Albistea entzun

«Lasterketaren parte dira belodromoko dutxak»

Oso berezia da Paris-Roubaix klasikoa, sona handia dauka Roubaixeko belodromoak, eta xarma ikaragarria belodromoko dutxek. Helmugako marra igarota ez, belodromoko dutxetan gozatua hartuta amaitzen da proba.
Pedro Horrillo, erabat lehertuta, Roubaixeko belodromoko dutxetan.
Pedro Horrillo, erabat lehertuta, Roubaixeko belodromoko dutxetan. BERRIA Tamaina handiagoan ikusi

Unai Zubeldia -

2015eko abuztuak 4

Aurpegia desitxuratuta, begirada galduta, lokatzez lepo... Pedro Horrillok badauka argazki eder bat gordeta, «Eddy Merckxen ezagun-ezagun baten berdina», Roubaixeko belodromoko dutxetan ateratakoa. «Niretzat lasterketaren parte dira dutxak». Bost izarreko hotelen parera iristen ari dira jada World Tourreko taldeen autobusak, eta bertan freskatu ohi dira lasterketak amaitu berritan. «Baina Paris-Roubaixen kasuan, belodromoan dutxatu izan naiz beti». Nolakoak dira, ordea, dutxa horiek? «Zahar-zaharrak, hormigoizkoak, eta esertzeko koska txiki bat daukatenak. Kiskaltzen ateratzen da ura, baina leku zoragarria da sentsazioak trukatzeko».

Horrillok berak ireki zion Imanol Erbitiri Roubaixeko belodromoko atea. «Nire hirugarren urtean izan zela uste dut, amaitu nuen lehen aldian». Izugarri sufritu zuen urte hartan nafarrak. «Eta azken 50 kilometroak harekin egin nituen. Asko lagundu zidan; zailena eginda neukala esan eta esan aritu zitzaidan ondotik». Behin helmugako marra igarota, dutxen berri eman zion bizkaitarrak. «Eta ilusio ikaragarria egin zidan. Kartel txiki bat dauka dutxa bakoitzak, urte horretako irabazlearen izenarekin. 1983an jaio nintzen ni, eta urte hartako irabazlearen kartelari begira dutxatu nintzen». Hennie Kuiper herbeheretarra nagusitu zen. 1983an.

Dutxetan sartzeko aukera izaten dute argazkilariek. «Txirrindularien intimitatea errespetatuz, noski», zehaztu du Horrillok. «Hain nekatuta egoten gara, momentu horiek islatzen saiatzen dira argazkilariak».

Irizar, autobusean

Autobusaren erosotasunari segika, azken urteotan bertan dutxatu izan dela aitortu du Markel Irizarrek. «Baina lehen urteetan belodromora joaten nintzen, eta oso momentu berezia izaten zen». Trek sortu berritan, Roubaixeko belodromo berrian egin zuen taldeak aurkezpena. «Eta zorte handia izan nuen, dena lasai-lasai zegoela hura ikusteko aukera eduki nuelako». Fabian Cancellara tartean egonda —«Tom Boonenekin batera, historiako klasikozalerik onena»—, Trekentzat «oso berezia» izaten da beti Paris-Roubaix. «Eta bezperan gustatzen zait inguru guztia nola dagoen ikustera joatea».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©IÑIGO URIZ / FOKU

«Oso garai politean bizi naiz orain; gozatzen ari naiz»

Julen Etxeberria

Hirugarrenez jarraian ordezkatuko du Mariezkurrena, eta hirugarrenez irabazi nahi du Peñarekin. Haren ustez, enpresari erakutsi dio «kontuan hartu» behar dutela.
Joseba Ezkurdia, pilota jotzen, azkeneko partidan. ©ARITZ LOIOLA / FOKU

Ezkurdia-Martija eta Jaka-Aranguren aukerarik gabe gera daitezke asteburuan

Julen Etxeberria

Aspekoek hiru garaipenera dute kanporaketa, eta Baikokoek, laura. Nafarrek gaur jokatuko dute, Urrutikoetxea-Albisuren aurka, Zornotzan

Mathieu van der Poel eta Wout van Aert, lehian, Benidormen jokatutako Munduko Kopako proban. ©MORELL / EFE

Gaurtik igandera jokatuko da ziklo-kroseko Munduko Txapelketa

Eñaut Agirrebengoa

Gaurtik igandera jokatuko da ziklo-kroseko Munduko Txapelketa, Hoogerheiden (Herbehereak). Gizonezkoen proban, Van der Poelen eta Van Aerten arteko beste borroka handi bat espero da. Iazko txapelduna, Pidcock, ez da lehiatuko.

 ©JAGOBA MANTEROLA / FOKU

«Gozatzen dudalako jokatu izan dut beti, ez markak ezartzeko»

Beñat Mujika Telleria

Maria Españak urte asko daramatza Espainiako ligarik onenetan aritzen, eta kirol heldutasun betean dago. Bikain ari da denboraldi honetan. Kantxan erakusten duen lidergo bera erakusten du handik kanpo ere.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.