Albistea entzun

Futbola. Polonia eta Ukrainako Eurokopa: Final-laurdenak

Atea itxita dago

Aspaldiko partez ez dago eztabaidarik Ingalaterrako atezainaren inguruan. Oso lan ona egin, eta postuaren jabe egin da Joe Hart.

Julen Etxeberria -

2012ko ekainak 24

Garai batean, ingelesek uste zuten edabe magikoa zutela atezain bikainak emateko. Ez zuten euren selekzioaren ateaz arduratu behar. Bazekiten ondo zainduta zegoela: Gordon Banks, Peter Shilton... berme bikaina ziren. Baina ezer ez da betiko, eta haien ostean eskasia etorri zen. Ray Clemencek, Chris Woodek eta Joe Corriganek nola edo hala estali zuten hutsunea, David Seaman iritsi zen arte. Hamar urte luzez selekzioaren atearen jabe egin zen Seaman, 1991tik 2002ra. Bere merituengatik baino gehiago, lehiakide faltagatik jokatu zituen horrenbeste partida Seamanek. Hark egindako bi huts gogoratzen dira oraindik: 1995eko Europako Errekopako finalean Nayim Zaragozako erdilariak zelai erditik sartu zion gola —garaipena eman zion Espainiako taldeari— eta zazpi urte geroago 2002ko Japoniako eta Hego Koreako Munduko Kopako final-laurdenetan Ronaldinho aurrelari brasildarrak 40 metrotik faltaz sartu zion gola. 2002ko urriaren 16an jarri zen azken aldiz Seaman selekzioaren atepean. Egun horretan, kornerretik sartu zioten gola zuzenean Mazedonian. Huts horrek eman zion errematea.

Seamanen ostean handiagoa egin zen ateko zuloa. David James, Paul Robinson, Ben Foster, Joe Lewis, Scott Carlson, Chris Kirkland... erdipurdiko atezainen ilarak ez zuen etenik. Robert Greenek jarri zuen ginga. Green lotsagabe geratu zen 2010eko Hegoafrikako Munduko Kopan, eskularruetatik ihes egin baitzion Clint Dempsey AEBetako erdilariak indarrik gabe jaurtitako baloi batek. Fabio Capellok ez zuen bitan pentsatu: ez zuen gehiago zelairatu Green. Jamesek ordezkatu zuen. Baina hark ere ez zuen aparteko lanik egin.

Batetik bestera

Joe Hart zen Ingalaterrako hirugarren atezaina Hegoafrikan (Shrewsbury, Ingalaterra, 1987). Ez zuen minutu bakar bat ere jokatu. Capellok ez zuen konfiantzarik harengan. Aurretik ere ez zuten izan konfiantza harengan Manchester Cityko entrenatzaileek. 2006ko udan fitxatu zuen Manchester Cityk, Shrewsbury Townetik, baina lau urtean partida ofizial bakarrean zaindu zuen talde berriaren atea. Gainera, lehen bi atezainak min hartuta zeudelako eman zioten aukera.

Tranmere Roversen, Blackpoolen eta Birmingham Cityn. Hiru talde horietan bai izan zuen bere dohainen berri emateko aukera. Utzita jokatu zuen, eta bikain moldatu zen. Horri esker itzuli zen Manchesterrera 2010eko udan. Itzuli eta nabarmendu: lehenbizi, entrenamenduetan, Shay Given Irlandako selekzioko atezainari aurrea hartuta; eta bigarrenez, Ligako estreinakoan, geldiketa bikainak egin eta neurketako jokalari onenaren saria irabazita. Ordutik inork ez du mugitu atetik. Hartek postuan jarraitzeko merituak egin ditu: bi aldiz aukeratu dute Ligako atezain onena. Lehen denboraldian, gainera, marka bat ezarri zuen klubean: ez zioten golik sartu 29 partidatan. Bigarren sasoian ere oso lan ona egin du, eta haren lanak zerikusi handia izan du 44 urteren ostean, Manchester Cityk Liga irabaz dezan. Hain ona izan da haren lana, ezen laudorioak jaso baititu aurkari gorrotatuenarengandik, hots, Manchester Unitedetik. «Atezain magikoa da», esan du hari buruz Alex Fergusonek.

Seguru bere taldean, eta seguru selekzioan. Hartek bi urte daramatza selekzioaren atea zaintzen, eta oraindik ez du huts larririk egin. Ez da gutxi, haren aurretik egondakoak ez ziren gai izan hori egiteko. Inoiz geratu ziren lotsagabe. Eurokopa honetan hiru gol sartu dizkiote Harti, hau da, gol bat jaso du partidako. Hiru gol horietako bakar batean ere ez du izan errurik. Aitzitik, haren geldiketek behin baino gehiagotan salbatu dute Ingalaterra. Aspaldiko partez zaleak lasai daude. Oraingoz ez dute kexarik. Oraingoz.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Bengoetxea VI.a, gaur, Bilboko Bizkaia pilotalekuan. ©Monika del Valle / Foku

Bengoetxeak ez du azken hitza esan

Paulo Ostolaza

Neurketaren bigarren erdian nagusitu da Bengoetxea. Gaur galduta, aurrera egiteko aukerarik gabe geratu da Elordi, eta Etxeberria finalerdietan da jada.

Osasunako jokalariak Chimy Avilaren gola ospatzen, gaur, Vila-Realen. ©Doménech Castelló / EFE

Osasunak aparretan jarraitzen du

Berria

Etxetik kanpo lautik lau partida irabazi dituzte gorritxoek. Lucas Torró eta Chimy Avila izan dira golegileak, eta sailkapenean, behin behinean, bigarren postuan daude.

Cardoso, gaur, zazpi metroetako jaurtiketa bat botatzen. ©Idoia Zabaleta / Foku

Bera Berak berdindu egin du Paris 92ren aurkako joaneko neurketa

Paulo Ostolaza

Europako Ligako bigarren kanporaketako lehen partida jokatu dute gaur Donostian. Super Amara Bera Berak bizpahiru goleko errentak izan ditu bigarren zatian, baina erasoan ez du asmatu azken minutuetan.

Ospakizuna betea izan da

Ospakizuna betea izan da

Ainara Arratibel Gascon

Realak 1-0 irabazi dio Mallorcari azken unean, Lobetek sartutako golari esker. Txuri urdinak lider jarri dira. Bigarren zati osoa bat gutxiagorekin jokatu dute, epaileak bi txartel hori erakutsi baitizkio Aihen Muñozi

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna