Atletico Madrilen zaurian gatza bota nahi du Realak, gaur iluntzean

Txapeldunen Ligan porrot mingarria jaso zuten espainiarrek, asteazkenean. Zigorra beteta, hamaikakora itzul daiteke Theo Hernandez
Theo Hernandez —eskuinetara— Ruben Peñarekin lehian.
Theo Hernandez —eskuinetara— Ruben Peñarekin lehian. JUAN CARLOS RUIZ / FOKU Tamaina handiagoan ikusi

Jon Ander De la Hoz -

2018ko urriak 27

Realak ez du lantegi samurra izango gaur iluntzean. Atletico Madrilen zelaian ariko dira donostiarrak, eta beti da zaila han aritzea. Hori gutxi balitz, amorruz betetako talde bat izango dute aurkari. Izan ere, asteazkenean, 4-0 galdu zuten Txapeldunen Ligan, Borussia Dortmunden zelaian. Jasotako kolpea ordainarazi nahiko diete txuri-urdinei.

Alabaina, Atletico Madrilen zaurian gatza botatzeko prest daude donostiarrak. Realeko entrenatzaile Asier Garitanok, baina, ez du uste asteazkeneko norgehiagokak eraginik izango duenik Atletico Madrilek gaur egingo duen jokoan: «Mentalki ondo prestatutako taldea da». Bergararren esanetan, partidan zehar aritzeko «zenbait eredu» ditu Diego Pablo Simeoneren taldeak, eta norgehiagokako une guztietarako multzo «indartsua» duela zehaztu du: «Presioa egingo du, eta, aurretik jartzen badira, kontraerasora joko dugu».

Haiei aurre egiteko, Anoetatik urrun erakutsitako jokoari eutsi nahi dio Garitanok: «Etxetik kanpo gehiago ari gara asmatzen. Etxean gehixeago ari zaigu kostatzen; hobetu beharra daukagu». Haren esanetan «partidako egoerak txikiagotzea» izango da neurketako gakoetako bat, eta «prest egotea» bestea: «Badakigu zer egiten dugun, eta partidaren bila joango gara».

Horretarako, zenbait aldaketa egin ditzake Garitanok hamaikakoan. Zigorra bete du Theo Hernandezek, eta hasieratik aritu daiteke: «Jokalari garrantzitsua da». Frantziarrak ondo ezagutzen du Atletico Madril, bertako harrobian hazitako jokalaria baita. Miguel Angel Moyarentzat ere partida berezia izango da. Lau sasoi egin zituen Madrilgo taldean. Lehen urtean jokatzen hasi bazen ere, aulkitik ikusi zituen partidak azken denboraldietan. Gaur zelaian izango da, Realari irabazten laguntzeko. Ez du lan erraza izango.

ATLETICO MADRIL-REALA

Atletico Madril. Oblak; Arias, Godin, Lucas Hernandez, Filipe Luis; Saul, Rodri, Lemar, Koke; Griezmann, Diego Costa. Reala. Moya, Aritz, Hector Moreno, Navas, Theo; Illarramendi, Zubeldia, Pardo, Oiartzabal; Sandro Ramirez, Willian Jose.

Epailea. Mateu Lahoz.

Lekua. Wanda Metropolitano (67.829 ikusle).

Ordua. 20:45ean (BeIN).

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Pertsona batzuk maskararekin pasa den astean, Orion (Gipuzkoa). ©Jon Urbe / FOKU

Getariako Udalak, hiru kasuren berri eman, eta Osasun Sailaren jarrera salatu du

Amaia Ramirez de Okariz Kortabarria

Eusko Jaurlaritzako Osasun Sailari eskatu diote zuzenean emateko egon daitezkeen positiboen berri eta hartzeko herritarrak babesteko hartu beharreko neurriak. Azpeitiko (Gipuzkoa) Udala ere kezkatuta dago.

Sanferminak bertan behera geratu diren arren, zuri-gorriz jantzitako gazte bat, maskararekin, Iruñean. ©Jesús Diges

Koronabirusaren agerraldiak

Berria

Koronabirusaren aurreneko olatua makaldu eta konfinamendua arintzen hasi ondoren agerraldi gehiago ditu gaitzak. Ekainetik aurrera gutxienez hamahiru agerraldi izan ditu COVID-19ak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna