LARREPETIT

Gelen bilduma

Mikele Landa -

2018ko otsailak 22
Te katilua hartu, nire atzean utzitako atea itxi eta orri zuriaren aurrean paratu naiz. Zer idatzi jakin ezinda, ordenagailuari so, begiak arinago zeinek kliskatuko, duelu absurdo batean ikusi dut neure burua eta ezin izan diot desafioari eutsi. Ni izan naiz begirada desbideratzen lehena; gela hutsean zehar barreiatu dut, eta duela gutxi irakurritako Wislawa Szymborskaren poema bat etorri zait burura. Hasierak horrela dio: «Zuen ustez gela hutsik zegoen./ Eta baziren han hiru aulki bizkarralde sendoz hornituak./ Lanpara bat ilunpeen aurkako, borroka etengabean». Bere buruaz beste egin berri duen pertsona baten gela deskribatzen du testuak, eta esaldiek Karlstadera eraman naute. Han baitzegoen Ritaren gela. Uxue Alberdik argitaratu zuen lehen ipuin liburuko pertsonaia baten bizitoki tenporala. Ritak zozketa bidez erabakitzen zuen astero-astero bere gelako altzairuen kokapena zein izango zen. Oreka apurtzen zuen horrela, espazioa irabiatuta. Chantal Akermanek egin zuen legez La Chambre (gela) bideolanean. Ohean zetzala sagar bat jaten, kamera bat biraka jarri zuen logelaren erdi-erdian. Szymborskak, Alberdik eta Akermanek lan hauek egin zituztenean, inkontzienteki bada ere, Virginia Woolf gogoan izan zutela bururatu zait. Lau emakumeak irudika ditzaket itxuraz hutsik leudekeen beraien gela propioetan; begirada inguruan zehar barreiatuz eta buruak martxan, espazioari eskainiz irudimena.

Ostiralean, bere amaren gaztetako ohiturari jarraikiz, pegatinen bilduma egiten duen mutil bat ezagutu nuen. Azaldu zidan jendeak munduko txoko guztietatik ekartzen dizkiola eranskailuak, baten bat ikustean berarekin oroitzen direlako. Nire gela propioan nagoela, otu zait zuei fabore bat eskatzea, beraien gela oinarritzat duten emakume artisten sormen piezaren batekin topo eginez gero niri helaraztea, hasi berri dudan bilduma hau osatzeko. Lagunduko?

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna