziren, erlijiosoak izan beharrean.

Txalaparta. Euskal kulturako ikono bat da Remigio Mendibururen txalaparta, eta ikusgai dago museoan. Eskultoreak zurezko habeekin egindako lehen eskulturetako bat da, eta material horrekiko eta herri kulturako elementuekiko zuen interesa islatzen du.

Mikel Laboaren gitarra. Marisol Bastidak, Laboaren alargunak, dohaintzan eman zion gitarra museoari. Euskal kulturari buruz hitz egiteko tartea hartzen dute gitarra dagoen tokian: Frankismo amaierako debekuak azaldu eta Ez Dok Amairu eta halako mugimenduak ezagutarazten dituzte.

'Le fil du temps'. Denboraren haria Esther Ferrer artista garaikidearen obra bat da, eta hurbiltzean ezer ere mugitzen ez dela dirudien arren, etengabe ari da hari bat goitik behera erortzen. Oharkabean pasatzen den denboraren joana irudikatzen du Ferrerren lanak, behera begiratzean ikusten baita zenbat hari pilatu den. Haria agortzean, beste bat jartzen dute museoan.

Lehorgailua. Erakusketa iraunkorrean sartutako azken pieza da Ibili euskal enpresako lehorgailua. 1950-1952. urte ingurukoa da pieza, eta etxe tresna ohikoa zen garai hartan. Gaur egun ia desagertuta dago, garbigailu-lehorgailua erabiltzen delako horren ordez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAIZKI FONTANEDA / FOKU

«Guztiok gatoz leku beretik: guztiok gara afrikarrak»

Unai Etxenausia

'Geu, afrikarrok' aurkeztu du Arrosagaraik, zenbait gazteren istorioak biltzen dituen erakusketa bat, Gasteizko Montehermoso kulturunean. Otsailaren 26ra arte egongo da ikusgai.

«Misiolari gisa bidali nahi gaituzte»

E. Telleria Sarriegi

Natalia Ortiz ikerlariak, besteak beste, Josefina Erezuma bizkaitarraren istorioa jaso du bere ikerketan, Jaime Aberasturi senargaiarekin izan zuen eskutitz trukearen bidez.
1 ©- / EZEZAGUNA

'Marten' hegaldia

Enekoitz Telleria Sarriegi

Francoren erregimenak, Eliza katolikoarekin batera eta Australiako Gobernuarekin tratua eginda, ehunka euskal emakumezko bidali zituen Australiara, 1960ko hamarkadan. Han lana eginaraztea eta aurretik hara bidalitako gizonezkoekin ezkonaraztea zen bidaia haien benetako helburua. 'Marta plana' deitu zioten, eta 'El avión de las novias' dokumentalean jaso dute.

 ©OIER ARANZABAL

«Audio plataforma bat sortuko dugu datozen hilabeteetan»

Urtzi Urkizu

Ikus-entzunezkoetarako Primeran iritsiko den moduan, irrati eta audioetarako beste plataforma bat sortuko dute, Goñik iragarri duenez. «Kolaborazioak sustatuko ditugu euskalgintzarekin».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Berria

Informazio osagarria

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.