Albistea entzun

LARREPETIT

Arvatov Iruñerrian

Hedoi Etxarte -

2018ko apirilak 7

Urriko iraultzako langileek artista iraultzaileei esan zieten: «Guztia eman dizuegu zuei, artistei, nahi zenuten guztia, orain emaguzue guri nahi duguna. Eman afixak, eman posterrak, eta bestelako artelan erabilgarriak eta ulergarriak. Orain eta hemen. Une honetan bertan, denboraz larri gabiltzalako». Hala idatzi zuen Artea eta ekoizpena-n (1926) Boris Arvatovek (Arte y Produccion, Ediciones Asimetricas).

Maria Zalambanik azaltzen du Arvatovek eta produktibistek uste zutela: Bat: langileak bere baitan ditu bai antolatzailearen eta baita exekutorearen figurak. Bi: lanaren printzipioaren barruan sartzen da prozesu sortzailea eta eraldatzailea (ondasun materialen ekoizpena=ondasun artistikoen ekoizpena). Hiru: lanak eguneroko bizitza sortzen du, langile orok bere lantokiko ekintzekin baldintzatzen du bere existentzia. Lau: makina gizakiaren kolaboratzaile bat da, makinak edertasun berria dakarkigu.

Produktibismoaren ideologoa izan zen Boris Arvatov poloniarra (1896-1940). 1919an egin zuen bat alderdi komunistarekin. Bera esku artean desberdin entzuten da Txertaketa, Broken Brothers Brass Banden azken diskoa (Gaztelupeko Hotsak 2018). BBBBk ekarri duelako Arvatov Iruñerrira, Alzuzan barru. Arvatovek, metodologiaz idatzi zuen praktika artistikoak aurre egin behar diela lau arazo nagusiri.

Bat: teknika artistikoari (luxu komunala da BBBBren swinga, galdera-erantzunen jokoa, sintaxi sofistikatua). Bi: artearen kooperazioarekin (Broken Sisters, Vocal Assault Force, Africa Unite Brigade, Beat Salad, Iruñea NOLA?, Maig di gras, Sustraian Records). Hiru: artisten ideologiarekin. Lau: artearekin eta bizitzarekin (udal ikastola, traktoreak, Ebro, Ndiaye, Jean-Pierre).

Zortzi ereserki berri dauzka gure eskualdeak: agurretarako, ongietorrietarako, greba egunetarako, bularra zabaldu eta harro egoteko, zutik.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.