Handia egin zuen atzo Liverpoolek, buelta eman ziolako etxean Bartzelonaren Txapeldunen Ligako finalerdietako kanporaketari. 4-0 irabazi zuen, eta ezerezean utzi zuen Kataluniako taldeak joanekoan lortutako hiru golen aldea. Horri esker, bigarrenez jarraian jokatuko du finala. Gaur jakingo du noren aurka ariko den: Ajax edo Tottenham. Herbeheretarrek 0-1 irabazi zuten joanekoan. Gaur etxean jokatuko dute.
Origi eta Wijnaldum izan ziren Bartzelonaren borreroak: Origik sartu zuen lehen gola, 7. minutuan, Wijnaldumek hurrengo biak, 54. eta 56.etan, eta Origik azkena, 79.ean. Bartzelonari iazko bera pasatu zaio: kareletik bota du patrikan zuen sailkapena.
Liverpoolek 4-0 irabazi du, eta Txapeldunen Ligako finala jokatuko du
Iruzkinak
Ez dago iruzkinik
Ordenatu
