Albistea entzun

Baloirik gabeko ikuskizunaren gunea

Errugbi eta hockey partidak, boxeo borrokak, kontzertuak, auto eta moto lasterketak... Eraikinaren erosotasunak bultzatuta, Wembley zaharrean eta berrian ez dira izan futbol kontuak soilik.
2007ko abenduaren 23an izan zen autoen lasterketa.
2007ko abenduaren 23an izan zen autoen lasterketa. BERRIA

Unai Zubeldia -

2015eko abuztuak 5

Futbolak goratu du Wembley. Manchester Unitedek 1968an irabazitako Europako Kopa, Tony Adams eta Peter Shilton Ingalaterrako selekzioko bi ikurren partida sortak, Bartzelonaren 1992ko Europako Kopako titulua... Baloiaren gune kutuna izan da Londresko estadioa 1923an sortu zenetik. Baina, eraikuntzaren erosotasunak eta harmailetako zale kopuruak ahalbidetuta, Wembleyk ez die aterik itxi beste hainbat ikuskizuni. 1948an eman zuen behin betiko pausoa, Olinpiar Jokoen gune gisa Emil Zatopek atleta urre kolorez jantzi zuenean —10.000 metroko proba irabazi zuen, eta zilarra eskuratu zuen 5.000 metrokoan—.

Errugbi eta hockey partidak, futbol gaelikokoak, zakur lasterketak... Hainbat kirol eta kultur diziplina bildu ditu Wembleyk, eta historiari ere keinu politak egin dizkio. Urrutira joan gabe, AEBetatik kanpo Londresen jokatu zen futbol amerikarreko lehen partida, 2007ko urriaren 27an. New York Giantsek 13-10 irabazi zieten Miami Dolphinsi. Sortutako ikusminarekin, egun horretan bertan hasi zen indartzen egunen batean Super Bowleko partida bat bertan jokatuko den zurrumurrua.

Jendetza kontzertuetan

Gertuenekoari helduta, berriz, Carl Froch eta George Groves boxeolari ingelesen arteko borrokak 80.000 zale elkartu zituen Wembleyn, iazko maiatzaren 31n. Zortzigarren round-ean KOz hartu zuen mendean Frochek Groves. Hori bai, gehienetan gertatzen den moduan, musika kontzertuek pilatu izan dute jende gehien Wembleyn. 1972an ireki zion atea Wembleyk musikari, eta ordutik bertan gozatutakoak dira, besteak beste, Bo Diddley, Jerry Lee Lewis, Little Richard, Freddie Mercury, Michael Jackson, Muse taldea, The Rolling Stones, Foo Fighters eta U2.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Wold Tourra begiz jota, Laboral Kutxa taldearen egonaldia

Erronkaren tamainara hazi

Iñaki Berastegi

Alteako egonaldiarekin amaitu du Laboral Kutxa taldeak 2023ko denboraldirako prestaketa fasea. Zaila bada ere, helburua, 2024an World Tour mailan tokia egitea da. Hala ere, txirrindulariek azpimarratu dute erronka hori ezin dela «obsesio» izan. Ilusioa izan dute lanerako akuilu nagusi.

Laboral Kutxako txirrindulariak entrenatzen, iragan astean, Altean. ©MARKEL BAZANBIDE

Prestakuntzari azken ukituak emanez

Iñaki Berastegi

Lan kargaren arabera, txirrindulariak bi multzotan banatu dituzte entrenamenduan Laboral Kutxako teknikariek. Talde lana hobetzea eta prestaketa fisikoa fintzea izan dira lan saioaren helburu nagusiak.

Oscar de Marcos eta Moi Gomez, lehian Athleticek eta Osasunak San Mamesen jokatutako derbian. ©ARITZ LOIOLA / FOKU

Euskal talde bat Kopako finalean arituko da

Beñat Mujika Telleria

Osasunak eta Athleticek elkarren aurka jokatuko dituzte Espainiako Kopako finalerdiak. Hortaz, euskal talde bat finalean arituko da

Jai Alai ligaren antolatzaileak, atzo, Gernikako frontoian. ©MARKEL SUAREZ

Iparraldeko eta Hegoaldeko txapelketa nagusiak, batera

Berria

Gernikako, Donibane Lohizuneko, Miarritzeko eta Paueko txapelketak batuko ditu Jai Alai liga berriak

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.