Kritika eta ilusioa, bat

Roberto Olabek esan du «esperantzarekin» bizi duela Realaren bilakaera. Futbol zuzendariak esan du Imanol «gidaririk onena» dela
Roberto Olabe, hizketan, atzo, Zubietan eman zuen prentsaurrekoan.
Roberto Olabe, hizketan, atzo, Zubietan eman zuen prentsaurrekoan. MANIX DIAZ DE RADA / REALA Tamaina handiagoan ikusi

Jon Ander De la Hoz -

2019ko otsailak 13

Realeko futbol zuzendari Roberto Olabek «esperantzarekin» bizi du taldearen bilakaera. Atzo agerraldia egin zuen Zubietan, eta, gehienbat, Imanol Alguacilen taldearen inguruan mintzatu zen: «Ilusioa dut ligako azken herenari dagokionez; exijentziaz ekin diogu, konformistak izan gabe, eta, gauza onei erreparatuz ez ezik, besteak hobetu nahirik».

Gasteiztarraren esanetan, jokalariek orain «argiago» dute nola lortu emaitza onak: «Hobe litzateke Valentziaren aurkako lehen zatiaren, derbiaren edo Espanyolen aurkakoaren bezalako une on gehiago izango bagenitu, baina, ikusitako on guztian oinarrituta, geratzen denaren esperantzaz nago». Datozen lehietan «inoiz baino inkonformistago» izateko beharra azpimarratu zuen.

Olaberen iritziz, taldearen «onerako» izan da Imanolek Asier Garitanoren lekua hartu izana, eta kritikari lekua egin zion, erabakia bere eginda: «Haren etorrera nire gain hartu nuen bezala, gauza bera egin dut haren irteerarekin ere». Olaberen ustez, Garitanorekin «ez genuen ez errendimendu kolektiborik, ez indibidualik izan. Niretzat [Garitano] kaleratzeko erabakia mingarria bezain beharrezkoa izan da. Gaur-gaurkoz, belaunaldi honentzat ez dago Imanol baino entrenatzaile eta gidari hoberik. Etenik gabe hazten ari da».

Joan zen udan egindako fitxaketen inguruan ere mintzatu zen. Mikel Merinoren, Sandro Ramirezen eta Theo Hernandezen inguruan esan zuen «egunerokoan konprometituta» ari direla, eta ondo hartu dituztela gainontzeko taldekideek: «Lehia sortu dute, baina ezin ditugu xabalina jaurtitzaileak balira bezala aztertu».

Neguko merkatuan beste bi jokalari lotu ditu Realak; atzelari bat, Modibo Sagnan frantziarra, eta atezain bat, Moises Ramirez ekuadortarra: «Merkatuari aurre hartu nahi diogu, behar ditugun gaitasunak dituzten jokalariak ekarrita. Ez datoz belaunaldi aldaketak utziko dituen zuloak estaltzera». Sagnan jokalari «azkarra» dela esan zuen, eta «datorren sasoian» batuko dela taldera. Ramirez, berriz, duela pare bat hilabetetik «lotua» zuen klubak, eta «proba bat» egin ostean erabakiko dute taldean geratuko den ala ez.

Bi kontratu berritze

Realak atzo jakinarazi zuen Kevin Rodriguesek eta Robin Le Normandek 2022ra arte luzatu dituztela kontratuak: «Klubaren egiteko era da. Kevinen postua betetzea ez da erraza egun, eta pixkanaka ari da taldean sendotzen. Robin, berriz, isilik iritsi zen, eta bere errendimenduarekin erakutsi du prest dagoela». Ezker hegaleko atzelariak beste bi urterako berritu du, eta erdiko atzelariak, beste hiru urterako.

David Zurutuzaren kontratua berritzeko prozesuari dagokionez, Olabek zehaztu du «berez erabakitzeko aukera» irabazi duela: «Ondo ari da jokatzen, eta ikusiko dugu zer egiten duen». Ekainaren 30ean amaituko zaio kontratua.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osasun langileak PCR probak egiten Donostiako Okendo kultur etxean, ostiralean. ©Gorka Rubio/FOKU

499 positibo atzeman dituzte Hego Euskal Herrian

Berria

Bizkaian behera egin dute kasuek: 211 positibo izan dira. Neurriak indartzearen alde agertu dira hiriburuetako alkateak.

Neurri bereziak dituen taberna bat, Donostian. ©Gorka Rubio / Foku

Bizkaiko eta Gipuzkoako ostalariek salaketa jarriko dute gaueko aisialdia mugatzearen aurka

Andoni Rekondo Izagirre

Uste dute «neurrigabea» dela 01:30ean ixteko agindua, eta laguntza ekonomikoak galdegin dituzte.

Bizkaiko zahar etxe bateko egoiliarrak paseoan. ©Marisol Ramirez/FOKU

Bilboko zahar etxe bateko zortzi egoiliarrek positibo eman dute

Olatz Esteban Ezkati-Irati Urdalleta Lete

Gasteizko zahar etxe bat eta Mutrikuko eguneko zentroa itxi egin dituzte.

 ©Raul Bogajo / Foku

Lanbidek Zaramagako eta Laudioko bulegoak itxi ditu, bi langilek positibo eman dutela eta

Andoni Rekondo Izagirre

Bulegoetako gainerako beharginak ere etxera bidali dituzte berrogeialdia pasatzera. Bitartean, tramiteak webgunearen bitartez egin ahal izango dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna